Typing Mistake sawi ka hre fo va, a lo dik deuh tak tak a nih hi. Selesih tih turah Selsih tih te, sawngbawlna tih turah sangbawlna tihte leh a dang tam tak ka lo hmu thin a, tan lak a ngai deuh a ni. - 9862355182 Vol 11 Issue No. 30 July 27, 2014, kan chanchinbute hi kan hnam ro an nih angin kan hnam, kan ram a aw b te hi a dik deuhvin emaw, aw hmanna tura o han hman tlatte. Entir nan duhom ti lovin duhawm han tih te, kan hnam tan hian a pawi thei mai lo ang maw! - 8257019481 Khawlum damdawi: New Life damdawi in kawta thlalak anga fuh ka hmu lo! An inrual tlan hmel si a, an naupan laiin vur eio tur a van hmel! Mi tihlim hle mai, thlalak tha tak a ni. - 8729863597 Zu zawrh an phal ta mai chu a ni a, keini thingtlanga awm tan chuan dan vel hian awmzia a nei leh awm si lo va, a tuarten kan tuar leh tlawk tlawk dawn a nih hi. - Thingtlang nula Kan sorkar hian Medical College a din a nih pawhin state danga kan quota 38-te hi chu humhim tho se, an humhim thei lo a nih chuan a pawi khawp ang, ram hnuk thil a ni tlat. He thil hi kan politician-te mai bakah kan officer-te pawhin lo hre teh se, a pawimawh em mai! - RAMHMANGAIHA Mosolman ram ang maia kan khawlaia bomb puak chamchi mai hi chu a va tha lo em! YMA etc. te hian engah mah an ngai lo nge an ngawih tlat le! - Moia dt. Polution chungchanga Minister leh official-ho thutlukna leh hmalak an tum dan kha ka la hre thiam thei reng reng lo. Motor zawng zawngin August thla chhungin an ‘test’ vek tur a ni an han ti pawp mai a, motor thar leh heng: MZ-01 D leh a chung lam - E, F, G, H, J, K te tan hian eng nge a tulna? Bakah, motor nuai chuang a awm a, chung chu thla khat chhunga ‘test’ zawh hman an inring a maw? A ‘logic’ lo em mai, official-te tal khan Minister kha fin chhuah teh u! - Lalruma A senchi hi mi thenkhat hian a engah mah hma hian an han hlau nghal ringawt a, vawk hrileng damdawi atan a tha teh a nia. A practical-in ka hmang tawh a, a tha khawp mai. - 9862838074 Mi ram sorkarte hi chuan an khua leh tuite tan an theihtawp an chhuah a, an intodelh im em a. Keini sorkar ve hi zawng kan ni tin ei leh bar mamawh vete chu kum a kal zel angin kan tla thla ve hret zel a ni mai a. Tunah patlingin kar khatah buhfai kg 1 a dawng pha hram a ni mai a, ngun taka ngaihtuah chuan kan sorkar chak lutuk lem lo hian min rawk zawk a ni mai lo maw tih mai a awl khawp mai. 1. Supreme Court thupek tiin cheng tam tak senga kan bel sun control chu rang lutukin min pawhthlaktir a, hetih lai hian Delhi-ah chuan a duhin an bel a, a duh lovin an pawtthla mai mai a ni. 2. Road tax kum 15 atan min laksak leh a. 3. HSRP min hman luihtir leh a, hei pawh hi state dang chuan an ngai pawimawh vak lo a nih hmel, internet nen pawh thlunzawm lo niin an sawi. 4. Tunah hian Polution Control Board-in lirthei zawng zawng silencer mei khu tam leh tam loh lirthei neituten pawisa chawitira check-sak vek a tum leh ta. - Tluanga Congress sorkar a ngialngheh chhan nia ka hriat thenkhatte: MLA/Minister a thenkhatte hi KTP Leader rual lek lek an ni ve a; mahse, zu leh sa, mipat hmeichhiat, ei rukna lamah sawisep an kai lo em em mai a. Tin, an senior-te lah Rotekawla vawkpa anga ro hran han rel lah an awm hek lo, hei hian malsawmna a keng niin ka hria. Heng Pu Romawia, Pu Zira, Pu Rohluna te phei hi chu sorkar tihlu zualtute an niin a lang. - M2 Kan ram hi a tichhetu chu hnam dang ni lovin keimahni Mizo ngei hi kan ni e. KAN RAM hi a chhiat lohna tura daitheutu tur mi tha, mi dikten hmun an chang si lo. Kan ram hi a damlo a ni e. Pathian duh dana roreltu kan neih theih nan thahnemngai takin i tawngtai zel ang u. - 9856836216 India ram Capital Delhi aiin Mizoram chu darkar khatin ni a chhuak hma na a, sikul tan hun chu 7:30 AM vel a ni ber. Dawr chu dar 10:00 AM hmain an hawng mang lo. Aizawlah chuan dawr tam tak zing dar 7:00-ah an hawng. Engah nge zing dar 8:00-ah sikul kan tan ve theih lo vang? - 8794316079 Bible thianghlima thupuan buin min hrilh angin Krista dodaltu sakawlh no. chu chhut thiam chuan chhut rawh se, a zat chu 666 tih kan hmu. Chhut a ngaihna chhan pawh a lang kuauin kutah emaw, chalah emaw chhut tur a ni dawn lo va, taksaa chip thun tur kha computer chi khat, www emaw, bar code emaw awm ngei ngei a nih dawn vangin www emaw, bar code tlukpui chu 666 a ni. Tichuan, number-a a inziak loh avangin chhut thiam tan chhut a lo ngai ta reng a ni. Taksaah chip thun kher lovin, UID No. chauh neih tur leh, lei leh hralh khapna tur dan ni kher lo sela chuan tiang khawpa dodalna hi a thleng hauh lo ang le! Mahse, UID serial no. bakah hian www or bar code=666 a tel zel dawn miau si. Ti hian, Kristiante kan harh thei tawh ang em le? - Puipuii pi He Mizoram, Kristian rama Kohhran pawl hrang hranga hruaitu/hotu leh Revival Speaker hrang hrangte leh Rev., Dr. te u, hei hi ka zawt a che u. Sum tam tak aiin hmingthatna hi thlan zawk tur tih hi eng nge kan ramah hian a awmzia ni ta? Tangka sum ngainat hi sual tinreng bul a ni tih pawh hi eng nge ni a awmzia ni ta le? Mizoram, Kristian rama mi rinawmte tan hmun a chepzia leh a hrehawmzia hi, mi rinawm lo leh mi pamham tan Mizoram nawmzia leh Kohhran leh khawtlanga an chanvo thatzia te hi tute mawhphurh nge ni ta ang le? Mizoram, Kristian rama hlawk ber chu rinawm lohna a ni a, hlawk lo ber leh mite ngaihnep ber chu mi rinawmte an ni ta ber e. - Tea, Azl.

Kristian ram ni si, Mizoram anga nuar, lungawi lo, kan duh lo bang rawh se, kawngzawh etc. tamna hi a awm ve ang em? Hei vang pawh hian kan Kristianna hian kan nunah awmzia a neih tlemzia a tilang chiang hle mai. - 8575321003 SAWHKHAWK of the day Ka ngaih ve dan chuan sikul tan hun hi sorkar leh Kohhran pawhin office tan hun, nipui leh thlasikah an tidanglam thin ang hian ti ve mai sela. Thlasikah dar 9:00-ah tanin nipuiah dar 8:00-ah tan ni sela. A?tir kum khat chu Aizawl, Lunglei leh Saihaah ti phawt sela, a lo that phian chuan khaw dangah ti ve zelin ram pumah chuan kum nga chhunga tih vek ni ta sela, hmanhmawh lova kalpui chi a ni e. Kohhran zing tawngtai inkhawm pawh hi thlasikah zing dar 6:00, nipuiah zing dar 5:00 ka’n rawt nghal e. - Matea pu