SAWHKHAWK of the day BudGet pharh a ni a, thla li chhunga kan hman kan hman tur. Ka hriat sual loh chuan state thenkhat chuan kan Finance Minister sawi loh ang tak khan kum khat daih tur budget an pharh thei tho niin ka lo hria a, kan sorkar hi a che muangin a buaipuitute hi an chhawr thiam lo a ni zawk lo maw? A?hrim hrimin an budget pharh han thlir khan mipuite tan beiseina a sang tehchiam chuang lo va, a ropui vak lo. Tin, sum an enkawl dan han thlir han thlir hian, sorkar tha kalhmang leh dik a ni lo tih chu a chiang khawpin ka hria. - SzRamnunga Pu Hrekima’n thuziak hi a ngaihnawm thei tawp, a bikin tun hnaia depression chungchang a ziahte hi a tha ka va han ti thuai thuai ve! Chutih rual chuan, Daktawr zawhna leh chhanna hi ka thianin a chhiar hmasa ber ziah bawk tih ka rawn thai lang tel bawk e. - Mama Mi sawiselna intuar thei khawp mai, tunah chuan in Mizo tawng pawh a dik viau tawhin ka hria, in fakawm. Mi puitling zia inpu a, mi sawisel la na tlat mihring hi ka ngei zawng tak a nia, lo vul zel teh u. - Mamawii Kan Vengah hian Kohhran rawngbawltu pawimawh ve tak, kawng nek tak mai, an in zawn chu kawng pawh zim tak a ni. In luah an ngah si, an in luahten kawngah lirthei an dah a, an inlengten an dah bawk a, an thenawmte leh mi dang an tihbuaizia hi! Ui an vulh a, an in luahten an vulh bawk a, an bauh reng bawk si a, kan ning khawp mai. Thenawmte tan phurrit an siam reng mai a, an chet danah chuan an Pathian thuawihna reng reng thenawmten kan hmu lo a ni e. Veng dangah he mite chhungkua ang hi an awm ve em aw!! Mi dang tan phurrit siam lo ila, mi dang tan malsawmna nih i tum tlat ang u. - Thaduhi, Khatla Mizoram Congress Sorkarin kum 2015 kum bul atanga mipui phurrit a siam pangate - 1) Zu in phalna pek chhuah leh zu dawr siam; 2) Buhfai man Rs. 9.50 ni thin Rs 6.50-a tipunga Rs 15-a mipui leitir; 3) Tui bil service charge Rs 100 ni thin Rs 200 nihtir; 4) Aizawl khawpui in tinah property tax lak leh 5) Damlo thisen mamawhtuten thisen hman man unit khatah Rs 550 zel laksak. Heng bakah hian gas bur khat Rs 438-a kan lei thin hi reilo te hnuah Rs 800 aia tlem lova lei a ngai tawh dawn. A man tihtlawmna tur bank account-ah min thunsak tura sawi hi a takram a thlen hma chuan ngaihnam a har hle. Mi retheite tan phurrit belhchhahna a va ni dawn chiang em! - Om oma pu Keima sawisel ni lovin, Pathian thuin a fak lo a ni zawk. Lunglei zaithiam chhuanvawr chu a Pathian hla sak laia a inchei dan kha chu a mawi lem lo hle mai. Lengzem leh lenglawng sa chu ni se a pawi lem lo; mahse, Pathian fakna hla sa a ni tlat alawm. Chuvang chuan engpawh ni sela, a awm dan chu Krista chanchin tha nen inmawi phawt rawh se. Mizovin kan hman culture-a inchei dan kan nei a, Mizo hnam culture kha chawisang ve se a that ka ring. Sapho chu an hnam culture ang khan lo inchei mah sela kan sawisel phak a ni reng reng lo; mahse, chu pawh chu hmeichhiain mipa thawmhnaw inbel a mawi lo va, mipain hmeichhe thawmhnaw inbel a mawi lo a ti si a ni. A lo ngaisangtute mit a khup a, kan beng a thlep hlawm a ni. - Tlangval tha Ka’n phunchiar leh lawk teh ang. Zoram ringtute hian inkhawmpuina atana kan inpek leh kan lak urhsun ang tluk zet hian Thlarau Thianghlim tan hian inpe ta ila, kan ram hian hmasawn phah viauin ka ring. Inkhawmpui pawh a hlawhtlin lehzual ka ring. - E7 Chumi khami siam that a ngai tih reng mai, eng em em hi nge siam that a ngaih bik le? Veng dang hi chuan siam that a ngai an tih bik reng pawh ka ring lo. Pem khawm veng deuh kan nih bik avang hian nge maw ni siam that ngaih deuh bik reng ni? Pem khawm veng inti bik dawn ila, veng dang pawh pem khawm an awm ve tho bawk si. Kawng engkimah hian insiam that chu kan duhin a lang; mahse, eng kawngah mah kan tha thei lo chu a nih hi maw!! - Malaria PV Enga ti nge Mizote hi kan tuarzuau mai le aw? A bikin zu chungchangah hian. Zu thlahdul an tum tihah te hian a in loho hi a buai buaiah an tang a, zu hi ruah angin a surin sur mah sela kan in phah chuang lo vang. A duh chuan in mai se, buaina siam phah nan an hman chuan a rui ve loho hian kan sawisa nek anga a ni mai alawm. - Sawmzuala Sumah miin a rilru zawng zawng a pek chuan mi hmantlak a ni ngai lo. Kan dam chhung khawsakna atan hian sum chu pawimawh tak a ni a; nimahsela, sum ringawtah miin a rilru a pek chuan chhungkua pawh a vawng fel thei lo va, chhungkua chuan harsatna leh buaina a tawng ngei ngei a ni. Chunakah Pathian aia sum kan lo hmachhuan zawk chuan a fuh thei lo va, chhungkua a thlahthlam a, ama chungah pawh chhungkua a vui bawk thin. Amah Pathian lovin a thilsiam kan lo Pathian hian pawi tak a ni. Sum pawh hi Pathian avanga awm chauh a ni tih kan hriat a tul hle. Chuvang chuan chhungkua i vawng him tawkin i inhria em tih lo inzawt teh. Taksa bawrhsawmna han tawk ta chiah la, i sum kha ip pawpa thlak ang hlauhvin a ral hiau hiau mai ang. Chutah chuan sumin a chhan zawh lohzia che chu i hre mai ang. Pathianin i damdawi ei thinte kha mal a sawm loh chuan i tan thihna turah a chang thei bawk. - The Slam He Mizoram, Kristian ramah hian Mizo Kristiante heti tak maia inhmangaih tawnna kan tlachham ta leh mahni hma kan sial em em ta hi eng nge maw awmzia ni ta le? Dawt sawi hreh miah lova motor kan lei vangte hi a ni mai lo maw? Motor dahna in (garage) ka nei ti veka motor lei kan ni awm si a, Aizawl leh khawpui hrang hranga kawngpui dung hi kan motor dahna in a ni si a. Engtin nge he Kristian ramah hian rorelna dik a awm theih tak ang le? Tun sorkar kan hrawn mek hi tute vanga sorkar nge ni? Mizo mipuite vang a ni lo’m ni? Tute nge a mawhphur ta ang le? MNF kan sorkartir leh a nih pawhin mipuite i phun i phun tawh lo hram ang u. Keimahni vote hlu tak avanga tling an ni thin si a. Mi duham leh pamhamin mi duham leh pamham, dawt sawi hreh loho kan in-vote tling tawn vel mai mai a ni e. Kohhran Pathian khawpuia roreltute lah chu he leiah nuamsa bawk, vanah nuamsa bawkin an awm hmel si a. - Tea, Azl. Ka tawrh hi Lalpan a phal, vui thei ka ni lo. Heng inhmuhsitna leh indiriamna te, sawichhiatna te, mualphona leh endawng te, hrehawm tinrengte hi ka tawrh ve hi Lalpan a phal zawk avang hian ka lawm a. A chhan chu nuamsa deuh tak chung hian Vanram a luh theih loh tih ka hre chiang em a ni. Hrehawm tam tak tuara Vanram kan luh a phal tlat alawm. - Hruaitea Sorkar hian sum leh pai neih loh avanga a harsa takzet a nih chuan ram hruaitute hlawh leh facility tha lutuk te, sorkar hnathawk hlawh leh facility tha lutukte hi tihniam ngam phawt se chuan mipui nawlpui chhiah chawi sang lutuk pawh hi pek a hahdamthlak deuh vang, - Scholes L.S.Khawlhring