SAWHKHAWK of the day He Mizoram, Kristian rama Mizo Kristian intite, mi hausate atanga mi rethei thlenga mahni hma kan sial em em ta mai hi a va rapthlak em! Ram roreltute mawhphurh nge Kohhran pawl hrang hrang hruaitute mawh zawk? Nge, Setana kan puh vek mai dawn? Taka, ZONET-in officer tling tharte EI RU miah lo tura infuih/inchah thinte kha an va hausa chak angreng hlawm ve? Mizo Kristiante hian rinawmna rah seng aiin rinawm lohna rah seng chunga Pathian rawngbawl kan zak miah lo hi chu Kohhran mipuite hian thlarau lamah a rah kan seng mek a ni e. - Tea, Azl. Zalen hi a phek khat talin han belh teh u, a man tisang hretin. - 9862561309 Zalen hi chhiar chhiar hlan kan nghakhlel thei khawp mai; mahse, tlai dar 5:00 hnu lamah hlir kan hmu a, kan hmu lo zeuh zeuh bawk. A man kan pe thain an khawn tha em em bawk sia, zingkarah tal hian hmu thei ila a va lawmawm dawn em! - Venghlui nu Ka huang, Chhuanliana BVT, Zalen chanchinbua thu ngaihnawm tak rawn ziak thintu hian a ziah tawh zawng zawng hi a bul atangin a buin han chhuah thei se, chhiar a chakawm ngawt mai. Lehkhabu rotling tak a nih ka ring. - 9856836216 Pu Vanlalchhuanga hian BJP hi Hindu sakhaw behchhan a ni tih a hre lo em ni? A hriatzau hmel tehlul nen!! - 9862088434 January thla lam tawha chanchinbu pakhat sports column-a Mizo sportstar-te hming thenkhat - Joseph Lalmuankima, Johny Lalfakzuala, Ricky Lallawmawma, Ronald Zothanzama, J.Omega, Jeremy Laldinpuia, Larry Lalrinawma, Ruby Ropuiliani, Isaac Lalrinngheta tihte an ni duah mai. An sap hming theih hi anmahni koh nan hman ni deuh vek tlangpui thin si a, an hming atang ringawt chuan Mizoram pawnah an Mizona hriat an har tlang fu ang le! Kan tluk loh, hnampui kan tihte khuan hetiang tak hian ching ve maw le?! - Sangtea Khawvel sualna sang zelah hian hian Lal Isua hmachhuana amah ring tlatute chu mi awhawm leh mi vannei takte chu an ni mai. Nun hlimna te, thlamuanna te, engkima lawmna leh lungawina nun neitute chu Lal Isua hniak hnung rinawm taka zui tlattuten an nei a. Khawvelah hian nun beidawng kan tih te, buai manganna leh nun hlim lohna neite chu tete nge kan tih chuan Lal Isua ring duh lotute an ni tih hi ka sawi ngam a ni. A chhan chu ringtu nunah chuan beidawnna a awm ve lo va, hlim lohna te, rilru hahnaten an nun a tibuai ve tawh ngai lo. Chantawkah an lungawi a, thlamuanna nun neiin, engkimah lungawi tak leh nun hlim takin Lal Isua neitute chu an awm tawh zawk hi a ni si a. - @ Matthaia 25:31-40 thu hi ringtute tan chuan kan thupui (a laimu) tak tak chu a ni. Ringtu kan niha vanram pana kal mek kan intihnaah hian dai sual palh leh chauh chang nite pawh kan nei thin a ni thei e; mahse, in siam that nan khua a la tlai lo a ni tih kan hriat a, nun thara nungin thinlung thar kan put leh hi a pawimawh a. Fapa tlan bo ang khan, “Ka tho vang a, ka Pa inah ka kal teh ang,” kan tih hi a va’n ngai tak em! - 9402520257 he Mizoram, Kristian ramah hian mipuitena duh taka kan thlan tlin thin, ram hruaitute, khawtlang hruaitute, Kohhran hruaitute leh NGO hrang hrang hruaitute chuan an duh dan danin a thlang tlingtu mipuite min hruai a, mipuite chu kan lungawi lovin kan phun ta sup sup mai a ni e. Ram hruaitute an ropui a, mipuite kan ro thung a; Kohhran hruaitute an ro va, mipuite kan ro bawk a. Mahni hmasialna rah kan seng tlang mek a ni e, he Kristian ramah hian... hehe!! - Tea, Azl. Subsidized rate-a buhfai mipuiin kan lei avanga kan ram hruaituten pawisa hlohnaa an ngai a nih chuan sorkar hnathawkte leh anmahnihovin hlawh baka hamthatna an dawn hi pawisa hlohnaah an ngai ve em? Mahni hamthatna hmuh kâna mi rethei zawkte hamthatna tlem te hmuh sakhi tlat mai hi ram hruaitute tha zia a ni thei dawm em ni? - Scholes L.S Kan Va buai ta ve. Kan ram hmangaihtu pute u, sum a awm lo tiin mipui hnenah tukluih chhiah in phut zel dawn mai maw? Tuna ram hmangaih mektu leh lo hmangaih ve tawh thin te u, CM atanga Ex-MLA zawng zawngte, January leh February thla hlawh chauh tal pawh hi Zoram mipui rethei mangangte tan han surrender-in han pe ve hram teh u a, ‘Ram dang, state danga ringlotu, milem bia kan tihte pawn a ti ngai si a, tlem tal chuan kan ziaawm phahin ka ring ve tlat. - VALPUIA?PA Kan CM ni mek hi kei chu fing ka ti, sum harsat naka laiin amah leh a hote car man to takah a chuantir thei a, hlawh etc. tam tham tak a pe a, mipuite chhiahin min rulhtir mai a, a bang awm ang ang pawh a lalthutthleng lei nan NLUP vuahin a sem leh hem hem mai dawn a ni a. Hetiang bak eng nge awm chuang? Thlang tling reng mai ila Mizoram hian kan thatpui ber ang! Kawng chhia, lei chhia siam zawh theih loh, thlam thiah, hlawh pek tur awm lo etc. tihte mai mai zawng, nep em mai! “Sorkar a ngawi mai mai dawn lo.” - ZOPA Chanchinbu Pakhatah ZU khapna hlih hnua thununna dan hman thar hnua zu rui an zalen tawh lohzia leh an tawmim takzia ka lo chhiar fuh ve a, a lawmawm hlein ka hria. A?la rei lo em a, tunah chuan dan kengkawhtute hian an la kengkawh huaisenin an la taima nia ngaih theihna a awm a, chutih rual chuan dan khauh tak hnuaia kan awm a, a kengkawhtute an huaia an taimak bawk chuan Mizote hi dan ngai pawimawh lo tak hnam kan ni bik lo tih a lang niin ka hria a. Zu khapna hlih kha a thlawptu chu ka ni miah lo va, tun thleng pawhin ka la thlawp hran chuang lo; mahse, an hlih tak rau rauvah chuan tuna chanchinbua ka lo chhiar ang hi thil awm dan ni zel se ka duh hle mai, kan ram pawhin a that phah ka ring a, a khapna hlip duhtuten hlih an duh chhan, a chhiah pawh kan hlawkpuiin ka ring. Rei daih tak maw, i lo thlir zel teh ang. - Zorema Tunlai Issue lo deuh ka lo sawi ve lawk. Hman deuh?(kum pawh a liam nual tawh mai thei) khan NGO hruaitu atan hian sorkar hnathawk lo ni thei se tia sawina leh sorkar hnathawk lo duhna kha sawi a awm thin a; mahse, Mizo thalaiten hna kan han thawk tak tak a, tun hmaa thawh ngai a nih pawh kan hriat loh kan han thawk tak tak ve ta a, hetiang a lo nih takah chuan NGO hruai tur hian sorkar hnathawk hi an lo tha ber zawk phian dawn nia ngaihna ka nei ta a. A?chhan chu thalai, mi hnuaia thawk ngatte hi chuan hun awl hi an nei lo tawh em em a, zingah kalin thimah an haw a, chawlh chu sawi loh, bân hma deuh hlek takngial pawh an tan a harsa tawh hlawm a. Sorkar hnathawkte hi chu chawlh an nei a, pute hriat thiam pawh an hlawh awlsam deuh niin ka hria a; tin, sorkar chawlh leh Inrinni an chawl bawk a, an tan hian a awlsam ta zawk riauva hriatna ka nei ta tlat a ni. Kan ngaihdan erawh a inang vek lo ngei ang. - Biaki Ph