SAWHKHAWK of the day Masi a hnai ta, chhungkua leh khawtlangten kan compound te, kan veng chhung a rem lai kan chei leh ta sup sup mai a, a lawmawmin khawhawi a tinuam a, rilru a ti-Bethlehem ruih bawk nen, uar zel atan a tha hle. Mahse, mi mal in, veng chhung kan cheite hi a tlangpuiin 'zan lama hmuhtlak/nuam chauh' a ni lo maw? Zan lama pawn chhuak hleithei lote tan thlir tur a vang hle mai, a chei nana kan sum sen hian chhun lam leh zan lama thlir nuam ni kawp tur hian a siam rem theih ka ring tlat. Kum tharah chuan November thla laihawl vel atangin chei tan ila, chhun lama mawi leh hmuh nuam ni tel tura chei ni thei tawh se, a va duhawm em! - TSA Kan Chief Minister-te unau hian PWD leh P&E Department an chang chung hian an hna hi an hre lo em mai, mi dangin chang teh se. Tin, Tuipui lei contractor-atan Niyagi mi phakar lutuk, PWD engineer zawng zawng bumtu han thawhtirte hi a mak khawp mai. - E.R.LIANA Tun Assembly Session-a kan ram Kawng chhiat chungchanga thutlukna hi! "UT hun laia Zawhte Dum kha tunah chuan a upa deuh tawh a, Var tawh tak a ni; chuvang chuan, Zawhte dum kha a hma aiin a Var tawh ti zawngin a Var tawh ti ula, a Var lo tiin A Var lo ti rawh u le," tih ang vel a ni. - A.Mawia, Tkv Assembly House-a SMS dangdai leh mak tak, service provider-te atang pawha hai lan theih sawi a ni ta hi a va zahthlak em veleh! Khawbung an ti deuh deuh a nih hi maw! A sawitu huaisenna leh finvarna a fakawm khawp mai, hetiang lam bawk hi Forest-ah pawh khan a awm tawh a. Home phei chu mahni ta pual ang maia chinleh a nih thu House hrilh a ni hem mai! Hei baka dan bawhchhiatna a awm dawn chuang em ni? Health Department ang khan court-a thlen mai chi a ni em? Mipui thlavang hauhtu, Prism khawnge in awm le? Dikna luipui anga luantur duha an insawi rinawmna zawng zawng kha bumna mai a nihzia a lang chiang tial tial e! Hetiang hi tun sorkarah hian kawng hrang hrangah engzat tak awm tawhin awm zel ang maw? A thawpikthlak teh e. Dik lo dinchanna ram hi ram nuam leh changkang a nih a rinawm loh. NLUP dawngtute ni lovin Mizoram hruai mektute hian Lal Isua an timualpho a ni lo'm ni? - Thlirtu Ringtu kan niha vanram pana kan kal mekna kawngah hian rumin chauh chang nite nei thin mah ila, hnung lam hawikir tawh lovin, ramtiam van Jerusalem thar nuam kan thlen hma loh zawng ringtute hma lam panin i kal zel mai ang u aw, he khawvel hun hmawr tawh takah hian. Kan duh ang leh beisei ang thil a thleng lo a nih pawhin hnual mai lovin chakna thar kan neih zual deuh deuhva kan rin PATHIAN kan belh tlat hi nakinah vanramah nuama kan chen ve theihna tur chu a ni. He khawvelah hian zawng innghahna, inhnemna a awm mawlh lo, chhandamtu LAL ISUA hnenah chauh lo hi chuan. - 9402520257 H.C.Vanlalruata article ziah, 'Chhun pachanga inrawk' tih hi ka chhiar ning hleithei lo. Hetiang mi ram leh hnam hmangaihtu mi huaisen Zofate tan hian an hlu ngei mai. Ni e. online-a mi rethei zawkin man tlawm zawka bungrua kan chahte lo itsik em ema chhiah lak dan dap tura sorkar lo kar ngat ngattute hi mi tenawm, mi duham an ni. Chu mai bakah kan sorkar pawh hian chhiah lahna tur ringawt hi melh tawh lo hram rawh se. Jonathan, W.Aizawl Ni, mihring hi mak deuh kan ni. An rilru hah changa zan rei tak taka min text a, min men hreptute hi harsatna tawh ve changa zan reia han biak ve dawn hian an reh tlat zel nia. An harsat chang chuan min hre leh viau lawi a, mak ve tak a ni. Mahse, khawvel a ni miau va, mahtea lungawi hi zir a ngai a ni ber awm e. Chan chau zawk hi chu harsat lai chiah hian min hria a nih hi tih a awl duh khawp mai; mahse, riangvaite thian Isua kan nei alawm.. - LRA Faklam!! An thiam e, an Biak Inah theuh an hla nen khan an lampui theuh ang em aw? Kohhran tan a hlawk ka ring leu! - Hming thup Mizoramin thil thleng lian tham kan tawh chang pawha national news - DDK, NDTV, CNNIBN etc. leh AIR News Delhi leh NE News Shillong atanga puan takngialah pawh min han puang ve ngai miah lo hi kan journalust te thiam loh nge, kan ziak, report-te min chhuahsak tha duh lo zawk? Kan saptawng thiamte hian thil tak tak ziak hi an ngam lo em ni zawk le? Facebook lama kuthlei kan tam tehlul nen hian hei aia awmze nei zawk hian tak lak han tum teh u. - Kûtdenga Sumah miin a rilru zawng zawng a pek chuan mi hmantlak a ni ngai lo. Kan dam chhung khawsakna atan hian sum chu pawimawh tak a ni a; nimahsela, sum ringawtah miin a rilru a pek chuan chhungkua pawh a vawng fel thei lo va, chhungkua chuan harsatna leh buaina a tawng ngei ngei a ni. Chunakah Pathian aia sum kan lo hmachhuan zawk chuan a fuh thei lo va, chhungkua a thlahthlam a, ama chungah pawh chhungkua a vui bawk thin. Amah Pathian lovin a thilsiam kan lo Pathian hian pawi tak a ni. Sum pawh hi Pathian avanga awm chauh a ni tih kan hriat a tul hle. Chuvang chuan chhungkua i vawng him tawkin i inhria em tih lo inzawt teh. Taksa bawrhsawmna han tawk ta chiah la, i sum kha ip pawpa thlak ang hlauhvin a ral hiau hiau mai ang. Chutah chuan sumin a chhan zawh lohzia che chu i hre mai ang. Pathianin i damdawi ei thinte kha mal a sawm loh chuan i tan thihna turah a chang thei bawk. - The Slam Zawlnei ka ni lo na a; mahse, hei erawh ka chiang. Eng party pawh sorkar se, rethei leh pachhiate lam hawia ke pen reng reng an hmuingil zel ang. Pathianin, 'Heng mite ber chunga intih hi ka chunga ti in ni,' a ti miau alawm. Kan Bible hi a daw ngai si lo va.. - M2 Khawvel ropuina leh mawina te a la chuai ang a, reilo te chhung nawmna nge kan thlakhlelha kumkhaw nawmna tur zawk le? Kawng dik lo lam kan zawh palh hlauh a nih chuan thlarau sual leh ramhuai awmkhawmna hmun, a hming pawh hremhmun an tih hmun chu i chang dawn tihna a ni mai. Felna kawng dik zawk kan zawh a nih erawh chuan riltam, tui hal, nat leh hrehawm awm tawh lohna hmun, Lal Isua hmun buatsaih chu ringtuten kan chang thung dawn a ni. Tupawh sawmna ngaithla duh lo chu an sawm nawn fo dawn em ni? - 9402520257