Dr. L.N.Tluana'n a ngaihdan dik tak a sawi chhuak ngam kha fak a phu ka ti, mahni ngaihdan sawi chhuak ngam lo mi dawihzep kan tam mai. Zu a tha ka ti erawh a ni chuang lo. - 9436154365 Dr. L.N.Tluanga'n March 9-a article tawi a ziah kha ka chhiar nawn leh pawhin a dik lohna emaw, sawisel tur emaw ka hre ve tlat lo. Sawiseltute hian zu an huat lutukna lamah Pu Tluanga an puh na mah mah a ni. Chhiar nawn leh mah teh u, thu dik a ni a ziah ni. - 9862372482 Pu Chhuana'n zu chungchang article tukin (15.3.2014) Zalen issue-a a rawn ziah hi mi thiam leh thiam lo rilru sukthlek tidanglam thei ngei khawp article ril leh ROPUI, mahnia ngaihdan nei ngam lo, Pawl leh Kohhran hi Alpha leh Omega emaw ti tlatte rilru tidanglam thei hial tur chi a ni ka ti ve tlat. Zu chungchang thuziak ka hmuh tawhah Pu Denga ziak nen khan min hneh ber. Engpawh nise, Mizo tawng thumal tawpa 'U' awm ang chi hi khap chu an ni vek lo, mahni inthununna nena a serha SERHTAN mihring nih hi kan mamawh chhanna a ni mai lo maw? - 9436366077 Sik leh sa boruak nuam tak mai hnuaiah kan cheng a, khaw lum leh vawt te, ni sa leh ruah sur angte hi Khuanun a tur ve renga a duan leh awmtir hi a ni si a, thenkhatte an han phun thin hi chu a zia lo mang e ka lo thin. Engkimah lawm mai tur leh lungawi taka awm mai tur kan nih lai hian lawmna chang hre lo leh lungawi lo reng rengin em ni dam chhung hun i hman liam dawn? Dik tak chuan khaw lum eng ang pawh ni se, a van nuam em tia lungawi taka awm mai tur kan ni asin. Ringtu dik tak chuan engkimah lungawi dan a thiam a, hlimna, lawmnaa khatin a nun, hun a hmang tawh zawk asin. - 8415052704 Ram pakhat CM ve meuh si i lo va han tenawm tak em! Zawllnei Elija kha la dam ta se chuan mi tenawm pa tiin a au khum ve ngei ang che maw le! I tlin loh hlauh vangin Electronic Voting Machine kha i lo khawih chingpentir emaw ni? I lo tenawm khawp mai. Pathianin i nupui fanauteah emaw, i chhungkuaah emaw harsatna a la rawn thlen ngei a rinawm. A nih loh pawhin nangmah khan eng harsatna emaw tal i la tawh ngei ka ring bawk. A nih loh pawhin Pathianin nakina hrem turah a la khek tal ang che. A ruka ka ti emaw i tih kah Zoram mipui hian kan hre leh vek si thin a nih hi. Khawlaiah te i kal ngam hi i huai ka ti a, kal ngam tur pawh i ni mawlh lo asin maw le! Lalpa no leh ramhuai ni dawm kawp tawh suh ang che. Phai vaiho pawh khuan an lo ngainep khawp mai che, hmanni khan a chiang khawp mai. - This Generation UID hi Kristian dik takte tan chuan dodal ngei tur a ni. Kristian tan 666 sakawlh No. a hlauhawm loh tih ringawt hi ngaihsamna rilru a ni. Sorkarin thil tha tam tak leh awlsamna tam tak a siam hi 666 putna tura Khawvelthilafinga leh  Verveka (Setana) ruahman vek a nih hi. Thlemsam leh thatchhiat bansanin i harh ang u. Ngai teh, Lalpan sual leh tha a fiah dawn e, Krista i hmangaihna a buk dawn e. A der maia amah thlangtute chu a buk chhuak ang, chatuan meipuia hal atan. Ngai rawh, fiahna ni a thleng mek a ni. I sual sim nan hun i nei lo vang, inchhir, lungngaih leh tahin a hmuak che. A sawt tawh lo'ng Chhandamtu liam niah. - 8575156748 Mi rethei unaute zawng zawng chuan an vai huat thin a, thian maite chu an lakah an va hla lehzual dawn em tiin thufingte 19:7-ah a lo sawi a ni. Chuvang chuan thian neih tam teh teuh pawh a lo tul lem lo a nih hi ka ti ta a, mahni chauhva tlei dan zir a ngai a ni tih hi chiang kuang em em maiin ka'n hmuhchhuah chu maw le! Mihring kan pung tual tual a, in leh lo lah nise a inhnaih tual tual a, rilru erawh lei leh van a inhlat tluk zetin a inhlat leh thung a. Thenawmte ngei ngei pawh kan inhmelhriat tawh lo chu a ni ber e. Inthian tha ve awm anga langpawh hi duhzawng a inang loh na na na chuan a lo inthian that theih miah lo mai a lo ni. Min hmangaih ve awm ang taka an lan lai hian harsatna leh buaina han tawh tak tak chuan khawiah nge an awm tih pawh hriat loh hian an bo daih mai a ni. Lungngaih vak tur a awm lo, min hmangaihtu Pathian a awm alawm. Kan han vui ve a, eng tehual a ni chuang lo. - The Reporter Kan EVM kha tihchingpen ngai a nih ka ring ve ta tlat mai. Hei, tunah Pu K.Chhawnthuama chuan huaisen takin, thu dik hailan ngei tumin court-ah vawi li lai a inlan ta a, chutih laiin kan police lam chuan mak tak maiin SMS case chungchang mai maiah chargesheet an theh lut thei tlat lo, kan CM ho hian delay tactic an apply a ni mai lo maw? Mipuite hian thu dik hriat kan duh a, a rang thei ang berin chargesheet hi thehlut vat teh se. Rorel lo tur hian kan ramah hian ro an rel a ang ta riau mai. Kan ruling thalaite pawh hi kan police-te dem hian thawm an va nei har ve, an pu FIR thehluh kha a ni si a. - Mizo Tlangval A kum tin maia ram dang tuikang chhuanlama Power Dept. insawi fihlim ziah mai hi chu a khamawmin a va han zahthlak zozai tawh tak em! Mizo nih hi ram hmangaih ngawiveiho vang hian a zahthlak zo ta. Kan thlang maiah, km 20 pawh tling mang lovah kumtluanin Tlawng lui a luang dul dul reng a, khu lui tui pump chhova tui hnianghnara Aizawl leh a chhehvel khaute siam thei leh power hnianghnar siam chhuak thei ram hruaitu, he kum 40 chhung hian pakhat mah zuk la awm hauh lova maw le! Heti chung hian thawk tha ber, thawk tam ber angin mipui hnenah an la insawi ngam zel tho mai zawng a nih hi. Hengho hian ram hmangaih an bansan hunah leh mipuiten party ruihchilh kan sima KALPHUNG THAR kan duh tak tak hunah, he Zoram, ka ram hian hma a sawn dawn a nih hi maw! - Chhuani & Chhungtei MLTP Act hlih leh hlih loh chungchangah hian Kohhran hian sawi tur an neih ve pawh a awm lo. Ruihhlo tih chingho leh zuartuhote hi an member-te vek an ni a, engtin mah an member-te chungah an ti ngam lo va, an tan ngawih mai a tha. Ruihhlo Zalen-ah hian sawi ve ngam turin an member-te chungah swi zawk rawh se. - No. thup Zu hi engi kawng zawng maha zalen chiah ka ngai lo. A chhan hrang hrang zingah tlemte chauh han tar lang ila: 1. Nuihzatbura min siamtu a ni; 2. Chhungkaw thendarhtu bulpui ber a ni; 3. Buaina hrang hrang thlentirtu pawh zu bawk hi a ni. Sawi tur dang pawh a tam ang, zu hi sual a ni hrim hrim sa a; chuvangin, zu hi in thiam a awm lo tih hriat reng tur. Tin, zu atanga pawisa hmuh reng reng hi engmah lovah a thamral leh mai thin. A chhan chu sum dik lo a nih tlat vang a ni. Dik taka thawh chhuah sum hi a thianghlim ber a, a tlo ber bawk. Sum thianghlim lo hi KAN PATHIAN hian a lawm lo va; tin, a pawm ngai dawn bawk lo a ni. - 9402520257 Sorkar leh CYMA hriatpui thlapa Mizo thalai, a pui a pang, a lian a te, hnam incheia rui buai lo, hlim taka hmun khata an lam su dup dup mai han thlir chuan Mizo nih a va han nuam em! Mizo hnam leh Chapchar Kut damin vul reng rawh se! - Mathani, Msv Vanlalauva hi hmeltha bawk si, aw pa bawk si, zai thiam bawk si, Auva Idol ni lo mah la ka tan chuan Idol i ni tho tho. Ka duh lutuk che, Mizo mipa zingah ka duh ber che. - 9774167342 He khawvela kan chen chhung hi zawng, lungngai, mangan leh tah a bang dawn lo. Ringtu kan nih hian nuamsa taka awm tur leh buaina tawk lo tur kan ni bik reng reng lo, hrehawm tak tak tuarin vanram lut tur ringtute kan ni zawk si a. Sawichhiatnate tuara miten mi â hial min lo ti a nih pawhin an thiltih hi an hre lo a ni tia lawm taka awm mai tur ringtute kan ni zawk e. - 9402520257 SAWHKHAWK of the Day Mizoram Synod a ni emaw, Mizoram Kohhran Hruaitute Committee an ni emaw, eng Kohhran pawh ni se an rorelnaah sorkar hian an ngaihdan leh duh dan lo sawiin lo va inrawlh ve ta sek mai sela, an ningin an ngaihdan a ni lo ngawt ang a, an tih loh tur an ti tiin kan phun nasa teh ang chu! Chutiang bawkin sorkar rorelnaah Kohhran pawh hian an ngaihdan lo va rawlh ve sekin an duh dana kaltir an tum hi a dik bik dawn em maw ni le? Rorelnaah a tute mah hi inrawlh lo tawn ve ve se, anmahni huangah an ngaihdan chu puang chhuak mai thin se. Zu khap leh khap lovin min tibuai lo va, kan ram tana la tha tur nia ka ngaih chu la thlah zalen loh hi a ni tho tho mai. - Ts-a