SAWHKHAWK of the day Keini ang tan chuan mass dawna inhlawhna tur sorkarin a siam thin kha a thain a thlamuanthlak tehlul nen tunah chuan an siam ngai ta meuh lo hi eng nge maw a chhan ni dawn le? A kum telin budget a tam telh telh a, keini ang rual mi rethei inhlawhna tur erawh a tlem telh telh niin a lang si a, budget a pung an tih hi kein ang rual tan eng nge a tangkaina ka hre thiam pha ta lo ve. - Scholes L.S.Khawlhring Eng emaw hleka hlauva thlabar nghal mai kan nih chuan kan thlarau nun chu a ngaihtuahawm dawn hian ka hria a. Heng khuarel chhiatna angte hi chu kan duh emawm duh lo eng ang mah ila, tute pawhin kan tawrh tur hi a ni vek mai. Tlangkang a ni emaw, tui lian leh thlipui hlauhawm eng ang pawh kan chungah thleng mah se ringtute chu hlauva thlabara awm tur kan ni reng reng lo, thlipui leh tuifawn hau rehtu kha LAL ISUA a nia a, tunah pawh kan rin LAL ISUA a la ni reng, chatuan pawhin a danglam dawn lo a ni. - 940252057 Chutia mipuite himna pal an thiah leh dawn chuan hung tha ti em emtu mipuiten flag dum nen kawng kan zawh ve mai dawn em ni ang? Sumdawng tlemte leh Minister pahnih thuhnuaiah sorkar a kunin mi tam takte bazar kal himna pal a chim then ang maw?! Mi rethei VIP chu ka ha, Bureaucrats thuhnuaiah awmin, sorkar chak lo tak VIP chu a lang uar mai alawm. Traffic SP emaw, sorkar officer dang tu pawhin mipuite that tlan nan chuan Minister leh MLA te zah tak chungin hnial ngam rawh se. Pathian faka lâm hi inel nan hman chi a ni lo, mi thinlunga Pathian hnathawh ang zela lâm chi a ni, inel nana lo hmante chu a chi lo hulhual, a rawttute pawhin an rawt mak thlawt e! Khawvel lâm chuan duh leh inel rawh se, thiam taka an lâmte chu a hmuhnawm alawm, Pathian faka lâm hi chu inel nan i hmang lul lo vang u, Pathian a thinur zawk kei chuan ka ring. - Puipuii pi Kan puten ‘Zu tha’ an tih fo hi a senchi a nih chuan thlawr chawp aiin a tha lo fe zawk! Regular takin in tlang ila, kum 4/5 hnuah chuan kan inthlau ngawt ang. - 9862597997 Kristian ramah Kristiante tan eng ZU mah hi tha a awm lo. Kan khap rem thei lo a nih pawhin eng ZU mah hi sawi mawi kher a ngai lo va, sawi mawi chi pawh a ni lo ve! - 9774354495 Kan PWD-ho Sihhmui lei dawh chu a chim leh ka ring reng a, an nau JE leh SDO ten uluk taka an dawh laiin an hotute zu rui chunga lo kalten a tha ang, a him ang, thawk vat vat rawh u, an tih vanga chim leh a ang tlat, mipui tawrhna hi a nasa tawh mah mah a ni, pawi khawp mai. - E.R.Liana Setana hian Mizoramah hian hmanraw chi thum lian deuh deuh a nei a. PAWISA, RUIHTHEIHTHIL, THAT DERNA. Rui si lo, fel si, duham hle si hian PATHIAN duh loh zawng tih hi a va awl dawn ve. Eng nge, tunge PIANGTHAR? Fel tak leh tha taka mi ngaih hian meidilah kan tla dial ang tih ka va hlau em! Pathian thianghlimna hi kan tawmpui si lo. Aw ringtu, tunge hruai thin che. I nunah tunge lal ber? Lalpa chu ring la, thil tha ti rawh. A derin a chhandam lo vang che. - 9862325821 Tunlai scholarship chungchanga thuthang vel hi a dik tak tak em? Class I-X scholarship tur chu September-ah a lo thleng vek tawh an tihte hi thu dik a nih chuan kan sorkar sipui kal lai anga inchhal ngam hian eng vanga a sem theih loh chhan sawi theih lo nge a nih? Nge ni a, rei tak upbeh hian hlawkna tha tak a nei zawk? Saipui kal lai hi ui chuan a bauh ding ngai lo; mahse, roreltute hi Pathian ruat an ni a, an tichhetu pawh amah bawk a ni tih kan hriat a va tha ve aw.. Hmui ringawta Pathian hming lam chhen lo hian rah chhuah hun kan nghak a ni, ka pu...!! - Axl Da Blues72697.@.com SBI Vaivakawn hi tuna aia dawr nuam deuhhian awm thei hlawm hlauh se a dawr thin tan a va nuam dawn em! - 9862838074 Mizo mipui kan vanduaina ber chu pawlho/association-in duh hun huna thil man an tisang te, mipui thlavang hauhva thil man tisang dodaltu mi tlawmngai leh mi inpe kan nei lo leh sorkarin thil man sang a khuahkhirh duh tlat lote hi a ni! - 9862597997 Aizawl khawpui chhung hnawk leh tawhzia hi aw..! Motor lei tharin kawngsirah an dah leh ta hlawm a, duh duhnaah motor kan dah leh ta mai mai a nia le! Minister leh mi lianho tlanna kawngpui bakin ngaihsak a hlawh tawh hek lo. Kan veng lamah phei chuan tun hmaa min hnawhchhuahsak tawh motor lianho pawh an rawn ding leh khup tawh. Taxi-ho lah hian khawilaiah pawh hmun tha lai apiang stand-ahhauhvin an inhnawh khat a, intlanchhawktir ngam lah kan awm ta si lo.Heti hi chuan kan khawpui hi kan hnawhkhat thuai ang. Garage neih tur tih lah kha sawi zui awm tawh bawk si lo, a pawi hle mai. - Khuma, Aizawl Tun hma deuh khan Durtlang kawngchho hian ngaihsaktu/hmangaihtu a nei lo em ni chu aw tih tur khawp khan a awm thin a. Greenwood sirah te khan motor kal hleihtheih loh khawp khan hnawl kha a vum thur thin kha a ni a. Tunah chuan khang khan lung a tileng rum rum zawk alawm le! Tin, kawng chhe lai apiang hnawh a ni ta te hi he kawng hian ngaihsaktu a nei a ni tih a lantirin ka hria. - The Truth Chakma, thlang lamah Tuikuk, hmar lamah vaihoten min tibuai em em reng a. Chhak lam atangin ruihhlo hlauhawm ber maiin min rawn run bawk a. Hei, tunah kan inchhungkhur ngei maiah zu tha miin min han luhchilh leh dawn chu a nih hmel a, kan va han tuar nasa dawn tak em! Ka hmangaih Zoram tan hi chuan khua zawng a la var dawn lo deuh zawng a nih hi! - Jonathana Pu Tun lai hian Zawlnei Jeremia 23:15 thu, 'Ram pumah Pathian pawisak lohna a chhuak' tih thu kha a thleng dik mek niin a lang. Ram hruaitu lu ber leh amah tantute chuan chal hnawihsen pawi an ti lo va, coconut sawhkeh pawh pawi an ti hek lo. Bible-in 'sual tinreng bul' ti hiala a sawi zu zawrh phalna pek tum mek tantuten Pathian Kohhran an sawichhiat phah ta. Kohhran hruaitute aw ai chuan ram hruaitute aw ngai pawimawh zawktu kan thahnem ta hle a, ram hruaitute leh anmahni tantuten mipui hmaah Kohhran demna thu hial an sawi chhuak ta fo va, ziakin an theh darh mek bawk a. Kum 1987-88 laia Kohhran aw pawisa lo ram hruaitute leh anmahni tantute kha mak takin an tlusawp a. Tuna ram hruaitute ni mekte erawh hi chuan Pathian hnena an tawngtai thu an sawi a, an tawngtai dan leh Kohhranho tawngtai dan erawh a inang lo niin a lang thung. Hemi thuah hian engkim hre thu Pathian rorelna a lo la lan ngei kei chuan ka ring. - Omoma Pu