SAWHKHAWK of the day MPCC hruaitute leh MLA, Minister-te bakah Chief Minister Hawla te hian an NLUP sem hi an uanpui viau a, an NLUP semin sorkardepartment hrang hrangte hmasawnna hna thawh a tihthuanawp nasatzia leh sorkar sum dinhmunin a tlakchhiat phah nasatzia hi an la hre lo cheu ni berin a lang. Tunlai chhanah mi pangngai chin chuan an hai hauh si lo. - 8731002757 Pu Vanlalchhuanga hian kan Zosapte hi Rev, Zosaphluia a tih hi kan tih ngai loh a ni. Rev. Mendus te, Rev, Sansy leh a dangte kha Pu Mena, Pu Sandy, Pu Zosapthara kan ti mai thin. An sap hminga sawi chuan Rev. kan ti thin a nih kha maw! A thu ziak dang erawh a tha e. - 9856835945 Zalen chhiar a manhlain hetiang chanchinbu tha Sunday-ah chhiarna hun a la awm zel hi a lawmawm hle mai! - L-a Pachuau, Republic Feb. 8-a Zalen chanchinbu chhuaka kan Social Welfare tawngkam report hi a va nalh lo ve aw, chanchinbu meuhva tar lan atan chuan ka lo ti ve mai mai. Thisen inpek hi Mizote mind set-ah chuan kan tlawmngaihna nena kalkawp tlat a ni a, thahnemngaiin voluntary blood donor association-ten mamawhte tan tlawmngaia thisen pe tura hma an lak lai leh an pek mawlh mawlh laiin, a process-na man ringawt pawh sorkar chak tak inti hian an tum thei lo ta a maw?! “VC leh LC inthlan lo awm tura Minister dawhkan ngampa taka kilpui thei tur,” a tih hi rawn sawi fiah teh se ka va’n ti em! VC leh LC member-te hi amah ang thova mipuiin an thlan, mipuiin kut an thlakna a ni tih lo hre thar se, hetiang rilru hi an put vang hi em ni an NLUP semte pawh a fair miah loh chhan? Ka retheihpuite u, tawngka chauhva min VIP-tute hi i X-ray let ve tawh ang u hmiang. - 9862369968 Hmeichhia chuan thu awih tlatin ngawi rengin zir rawh se. Amaherawhchu, hmeichhiain zirtir zawng ka phal lo, mipa chunga thuneih ka phal hek lo, nawi rengin awm zawk rawh se. Bible, Pathian thu a ni. Hriatna tura beng nei chuan hre rawh se, mihring thu a ni lo tih hi. Eng mi pawh nise mipate zah thiam nih hi ringtute awm dan tur dik tak chu a ni. Tlawma lak chi a ni lo, mipa kan nih avanga a nawm a maka hmeichhiate chunga inlulin erawh kan tih loh tawp tur a ni, hmangaiha lungruala cheng za tur kan ni zawk e. - Hruaitea Kan sorkar zet chu mi rethei a va rawk nasa ve aw, tax a sang em em a, bill lah a sang uchuak em em a, ram hmangaihtute hian mi harsa zawk min lo rawk reng alawm mawle! Kan sorkar hotute hian hria se ka duh chu anmahni anga sum leh pai awlsam taka lak luhna nei kan ni lo e. - 8014357478 Engati nge thangtharho hian ‘Thang leh Cham’ hi an hriat hran loh mai le aw..? US?President chu India ramah lo zinin Chawlhniah a lo thleng a, Thawhlehniah a haw leh a. Doordarshan, Aizawl pawhin ni thum chamin a sawi tlat mai. Ni thum thangin emaw, ni khat chamin emaw a lo zin a ni si a. Ni khat, Thawhtanni chauh a cham a ni. Khawiah pawh zin ila, kan thlen ni leh kan haw ni hi kan cham hun chhunga chhiar tel a ni ngai lo. - Matea pu Kan PWD-hovina Sihhmui lei an dawh thei lo hi a va mualphothlak ve aw... Lei dawh awlsam ber leh temporary lei lehnghal a ni a, PWD Engineer-ho hi bân vek se, a thiam zawk sorkar hian la mai se, kan sorkar pawh hian anni hi a chhan tam lulai tawh, an zak der si lo. - Mr. Liana Mizoram Excise hian zu an check, an man; mahse, anmahni hian an zuar reng bawk si! Highway Robbery chi khat a ni lo maw? - 8731002757 Pu Editor, Champhai DistricT Hospital-ah electric power pek dan tur ruahmanna a awm miah lo an ti a ni maw? A mak ka ti hle mai! Tunge he damdawi in building sak hi viltu le, eng engineer nge viltu hi? Pu Editor, hetianga ram ro tling tur leh damlote tan damna in tur ni si, electric power supply dan tur a ruahman tel lo hi chu hna enkawltu chhuichhuaha suspend mai ni lova bân ngam a tha ang. Sorkar leh mipui min zah lohna a ni thei ang em? Ama in sa se electric power chu a ngai pawimawh awm hle si. Sorkarin hlawh tam tawk a pe chung hian a hna a ngaihthah a ni. Ama tana hlawkna tur a awm loh avangin a thawk tha peih lo zawk em ni? he thil kher hi chu ngawih bo mai chi a ni lo, sorkar hnathawk tha peih loho chu bân vek a hun ta e. - Aizawl tlangval Kan MP Pahnihten model village atana an thlan hi engtiziaa Serchhip district ve ve thlang tlat nge an nih aw...? District hrang ve ve thlang ni se a mawi, nalh deuh tur, nge ni an ngam loh thlantirtu an nei zawk aw..? - No. thup Kan Ramin hun danglam tak, Zoram khawvarna thlen nan a tawh dawn avangin Tuichangralah pawh khaw lian ber, North Vanlaiphaiah chuan harhna pawimawh tak chi hnih, rivival harhna boruak sang tak, ze nawi thlenga keng tel (Damdawi Vengah) leh tunlai mamawh tak, Kristian chhungkaw lam leh Mizo hnamziaa harhna, revival lam pawh tel thovin a thleng mek a (Rahsi Vengah). Kan ram leh khawvel pum huapa dintharna a thlen hnaih tak avangin kan hnam VIP tleirawlten kan ram Kristian nun sawngnawi phurin FB lama deusawh an tawk chho mek a. Kelkang hlimnaa tleirawlho ze khelh (zu leh drugs ruiho zia) aiin a sang a, Pathianin kaihruaiin a humhalh zelin ka ring. - HRANGTURZO Thisen, Thisen!! Thisen pe duh pawhin thisen bag awm loh vangin an pe thei lo maw? Khawngaihin he thil hi chu ennawn leh hram teh u. In VIP-te kan mangang a nih hi, keini chuan kan khuaa in lo kalin zah takin, “Dam reng rawh se,” kan lo ti thin che u. In VIP-te hi dam reng turin min duh ve lo em ni? - 8414924120 Kan sorkar hmalak dan hi lu chauh thang (NLUP sem) a, taksa bung hrang dang thang lo (department sum nei awm lo, neih ahneka leibaa khat) nen a inang berin ka hria! - 9774354495 Kan sorkarin sum a enkawl thiam loh avanga lei a bat tamzia han hriat hi chuan current neih loh tihte chu a lo nep hle mai! Kan la thim dawn chauh a nih hmel e! - 9862597997 Mizoramin kum 100 chuang chanchin tha thlen nia kan lo hman tawh, January 11, 1894 chu Presbyterian Kohhran din ni a ni zawk tih Synod-in a pawm thu Kristian Tlangau buah tar lan a ni hi a va mak em! Hetia Kohhran ni pawimawh, chhim leh hmar Kohhran hruaitu hmasaten lungrual taka an lo pawm tawh avanga monument tam tak siam a nih tawh hnuah, Mizo Synod-in Presbyterian Kohhran din ni a han ti ta mai hi a va mak em! He thil hi Baptist Kohhran nen an inngeih lohna rah, an inkar tizautu, Setana thang a ni ngei ang. Kohhran hruaitu hmasa boral tawhte an zahawm hle a, Kohhran mipui an tiluhai hle zawng a nih hi. - Omoma pu sumdawng politician, belh leh paih specialist-ho an han chet chuan AMC (Aizawl Mahni tanghma hai Council?)-ah pawh sorkar dang a piang leh ta. Councillor-te tumah indem thei an awm lo, kung khata rahho vek an lo ni e. A thlangtu mipuite leh chung lam duh dan nen a inmil ang em le? - Rema dp