Ni 9 Zalen chhuaka Dr. L.N.Tluanga ziah ai thlawt kha chuan H.Lalremruata ziah kha a dik filawr lak! - 9612623846 March 9, 2014 Zalen Issue leh chanchinbu hrang hrangah 'In lovin Zu kan rui em?' tih thu Dr. L.N.Tluanga ziak ka chhiar atanga ka rilrua lo lang chu, a ziaktu hi Kohhran member naran ni lo, mi zahawm ni phak, sorkar hna lian bansana missionary hiala kal tawh kha niin ka hria a. Zu sawi mawina lam hawi chanchinbua a han ziak ta mai hi mak ka ti hle. Zu khuahkhirhna dan kenkawh zel duhtu Kohhran hruaitute hian damdawia zu hman tha lo an tih thu leh an dodal thu an sawi tel lo va, zu thlah zalen lova khuahkhirh lehzual tul an tih thu sorkar thuneitute hnena an thlen chu a hlawhtlin theih nan Kohhran mipui tawngtai tura min ngenna thu an chhuah a. Hetianga an ti hi zu an ruih vang a ni lo va, an ruih hlauhpui tur chi pawh niin a lang lo. Kum 15 lai MLTP dan hmanga zu khuahkhirh tawh tihdanglam tumin sorkarin hma a la mek a. He dan hman mek hi tidanglam lova thuam tha zawk tura Kohhranin aw a neih hi a tul lai tak a ni lo'm ni? Sorkar tih mek dodalna ni lovin, sorkar tih tum ti lo turin Kohhranin sorkar a ngen a, sorkar pawhin he ngenna hi zahawm tiin hma la zawk se a va tha dawn em! Kohhran Upa, Kohhran ngenna zawmharsa ti, a dodalna lam hawi thu chhakchhuaktu an awm zawk tlat hi Kohhran rawngbawlna tihzahawm lohna, Kohhran inpumkhatna tichhe pha hial thei niin ka hria. Hetiang hi Pastor leh Kohhran Upa te chuan an tih hauh loh turah kei chuan ka ngai. - Vanlalchhuanga, Venghnuai Thalai khawvel Chapchar Kut review-tu chu sawi fuh nei nual mah se hnam dang a hmuh dan lamah inenfiah deuh a mamawh em aw? Saptawnga thupuan kha a dik, district thenkhatin an DC te Kut Pa-a an hmangte pawh pawina a awm miah lo. Barrack Obama te, Manmohan Singh te khu Kut Pa atan chah chhuah theih asin chakawm zawk! Hunserh kan uar lutuk hi a hneawm thlawt e! - Thana Ralmuan hmun reng a awm lo tia ringtu kal hmasaten thu leh hla hmanga an lo sawi chu a dik ngei mai. Khawvel hmun dang chu sawi loh, kan ram zimte chauh pawh han thlir ta ila, kan ni tin news hriatte hi mak tak tak leh lungawi lo thawm hriat tur te, thil duhawm lo pui pui a thleng deuh zut reng mai te, a mak tih loh rual a ni lo. Heng zawng zawng hi hmelmapa, sual Setana thlentir leh sulhnu a ni kan ti thei ang. A sual tih hian hre hmelmapa sual Setana hi a hrilh fiah zo lo. - 8415052704 Zuk leh hmuam chi reng reng that lohzia Sunday School-ah zir tum ni awm ang tak a ni a, a that hmel hle mai! Amaherawhchu, kan sawtpui leh ang emaw chu? Cancer natna hi inthlahchhawn thilte pawh a ni ve thei a, vanduaina avangte pawh ni ve thei tho a ni bawk. Zuk leh hmuam hi ka fak a ni hauh lo, Pathian thu atang pawhin engkimah kan thianghlim a tulzia chu kan hmu a ni. Chutih ruala cancer natna thlentu kan hriat atana pawimawh em em mai chu  ei leh leh in kan duh hrawmhraw lutuk mai hi a ni. Sate hi kan han duh mai mai khawp a, chuvang chuan ei leh in thu-ah hian zuk leh hmuai aiin ei leh in chungchangah hian cancer natna thlen theitu a tam zawk tih kan hriat a tul ang. Nakum Sunday School-ah zuk leh hmuam chungchang that lohzia kan zir dawn a nih si chuan kan ei leh in duh leh lutuk that lohzia kan zir ve pawh a tul ngei ang. Pathian ram chu ei leh in thu lam a ni si lo va. - Aizawl South Tuboh Kumin Mizo Idol chu a FAIR e! Top 2 thlan zan khan MIPUITE KUT tih kha judge-te tawngkamah khan a ri zing hle a. MAHSE a lo nih lohzia chu, 2-na khan Mipui Vote 59000 chuang a hmu a, 1-na khan 56000 chuang a hmu a. Mipuite pun lovin kan duh kan thlang dawn tiin mipui min pun lo se a dik zawk lo maw? - VALA, Aizawl Kum 2014 Mizo Idol atan Grace Lalchhanhimi chu thlan a lo ni ta a, a lawmpuiawm hle mai. Lawm avangin a mit ata mittui pawh a luang ngeiin a rinawm a, pakhat zawk erawh kha chu rilru nat avangin a mit ata mittui a far mai thei; mahse, Lalpan i mittui far lo hruk hulsak che rawh se. A tu zawk kha nge thaa a tu zawk nge tha lo tih pawh kei chuan ka hre lem chuang lo. En pawh ka en ngai bawk hek lo va, hmuhnawm pawh ka ti ve lem lo. Keimah mi mal pawh hian Hnahthial nu chu ka tuarpui hle mai che, ka tuarpui rual rual chein hei hi ka'n sawi ang e aw: Hnahthial khua saw ka naupan tet laia min tih dan thin ka ngaihtuah chhuak a, ka rilru a la dam thei miah lo. Hnahthial mipuite inhmuhchhuahna tur atan Pathian roral a niange? Khaw sual tak in nihzia ka hre chhuak uai uai mai. Inhmuhchhuah nan hman phah ula a va tha awm em! - This Generation Mizo Idol chu zaithiam tak Grace-i a ni a, 2-na chu Bitei a ni leh mai, sawi buai tur pakhatmah a awm lo. Judge-te kha mi thiam, nang aia mi ril an ni, sawi nawi khan i mawlzia i puang mai mai a ni! - Bitei fan Laipuitlang leimina a kaikuang ber, PWD E-in-C puh a ni a, tun thlenga suspend ni 270 chhung an extend leh hi a va mak ve. A maknate - SDO, EE, SE, CE leh Secretary an tel ve lo kha; tin, in thiah chungchangah PWD Manual Vol. 1-ah mawhphurtuah E-in-C a ruat lo reng reng, he case hi sorkar hian ennawn leh se a duhawm hle. - LIANA PWD Khawzawl Division chuan work order pakhat chhungah/hnuaiah departmental-a hna an thawk ve hi thil mak tak chu a ni, an thawk duh rau rau a nih chuan tender notice chhuah loh mai awm a nia! Kum tam tak hlim taka kan lo suangtuaha kan lo nghahfak ve, kawngpui tha hi a zuzi ang tih chu a hlauhawm leh mang e aw...! - Kawngpuitharualawtemema a.k.a (Murmua), Lungpho tlangdung Synod Higher Secondary School-a pawl sawmpakhat (Science Subject latu) kha sikulah naupang i zirtir tlem lutuk, i explaine thiam lo nge, sikulah i zirtir thatchhe lutuk! Kan fanu/fapaten sikul atangin zir thiam an rawn nei mang lo a ni e, enpui vek an ngai tlat mai. I eizawnna hi i hriat a tha khawpin ka hria, i hlawh chauh um lova zirlaite thiamtir turin class lamah lo tang tawh ta che. He ka ngenna tlawmte hi min tihhlawhtlinsak chuan ka lawm viau ang. - LALHRETHEIA, AIZOL ORIGINAL Seventh Day Kohhranin an Kohhranah sa ei an khap a, Salvation Army-in an Kohhranah zu an khap a; chutih laiin Roman Catholic Kohhranin zu an khap hran lo va. Khitiang deuh khian Synod pawh hian ngaihdan nei ve mai rawh se. Tuna an kal tum danah hi chuan sorkar kuta rul kaw zen tum an ang tlat a ni. Ka lawm e. - 9615462709 Kohhran kan nihna hi pawimawh ber a ni lo va, Denomination Kohhrana member punna kan duh viau pawh hi a tul ber lem lo. Ramthimah Muslim leh Hindu zingahte kan Kohhran din kher kan tum hi a tul ber a ni lo. Kohhran hi chu thih rualin a tawp der a, van kaina chu Krista rinna chauh a ni. Lal Isua chhandamtu a nih thu mite hmuhtir hi a pawimawh ber a, UPC?emaw, Salvation emaw, Baptist emaw, Presbyterian emaw nihtir tum kher hi chu a pawimawh ber a ni lo, pawla thahnemngaihna dah thain Isua Krista ringtu dik takah siam tum ila, Muslim-te chu Pucca Muslim ni mai rawh se. An Koran hi do ila, Allah pawh i hnawlsak lo vang u. Kan pawl Pathian biak dan leh tihdana inhruai luh kher hi ringtu dika insiamna a ni lo tih hriain, Non-Mizo, a bikin Muslim unau zinga rawngbawlnaah hian Krista ringa chhandamna hi i uar ber ang u. Hei hi van lam pawl hlawkna tur a ni e. - The Reporter SAWHKHAWK Of the Day Mi mal hi chuan zu hi kan haw tak tak lo. Kohhran leh pawl hrang hrang committee member-ah zu in duh zeuh zeuh awm mah se pawl hming ema zu phalrai duh chu a mawi lo e tih a ni mai. Ka zawh duh ber zawk chu engati nge Synod hian zu khap bur tura sorkar a nawr nat tluka corruption do tura sorkar hi a nawr duh tlat loh le? Zu hi pawngpaw khap bura a hlawhtlin chuan si loh ai chuan mite thinlungah zu that lohzia inzirtir uar sauh sauh hi Kohhran tih tur chu a ni. Tawngtaia zu khap burna dan chelh din tum hi a hlawhtling lo thei bawk tih hriat a tha. - Matea pu