SAWHKHAWK of the day Delhi Chief Minister Arvind Khejriwal khuan WagonR cheng nuai 3 man bawr vel a hmang a, a car chungah light sen vet vet thei hi a vuah lo bawk a. West Bengal Chief Minister Mamata Bannerjee pawh khuan Santro car 2004 model a hmang a (tunah hian a la hmang nge ka chiang tawh lo, CM a nih tirh kha chuan a hmang chiang). Kan pute ve chuan nuai 9 chung lam vek car an hmang a, chawmhlawm state, kan sum dinhmun pawh chhe tak, a sen kawk vu tawh lehnghal a nia, kan pu berin a ti a. - 9862136235 Pu Hrekima'n 'RUI VE HLE HLE MAI RAWH' tih a ziah kha hawrawppuiin rawn chhuah nawn leh teh u. Buaina siam lovin a duh chu ngawi rengin, RUI VE HLE HLE MAI RAWH SE. - Suaka, Bvt Pute u, Kum a thar ta bawk a, tan la zel teh u. Kum thara chanchinbu chhuak hmasa ber han hmuh chuan chawlhkar hnih hmuh loh hnu a ni bawk a, hnuk a ulh lo chauh alawm le!! ZALEN hian ka rilruah hmun a lo chang nghet tawh hle a ni tih a chhuah loh chiah khan ka inhre chiang chiah mai!! Kum thar kan hman mekah hian duhsakna ka hlan che u a, kum hlui aia hmasawnna leh ngaihnawm zawk, chhiar manhla zawk pawh ka lo beisei ang. - Azl. tlak lam nu A sual thiam thiam, a dik lo lo, mi vervekte dinchanna khawvelah hian ringtute hma lam panin kan kal zel dawn, hnuchhawn ram reng kan ngai lo. Hnung lam hawikir leh hi kan Pathianin a phal lo, chak tak leh huai tak khan lo awm phawt mai rawh, chak lo Lalpan tanpui min tiam, Lalpaa innghat ngam kan nih erawh a ngai a ni. - Hruaitea Licensing Rugulations chungchangah hian engtizia nge YMA hi a va ngawi rei leh ta ve, hmanah khan AMC office kai turte kha an dang mup mup a, engvanga tunah hian ngawi tlat nge an nih? MNF, MPC, ZNP, Hawla Congress tih velah hian an lo buai ve thin a nih ka ring ta tlat mai. Congress kaihhruai office kai tur an dang ngam dawn em i lo ngaichang phawt mai ang u. - Mr. YMA thaduha Tuikuk leh Chakmaho hian Home Ministry leh Human Rights Commission-ah te Mizote hi dawtin min hek hnem ta hle mai. Thil awmzia dik tak hi central lamah hian kan sawi ve a ngai takzet tawh a ni. Chakma leh Tuikuk kutdawhte hi ka pe ngai tawh lo bawk. - 9862136235 Mizoten Indian Airforce kut kan tawrh ni champha March 5 a lo thlen hian lungsi taka India mi intih hi har ka ti thar leh thin. Maoist-ho thlawhna hmanga beih sawi rik a nih khan Home Ministry chuan a phal miah loh kha, fighter chu sawi loh, helicopter hman pawh a phal thak loh kha. - The Foofighter Zonet News correspondent a fakawm! Chapchar Kut lawmna pui ber, March 6-a AR Lammuala neih zawh takah khan mipui singhnih dawn pungkhawm zinga zu rui 30 mi nek buai a lo hmu thei a nih chu. March 7 zan news-ah an puang. Mipui singhnih pungkhawm zinga mi 30 vel zu rui mi nek buai zawn chu buhpawl zinga hriau zawn ang a ni ang. A fakawm khawp mai! - 9856631588 He Mizoram, Kristian ramah hian Kohhran Pathian Khawpuia rawngbawltute leh Roreltute hian Pathian thutak sawi tur an hre ta lo em ni? Heti khawp maia Kohhran mipuite thlarau lamah kan ro tak mai le? Thiamna lamah nise Rev. Dr. etc. an tam tulh tulh si a, inkhawmpui rorel lah an thiam tulh tulh bawk si a. Kohhrante lah an hausain Biak In lah a nalhin a ropui hlawm hle si a. Missionary leh a chawmtu lah an pung tial tial bawk si. Mahse, kan Kohhran theuhvah erawh chuan thuhriltute thusawi laia mutthlukna thlarau chang kan pung tial tial si a, Pathian hian eng ang takin min ngai ang maw? - Tea, Azl. Va ninawm ve, engkim a pung vek a nih hi maw!! Keini ang thawh mumal nei ve lote tan chuan tui bill mai mai pawh pek harsa khawp a ni tawh, hei ha! A hming chauhvin an VIP kan lo nih hi! - 8414924120 Zoram mipuiten Chief Minister atana kan duh ber, Pu Duhoma huan tuilak chungchang hian tunlai chu titi a titam hle mai a. Eng dawt hmangin nge a rawn insawi fihlim ang a, mi dangte engtin nge a rawn puh ang le? Kan CM hlui Pu Zorama'n a huan hungna chungchangah insawi fihlim tumin chhuanlam chi hrang hrang hmang mah se a mualpho hle a. Chutih laiin tuna kan CM hi chal hnawih sen chungchangah khan mipuiten thupha chawi tura kan duh hle laiin tham lo takin kan Pastor-te thleng pawha hmer telin min tawngkhum bawk a. Mahse, rin loh deuh maiin Pu Duhoma erawh chuan heng party leader pahnihte ang lo takin, mi dang tawrh ai chuan amah inburbunin huaisen tak leh patling takin amahin mawhphurhna lain ngaihdam a dil ta a nih hi le! Hetiang Mizopa dik tak hi ram hruaitu atan mipuite hian siam ta ila, Zoram chuan hma nasa taka a sawn mai bakah he ramah hian DIKNA tun dinin a awm ngei ang. - Jonathana pu NLUP tuar bertu chu sorkar hnathawk tenau leh lawmman la thin te, CSS atanga hlawh la thinte leh NLUP sum dawng pha ve lo mi retheite kan ni a, keini chuan titawp tawh se kan ti ngawih ngawih a ni! - 9862597997 Kohhran Upa thleng thlengin ZU tha in sawi mawi bawk a, tun tum Chapchar Kut AR Lammuala hman takah khan an hlawhtlin hmel hle mai! Sorkar berin a zuar dawn miau va, kan la rui zel turah ngai ila! Kum nga hnu velah chuan kan nasa lo teh ang chu! Naupang tete zu ngawi vei kan kat nuk dawn tihna a ni ber mai le! - 9774354495 Lal Isua hmangaihna angchhung nuama kan chen ve theih nan hian hrehawm tam tak hi kan tawrh ve a tul a. Kraws kawng kan zawh mekna kawng hi kawng nuam leh awlsam a ni lo a ni. Sual lak ata hring fate min tlan chhuah nan Pathian chuan a fapa mal neih chhun Lal Isua min pe a, hrehawm tinreng tuarin Krawsah khenbehin a awm a, Krawsa Lal Isuan a tawrhnate kan hriat a, tawmpuitu kan nih ve avang chuan ringtu kan niha Lal Isua kan zuina kawngah hian hrehawm tam tak hi kan tawrh ve hi a ngai tlat a ni. - 9402520257 Ka’n phunchiar leh lawk teh ang. Zoram ringtute hian inkhawmpuina atana kan inpek leh kan lak urhsun ang tluk zet hian Thlarau Thianghlim tan hian inpe ta ila, kan ram hian hmasawn phah viauin ka ring. Inkhawmpui pawh a hlawhtlin lehzual ka ring. - E7 LPS Leh Zonet hian Shavdhan India hi titawp tawh se ka ti khawp mai, naupang en atan phei chuan a him lo takzetin ka hria. Vaiho pawh an inthat tho alawm tiin ngaihdan an nei mai ang tih a hlauhawm tlat a ni. - SMA