SAWHKHAWK of the day Tunlaia AMC-in zan lama kawngpuia lirthei dan an check hian awmzia nei se ka ti hle mai. Kan khawpui kawng hi a chep si a, dawt sawia lirthei dahna in nei tha kan tam nge tam lo pawh a chiang viau tawh ang chu. Chanchin thara an puan ang khan lirthei in nei nia insawi chin kha an awm a, khangho kha chu huaisen takin man hmak hmak sela, a tul a nih chuan chawitir bawrh bawrh teh se. Huaisen deuh taka hma kan lak loh chuan kan khawpui kawng hi kan tithawl thei dawn tak tak tawh lo niin a lang ta tlat a ni. Thil dangah pawh, kan ram hi kawng dika hruai leh tur chuan mi huaisen, miin an sawisel pawha an kal ngaia huai taka kal ngam tur a mamawh tawh a ni. AMC-in lirthei an endik mek hian zan lam tala a thawl theih nan tang zel teh se. - Mawitea Zalen chanchinbu a chhiar a manhla thin a, maipawl kan pu vu vu reng mai alawm le!! Chutih rual chuan typing mistake tam lutuk erawhin chhiar a tibahlalh hret zel. Engpawh nise, hma lam pan zel turin duhsakna ka hlan e. - Marema Ralte In columnist Lalthlamuana Ralte-in MLPC chungchang a rawn ziah kha belhchian a dawl lo, a thulakna a zim/tlem hlein a lang. Tin, in columnist hi chu negative thinking lam ringawt vulh lian chi niin ka hmu, sorkar hmalakna reng reng a sawisel ringawt hi chu a inenfiah a tul ka ti. - Neutral-a Hranga inti Khan PRISM hruaitute an currupt a nih chuan FIR thehlut rawh se. Tin, engineer-ho aia an hausa zawk a nih chuan engineer-te aia an hausak zawk dan sawi se kan va hre chak ve! - 8131824431 Ka pu, Zalen-a Ampuia Colney music video i ziah hi a tan chuan a lawmawm viau mai thei a, a dp-ah saruaka a mu lai thla hmang kha a nia, an inthawn darh sup sup tawh kha. Tuai lehnghal, chanchinbu a tizahawm lo deuh e.. - 9436155847 Thlaler ram hi kaltlang turin hrehawm tam tak a awm tih a hretute kan ni a. Krista hniakhnung kan zui vena kawngah hian hrehawm tawrh ve chang pawh a awm ang. Nuamsa tak chung chuan vanram kan thleng thei dawn em ni? Hrehawm tuar ve kan lo intihnate hi chu a la tawk lo. Pathian hmangaihna hrechiang apiangte hian lawm avangin biangah mittui a lo luang thin a ni zawk. - Hruaia Sum tam tak aiin hmingthat hi thlan zawk tur a ni a, tangka leh rangkachak aiin duhsakna a ngainatawm zawk. 18 yrs girl lungsum Kumin Class XII result chhuaka Govt. Chaltlang HSS-a mi, Arts-a pakhatna a ni kha ka lawmpui hle. Aizawl sikul hrang hranga hun ka hman kual tuma min dawngsang tha em emtute an ni a, Aizawl sorkar sikulte an inchhut ngen duh viau laiin an ni ve tlat lo, Kohhran ngawi vei lo tak kha zirnaah pawh an lo ziaawm viau mai. An zirlaite pawh an fel em em a, mi khawsa thei fa, hmeltha leh neinung tak takte pawh an ni hlawm a, hriatna zau tak takte pawh an ni dawn a; mahse, an fel em em, thingtlangpa thlawh khum double thusawi pawh an ngaithla tha duh ve hle. - 8014679472 Thim hian thim a hnawt chhuak thei lo va, eng chauhvin a hnawt chhuak thei. Inhuatna hian inhuatna a hnawt bo lo vang, hmangaihna chauhvin a hnawt bo thei a ni. - Angaihtei lungsum Hla hi a phuahtuten thinlung leh tihtakzeta an phuah, a thu leh a thluk inmil thei ang bera an duan a ni a. Duh duha lo sak ing euhva sawisak mai mai tur a ni lo! - 9774354495 Khawvelah hian lawmna chauh awm sela chuan huaisen leh dawhtheihna kan zir chhuak ngai lo vang. I chhehvel thil zawng zawng lakah dawhthei la, nangma chungah dawhthei hmasa bawk ang che. - Vli lungsum Ei ru thei chuan ei ru ula, hlep ruk tur chuan hria chuan hlep ru mawlh teh u. Engtikah emaw chuan lei zawng zawng kan la inpuang dawn alawm! Kei, sual tinrenga khat, mi sual famkim nen pawh hian. Tumah ka dem lo ve, keimah ngei hi ka lo ni mi sual dik tak chu, inchhira Lalpa lam ka hawi let lo a nih chuan ka chan tur ka hria e, nangni pawhin in hriat ve ngei ka ring, inchhir dik taka ka inchhir theih nan min lo tawngtaipui teh u khai, khawngaih takin. Tha ka intih thinna tak hi ka that lohna a lo ni si! - Sangi, Tk Mizo mipui kan vanduaina ber chu pawlho/association-in duh hun huna thil man an tisang te, mipui thlavang hauhva thil man tisang dodaltu mi tlawmngai leh mi inpe kan nei lo leh sorkarin thil man sang a khuahkhirh duh tlat lote hi a ni! - 9862597997 Ram leh hnam humhalh tur hian tih lutuk a awm thei dawn em maw ni le? Eng hnam pawh, eng chena rei pawh Mizoramah awm tawh mah se Mizo an nih loh miau chuan en dan chintawk kan hriat a pawimawh awm e. Ram leilung fate nen angkhata en tur an nih leh nih loh chu 'moral' a ni tawh zawk ang. Tunlaiin kan thenawm state tam tak, an lo fimkhur loh thin avanga an ram leh hnam chimrala awm tawhte thisen tam tak a luanral tawh hnua ILP chungchanga an pianthar sup sup laia "Kan ti lutuk," lo tih veleh chuh... kan inchhirna khua a sei lutuk palh ang tih a hlauhawm lo maw? - MTV Sorkar hi khaw kar kawng siam tha tur te, zirtirtu indaih taka min pe tur te, buhfai hnianghnar taka min pe turte leh thil dang eng eng emaw min pe turin kan duh a; mahse, sorkar hi a khawro ve thei si a, sum a nei lo thei a, chumi avang chuan sum tuak a ngai ve thin. Sum tuak tura hmalak a tumin kan sawisel leh luai luai a, sorkar lak atang hian a thlawn ringawta dawn beisei lo hian pek let ve tur kan nei a ni tih i hre nawn awn awn teh ang u. Sorkar pawh pekna tlak turin rinawm tum ve bawk teh se. - Scholes L.S.Khawlhring Kelkang harhna thleng mek hian he Zoram hi siam tha se, Biak In leh lamtuala harhna chauh ni lo, kan nun, kan khawsak dan leh kan inthenawm khawvenna kawngah pawh a tha zawngin han nghawng han nei hlauh sela ka va han ti em! Zoram hian chu chu a a mamawh a ni - MkSiama