SAWHKHAWK of the day Tunlai hian kan ramah Kelkang a lar hle mai a, hre lo kan awm âwm lo ve. Kelkang kal tam takin an rawn hawn thin, ‘Tlawmna nun’ leh ‘Inpekna’ hi mihring nunhonaah a pawimawh hle mai. A kal zinga tam tak, rawngbawltu pawimawhte pawhin an neih ngei tura ngaih hi an lo nei lo hlawm a ni ang, an rawn hawn thar zel mai. Ni e, mihring kan nunhona, rawngbawlna piah lama kan hnathawhnaah thleng pawh hian inpekna avanga langsar, fak hlawh a awm theih ngeiin a hriat a; mahse, thil ti tak taka mi dangte nena thawkho leh rawngbawlho tur hi chuan inpekna mai ni lo, tlawmna kan neih a ngai khawp mai. Tuna Kelkanga kalten an rawn hawn hi kan ram hian a mamawh a ni a, a kal tawh zawng zawngte hian a takin nun chhuahpui zui zel ila kan ram hi ram nuam leh duhawm a ni ngei ang. - MkSiama Sangboih, i thu rawn post hi tha ka ti khawp mai. Kristian hi chu kan tam alawm; mahse, ringtu dik tak hi chu tlem te chauh an ni. Lal Isua rorel hunah chuan buh lem leh buh takte chu a la thliar hrang dawn si a. - Vli lungsum May 24 chhuak, Lalthlamuana Ralte ziah, MLPC Bill chungchang a ziah atang khan tun kan dinhmunah hi chuan kan thatpui vak hmel loh hle mai. A then, zu zawrh châk vanga sawi mawiho pawh khan nakinah chuan tha ti lo chung chungin in fak mawi a ngai mai lo vang maw? Chuan, zu hi Pathian duhzawng a ni lo, in faten zu ngawl an vei phah loh hram ka beisei. Zoram hi Kristian ram a ni maw? Zu chhiah hmanga hausak ai chuan zu chhiah tel lova retheih. - D.Skillet Jr. Pu K.L.Liana thu ziak te, Pu Manzuala thu ziakte hi ka hmaih khat khawp mai. Lalthlamuana Raltein ‘Zu khuahkhirhna dan hi le’ tih pawh ka lo chhiar a, zu leh zu inte khuahkhirhna tak tak hman a tulzia min hriat belhtir hle mai. Chutih rual chuan kei zawng, ei rukna hi hnawk ka ti ber mai. Ringtute hian huat tur dik kan hriat a hun ta viau e. Engpawh nise, Pu K.L.Liana thu ziakte hi lo chhiar ve thin tan chuan ringtu ni kher lo tan pawh ngaihdan dik neihna tham a ni e. Zu hi mihring tichhetu a nih rualin mi hlemhle, tawngtai duah hluah, ei ruk hreh si lote hi ram leh mihring hmelma a nih zawkzia ziah/sawi duh hun ka nghakhlel hle. - 9862372482 Hlutea nu, Mission Vengthlang kha Zalen kaltlanga ka rawn comment-na che i lo hmuh avangin ka lawm lutuk a nia. Khawvela kan la awm chhung chuan mihring kan la ni miau si a, a changin hrehawm kan tuar ang a, a changin kan hlim bawk tur alawm; mahse, tunah rih chuan eng pawh chu lo nise, kan awm dan tur zawng zawngte Pathian hnena inhlana innghah phawt hi a tha ber a nia. - 18yrs girl lungsum Zalen hi kar khata vawi khat chauh chhuak a nih avang hian chanchinbu danga chhuak tawh hmuh nawn beisei lo chunga chhiar thin ka ni a. May 24, 2015-a article, ‘Congress leh MNF bih thuakna’ tih hi chanchinbu danga kan lo chhiar tawh a ni a, Zalen hlutna a tinep riauin ka hria. Article bik hi chu ruahthamloh ni zel thei se, Sunday zing thawh a tinuam lehzual ang. - Bualchhuak Chhanzova Kristaa nun tak nei tawhte chuan mi huat an nei ve tawh ngai lo va, mi hmuhsit an ching ve ngai lo va, lungawi lohnaten an nun a tibuai ve ngai lo va, duhamnaten an nunah reng hmun an chang ve ngai lo a ni. Lirnghing, thlipui lo thleng tur an hlau ve ngai lo va, ‘Engpawh thleng se ka lungawi ang,’ an ti thei tawh zawk a, thiam thu an sawi ve zuah zuah ngai lo va, Krista chanchin tha chu a nih ang angin an sawi mai zawk a ni. Lansarh an tum lo va, lan mawi an tum bawk hek lo. Krista zarah an langsarin, an lang mawi tawh zawk a. An nun a tlawm em em a, chaponaten an nunah hmun a chang ve ngai lo a ni. - Hruaitea Pu Rama fakawm ka tih em em chhan chu - sorkar suma amah ngeiin a din, tunah pawh kan hman tangkai em em, Bus leh Truck Terminal, Mizoram hruaitu hmasate hming daih loh nan Pu Ch.Chhunga leh Pu Saprawnga te hming a’n chawitir hi a ngaihsanawm hlein ka hria. Hei hian a rilru puthmang pawh a tilang thei. Rajiv Gandhi Stadium pawh hi a hmun tih loh kha chu a ruahman a nih kha maw le! Thenkhat hi zawngin hming daih hi hlau ni awm takin, mipui suma din mahni hming an chawitir hmiah hmiah mai a nih hi maw! A bul tantu pawh an ni lo lehnghal em maw ni lehnghal ni? Rilru tar lanna dik tak chu a va ni em!Phat rual lah ni si lo, ram rawngbawl/hruai tum dan hlimthla a lang a ni ber lo’m ni?! - Thlirtu Tunlaia Kau leh Tuipang Project engineer-te zam suh u, in thawhrimzia te, in dikzia te, in thahnemngaihzia te kan hria, sorkarin mi dang puhna leh hekna avangin a chhui che u a, thiam in chang vek a; mahse, Prism-ho pawisa demand zat in pek duh loh avangin High Court-ah an kal leh a; mahse, zam suh u, Prism hruaitute aiin in hausa lo zawk daih. Kan chanchinbu leh kan officer dangte u, Prism-ho hi hlau suh u, anmahniho hi an currupt fe zawk a nia aw.. - HRANGA Zu zawrh a that loh chuan,’ an ti fo hi a ninawm ta e! Kan thurin bu, Bible duh loh zu zawrh hi Mizo Kristian tan a tha thut dawn lo va, a tha lo zel bawk ang! - 9774354495 Mahni nipuite nau Commissioner-a dah lui tlattu khan a nauteho chu chhungte duhsak lo turin a’n ti leh vel a maw! A dik tak chuan a thu leh ui beng hi engahmah hian hlin tur a awm lo a ni e! - Zopa Kan Chief Minister hian Mizo chungchang a sawinaah KAN ti lo, AN a ti fo mai hian MIZO-ah a intelh ve lo tihna a ni a. Ka pu Zalen, ‘Mizote an’ ti lova, ‘Mizote kan,’ ti tawh thin turin min lo hrilhsak thei la, ka lawm hle ang. Mizo hnam a lo ni lo mialte a nih chuan KAN ti lova AN ti tur chu a lo ni mahna; mahse, kan ram pa berin AN min ti fo hi chu AMAH Mizoah a indah lo tihna a ni a, ka lo helh ve thin khawp mai. - KUTDENGA CM hlui pawh hian Home Minister ni lo, helho hi dem zawk awm tak a nia, helho hi an fuihpawrh thin zawk nge ni aw...? - 9862372482 Hna a vang tia kan thalai iak iakho hi an thatchhiat vang zawk a ni ang em? Zir sang ka ni lo; mahse, chapo thu lovah, ka peih chuan thawh tur hi ka hmu reng mai. Taihmak a pawimawh hmasa a lo ni zawk e. - Afaki Thomte