SAWHKHAWK of the day Kan Sports Minister hova Vision 2016 hi Zofaten India aiawha Olumpic-a telna tur bik games thlang chhuaka hma an lakna hi a nep deuh a ni lo maw? Commonwealth Games neih zawh takah khan pakhat mah kan tel lo phawt a, sawi ve lem lo Manipur atangin 14 zt an tel lawi si a, thla leh lawkah Asian Games a lo awm leh dawn a, Zofate hmel kan hmuh ka ring lo. Olympic-ah pawh tumah kan tel ve rinna ka nei lo. Kan SAI Centre te ve hi eng atan nge kan tih le? Sports Minister hian tun aia tha turin committee emaw, a enpuitu tur emaw siam a va hun tawh ve aw? An zir loh zawk hi an zir chhuak mek niin kan hre tlat nia, kum 30 kan neih tawh lai hian Asian Games medal 1 tal pawh an la la thei lo hi chu ni lo tur ni tlat a awm em ni le? - Kutdenga

Pu Editor, i chanchinbu hi ka la ve a, chhiar a manhlain a variety tha hlein ka hria, ka hriatna pawh a tizau hle. Chutih rual chuan chhiar fuh hleihtheih loh leh thu-ulh leh inlalawn tha lo a awm fo va, uluk lehzuala edit ni se a va duhawm em! Entir nan tukin August 24 chhuaka page 2-na, “YMA khawmpui tur pandal tep” tih ang chi... A heading bold-ho hi chu en uluk ni thei se... - Watcher Zothanpuii Jr. kha, awmpuite chungchang i rawn ziah dan kha a dik lo, awmpuite hi i thawh peih loh thawktute kan ni a, hlawh pek i hreh chuan awmpui la ve tawh miah suh. - L.R.Mawii Central YMA etc. ten Chakma chhiarpui neih an tum hi tha ka ti hle mai, sorkarin dan ni lo angin sawi mah se Chakma pawhin dan lo angin inthlan an boycott ve tho alawm! Anni pawh dan lo anga an chet ngam chuan keini pawh ram leh hnam tan chuan kan che ve ngam dawn lo'm ni? - M2 Kan Synod hotute thuchhuah, 'Sakawlh ka hlau lo' tih ka chhiar a, tiang em em hian a ni maw an lo mawl le! He lehkha chhuahtu leh chhiara awihtute hi sakawlh hlauva a chhinchhiahna putu turte an ni e. Kristian inti ve si, Thupuan buin min hrilhte awih lo leh a ngaihna hre hlawl lotute an ni e. Lo chhiar ve la, i chhiar nawn zin poh leh an mawlzia leh Pathian thu an awih lohzia, khawvel ropuina umtu an nihzia i hmu chiang tawlh tawlh ang. Sakawlh leh a chhinchhiahna awmzia pawh an hre lo va, hun hnuhnunga thleng tura Bible-in hrilh chian tehlul nen, AD Zabi hnihnaah a liam tawhte an ti mai mai!! Nero-Kaisara tih te ka hre ngai lo, Neroa te, Kaisara hmingte chu kan chhiar thin ngei mai a, khawvel ropuina leh sannate chân hlauvin Thupuan bua thute an chhut ngam lo zawk a ni e. An dawi ât, Mizo mipui tam takte thlarau mawh chu an la phur ngei ang. - Puipuii pi Zing tawngtai inkhawm ka kai ve a, tawngtai thupuiah chuan, "Khawvela remna leh muanna a awm theih nan," tih a ni a, khawvelah remna leh muanna a awm ka ring si lo va, Bible-ah pawh, 'ram leh ram an indo vang,' tih a ni si a. Pu Editor, eng nge i ngaih ve dan? - 9402521999 Kan Supply Minsiter ve chu le, a nawi hle mai maw! Kalphung dika engmah neih loh ai chuan kalphung dik lo deuhva neih tin ten a tha zawk fe a ni. - Lalruma Chanchinbuah advertisement kan uar ve ta hle mai, mi hun leh sumte kan tihheka kan in-phone buai loh nan thil man nei chi reng reng chu a man i ziak hram ang u khai! - M2 Wales rama Synod Choir zin kha a hriaten entertainer angin an kal an ti, mak thei ngei mai! Rawngbawl turin emaw an kal dawn tih naka laiin, music festival-ah te an zuk tel ve an ti. Intelligent Bureau (MHA)-ah pawh visa-ah harsatna an tawh phah an ti, vaiho nuih ka tiza awm! Zahthlak thei ngei mai! - 9402521999 LPS Pro Fight zet chu a ropui e!Mahse, Judge-te thutlukna kha duhsak zawng an tilang thin mah mah a ni, inhnehtawk deuhvah a naupang zawk an chet chhiat deuhvin split decision an ti a, a naupang zawk an chaktir zel a, hma hun an la ngah deuh an ti tlat zel, a thing tlat! - Zoa, Aizawl Hmanni khan Revenue-ah kan in hmun LSC hming ka thlak a, table pakhatah Rs 1100 ka pe a, a chalan deposit nan Rs 4800 a ngai an ti leh a. Chutah N.G stamp Rs 500 man lei tur an ti leh bawk a. Tichuan, Rs 100 min dil leh a, a tirah khan Rs 20 ka pe tawh bawk a. A vaiin Rs 6420 ka seng a nih chu. Hetiang hming thlakna mai maia heti zat sen chu a tam mah mahin ka hria. - M2 Tuna Serchhipa rawngbawltu, speaker pathum awm mek zinga pakhat kha, i kal dana kal lo leh vei dang nei, Pulpit pawn lama thuhril leh ram leh hnam dinthar lehna veitute Pulpit tlang atanga khen dum dum kha sim tawh la a tha ang. Pulpit hi mi kan ei loh zawngte khenna hmun tur a ni lo. Kan sakhaw rawngbawltu pawimawh leh speaker larte hian sim tur an nei nual, zu na taka dova ei rukna do leh ngam si lo pawh a dik lo, thih hnua thlarau chhandamna mai bakah leia Pathian ram thlentirte hi a tul a, rilru zim tak lo nei tawh suh u. Pathianin ram leh hnamte hi a ngai pawimawh ve tho a ni. - Fb2 He Mizoram, Kristian ramah hian Mizo Kristiante hian eng nge sual/tha lo kan tih bera kan huat ber tur hi le? Kan Bible-in sual/tha lo a tihte hi a then tha kan ti ang a, a then tha lo tiin kan lo thliar ve ngawt dawn em ni le? Bible-in sual/tha lo a tihte chu tangka sum ngainat te, ei ruk te, rinawm loh te, duhamna te, mahni hmasialna te, uire te, tualthah te, pawngsual te, zu te, chawhpawlh nun te leh a dang tam takte. Heng sualna chi hrang hrangah hian Mizo Kristiante kan fihlim felfai tak tak em le? Mizoram, Kristian rama sual ber leh sualna ber, khawtlang leh Kohhran tibuai bertu leh ram hmasawnna tur dal tlattu chu zu hi a lo ni e kan ti theuh mai dawn em ni le? Pathianin eng nge sual a tih ve le? - Tea, Azl. Sikul tan hun chungchanga mi thiamte ti ti kha ka lo ngaithla a. Anni ang, retheihna hre thiam ve map lo tan chuan a tha phian mai thei, keini ang duang tan chuan fate ngaihtuah leh rilru hah ngawih ngawihin hun kan hmang tawh dawn a nih hi. Zingah exer te lain hotu (zirtirtu) te hnuaiah an zir ve thin a, tunah engmah tihna hun an neih tawh lo’ng. An hotute chhun lamah hna an thawh a ngai ve si. Chawhnu banah thil zirtir vena tur kan nei si lo. Keini ang hi Aizawla chengah hian za zela 80 vel kan ni dawn si a, tun atanga kum li/ngaah chuan khawikipah pawh sualna a pung dawn a ni. Azu an phalrai dawn bawk nen, rilru a va han hah tak em, kan rethei em a ni! Roreltute hmakhua thlir sual vang a ni e, tih hun a la thleng ngei ang. Lo ngai reng rawh u’n. - TC VARTE