Zalen 14/6-ah Modern Meat Shop-a sa thianghlim lei tura thurawn a lo chhuak a. He sa dawr address hi lo tar lang leh la a va tha ve. - 8794542031 Pathian thuawih lote hian fing hi an lo inti em em hi a lo ni a; mahse, an fing tak tak lo tih hi mi mawl ber pawhin kan hai lo. He khawvel finnate hi chu Pathianin atthlak a ti a, finga inngai, Pathian thuawih lote hian sualna an tipunlun a, sualna an tipung a nih hi. Eng mi pawh ni rawh, khawvela mi fing bera an sawi hial pawh ni mah la, Pathian thu i awih loh chuan i fing chuang lo. - Hruaitea Kan Chief Minister zahawm tak khan ei ruk loh leh ei ruk dona lamah kan thang chak hle niin a sawi a. Nia, a sawia sawiah te chuan a tha ber kan ni ang chu. Bible-ah pawh, “Rinna chu thiltih tel lo chuan thi a ni,” a ti a, chutiang bawk chuan tuna kan thusawi pawh hi a sawia sawi mai lovin che chhuak ngam ila. A nih dan turin action hi tute chungah pawh la ngam ila, han ti ta zel ila, keini mi mawl mai mai pawh an hlawh phu lo lutuka chete hi chu kan hre ve thiam mai. - 8414924120 Tunlai hian Kelkanga harhna chhim an tam a, a tha e; amaherawhchu, buai chung chunga kal tum, fate ngaihsak miah lo leh ka thalaipui kal tumte chu a harhna lampang ngaihtuah miah lova Kohhran hmang tangkaia damdawi dah lal hmasa an va tam em! - 8132843216 Pathian ngaitu tak tak chuan ni tin, darkar tin, engtik lai pawhin Pathian a be thin a, a chungah harsatna engpawh thleng thin mah se a vui ngai lo. “Ka tana tha tura remruatna a ni,” tiin Pathian hnenah lawmthu a sawi zawk thin asin. Ka thian, eng anga zingin nge Pathian i lo auh ve thin le? - 18yrs girl lungsum SRS an din leh leh ta hi ka va lawm tak em! Mite chuan sel thin mah se kei chuan ka fak thlawt e. Damdawi addict fa nei ka ni a, damdawi zuarho huatthlalakzia chu ka hria, an kal zelna turah duhsakna ka hlan e. Ka lo tawngtaipui reng che u a nia. Police-a hlan tihte chu a ho em mai, in tihdan kha a tha a ni mai. Mihring kan inang lo, kutthlak ngaite pawh an awm alawm; mahse, Pathian duh dan zelin aw, kan tan tlat che u a nia, huaisen takin le! - 8731873983 SRS hmalakna a tha e; mahse, a thawktute zingah hian ti tak tak an awm laiin thenkhat hi chu thatchhia, tih tur hre lo, mi vuak châk em em ringawt hi an awm nual tho. - 8132843216 Tunlai hian kan unau UPC-ho sawiselna tawngkam ka lo hre thin a, a pawi ka ti khawp mai. Mahse, heng hi ringtu dik takte tan a tha a ni. Tuarna leh channa ni lovin ringtu nun a thang thei lo va, hmuhsitna leh elrelna, dodalna leh hnuaichhiahna tel lovin ringtu tha a awm thei hek lo, Miten engtiang pawhin ti mah se zam suh, mihring ring in ni lo va, Pathian a ni inrin. Krista vanga tuar ngam, Krista vanga chan ngam, Krista vanga rethei ngam, Krista vanga mualpho ngam ringtu dik takte hi a ni Lalpan a duh. Engpawh thleng se ka lungawi ang, Krista thuhretute kan ni. Lalpan a mi dik takte chu a veng zel dawn si a! - Sangi, Teikhang He Mizoram, Kristian ramah hian Pathian thu lama mi thiam, Rev. Dr. an tam tulh tulh a, mahni hmasial kan tam tulh tulh mai leh kan pamham tulh tulh mai hi chu Bible-in hun hnuhnunga sualna pung tur a sawi vang kha em ni dawn le? Bible hi a va Pathian thu tak em aw..!! - 8014161467 A changin lungngaiin mangannate tawk ve thin mah ila, Pathian hi ka hre chiang tawk a ni. Ka tana tha tura a remruatna vek a ni si a, harsatna tawk thin lo ila chuan a hmangaihnate hi ka hre thiam pha awm si lo. Thi dawn pawh ni ila ka hlau lo vang, ama kutin min hruai zel si a. - 8014260338 Officer lian leh te deuh thlenga an private motor nen lama designation an tar hi mipuite hmuhsitna a ni tih hriat a hun ta hle mai. Delhi-ah chuan Bharat Sarkar tih an ziak mai a, tlar hnih, tlar thum an ziak ve lem lo. Chief Minister, Chief Secretary etc. te hi an number atanga hriat turin number nghet nei se, tar buai hi a thingin a chk lo ka ti thlawt. Kan Chief Secretary hian a titha thlawt, a hmeltha bawk, lo tang zel se, City of Designation atang hian tal chhuah a hun ta. Tar buaiho hi kan hmusit tih lo hre mawlh teh se! - KUTDENGA Ni tin, Darkar tinin Pathian i bula awm ve turin sawm thin rawh. Tih tak zeta tawngtaina chuan nun a siam tha thin a, rah duhawm tak a chhuah thin. - 8014914595 Tunlai hian Zoram chu Thlarau Thianghlim harhnain min chim hneh khawp mai a, khawi lai Biak Inah pawh kan zai tui em em vek mai. Hmun thenkhatah chuan Thlarau Thianghlim fa hring te, lam dan style danglam, khawvel mite lam dan ni awm tak takte pawh hmuh tur leh hriat tur a awm thin a. Mi thenkhat chuan huai takin an sawisel bawng bawng a, thenkhat buaipuia tuipui em em tawk an awm bawk. Engpawh ni sela, lo sawisel leh a buaipuitute ka sawisel lo va, Thlarau Thianghlim chu a rahah a hriat dawn a. Bible-in buh tak leh buh lem chu thlei dan a tul lo a tih angin keinin lo thliar lovin, lo nghak ila, a rahah a lang mai ang. Thlarau Thianghlim a lo nih palh chuan sawisel chuan kan tuar na dawn si a, lo nghah phawt hi a him ber. Huai takin tawng lo ila, lo buaipuia lo phul hlut kher pawh a hun rih lo va, tha taka lo dawnsawn mai hi a tha tawk rih viau a ni. - MkSiama Kum tirah khan kan rama kan la hriat ngai loh, chhungkhata mi thah buaihna a thleng a. Mi tam tak chuan kum chhiat kum a ni dawn tiin an sawilawk a, a dik leh dik loh chu la hre chho zel turah inngai ila; chutih rual erawh chuan tunlai kan Zoram boruak, kan harhna dawn leh Thlarau Thianghlim kan dawn, Kohhran tinin kan hlimpuite han ngaihtuah hi chuan, keini mihringte hi chuan Pathian rorel dan hi chu kan va hre thiam pha lo tehreng em ve le aw... tih hi ka rilruah a lo awm a, ka rawn tar lang ve mai mai a ni e. Ka lawm em em e. - 8794686442 SAWHKHAWK of the day SRS-te u, sawiselna karah pawh a tul dan azirin vuak tul chu vaw zel rawh u. Thla reilo te chhunga ruihhli in vuak chhuah hi ram leh hnam thlamianpui tham a tling tawh. Kei pawh kum 2007 kuma in hnathawh vanga tun thlenga ruihhlo laka dam hlen ka ni. A hunlai kha chuan ka haw ve khawp mai che u, tunah fapa tleirawl ka nei ve tawh a, inzarah ka fapa pawh drugs that lohzia zirtir ngam turin ka nun ka hmang thei ta. In hnathawh Pathianin malsawm zel che u rawh se. - Z.Ralte