SAWHKHAWK of the day Chimral tham lek ZOfate hian bengsika ngaihtuahna hmangin fa neih tlem/insiam/indanna ei tih ang vel hi kan thatpui dawn emaw chu? Tuna kan chhungkaw khawsak nawmna ringawt thlir lovin kan thlah kal zel turte hi chimrala an awm loh nan fa neih teuh teuh hi a va hun lehzual tak em! Kan bul lawka vaichhia kan tihhote hian min la chimralin, he kan ram neihchhun pawh hi tun atanga kum 100 velah chuan hengho ramah a la chang mai ang tihte hi a hlauhawm hle zawk a ni. - Mawizuala pa, Tuikual South, Aizawl SMA kha ka lo chhang lawk, Shavdhan India en vanga inthat an lo awm a nih chuan zirtirna nei miah lovin an en a ni ang. A chhan chu Shavdhan India hian huaisenna tam tak min pe asin, naupangho pawh kan entir a, an nun kaihhruai nan kan hmang bawk a, thil sual lo ti pawh ni se danin hrem a, thup hlen theih loh a ni tih hi a zirtir chiang viauin kan lo hria a. Tin, kan chungah harsatna engpawh lo thleng se, kan harsatna azirin hmachhawn dan tur a lang chiang bawk a ni. - 8974827387 Pu chhuanliana’n ‘Ka huang’ tihtawp a tum hnai tih kan lo chhiar a, a ti tak tak a nih chuan keini pahnih bakah kan veng chhunga Zalen chanchinbu latu tam tak chuan kan subscription kan titawp nghal dawn tih kan rawn sawi lawk e. - Jesse & Thangliani, Kulikawn Mamata Bannerjee car man let thum aia to mah car kha an kawl ang a, driver leh oil nen a thlawnin, a hlawh pawh six figure chu tling em lo mah se a tlem chhe dawn lo va, aya, house rent, TA/DA adt. kum 4 vel han enjoy chu nuam deuh tur a nia; chuvangin, ka thiam lo lo. - Raw-a, Aijal Amaherawhchu fimkhur rawh u, chutilochuan ei puar lutuk nen, dam chhung khawsak ngaihtuah nen, in rilru a khat lutuk hlauh ang a, chu mi ni chuan thang awk angin thawkkhatan in chungah a lo thleng phut ang. Chutiang tak chuan lei chung zawng zawnga awmte chungah chuan a thleng theuh dawn a ni. Chutichuan, chung thil lo thleng tur zawng zawng chu pumpelh tlakah leh Mihring Fapa hmaa ding tlaka ruat in nih theihna turin, englai pawhin tawngtai chungin ngaihven rawh u,’ a ti a?(Luka 21:34-36) -9862856579 Tunlai kan ram han thlir hian mi rethei leh pachhiate dinhmun chhiatzia leh nekchepa kan awm nasatzia hi sawiin a siak ta lo a ni ber e. Tui bill, electric bill, ration buhfai, in hmun lo ram chhiah, engkim maiah uchuak thei ang berin Hawla Ministry chuan Zoram mipuite min rawk ta a nih ber hi maw! Mipuiten hamthatna an chan ve tur scheme, central lam atanga lo kal apiang anmahni leh an party hamthat nan an lo khawih chingpen zel bawk nen, hei tun hnai maiah pawh nu nau neite inenkawl chhunzawmna tur chhawmdawlna, JSY atanga lo kal cheng nuai 40 dawn lai chu July, 2014 atang khan thla 8 chhung an pe leh duh ta lo a nih hi. Hei hi sorkar tha zia a ni ngai lo vang. Amosa 2:7 thua, ‘Mi retheite lu chunga vaivut takngial pawh an it a, pachhiate an ruksak a...,’ tia zawlnei au chhuak hi kan ram dinhmun a ni ta a nih hi le! Kohhran thu leh hla lah engah mah an ngai si lo. Kan Zoram hi a damlo a ni e, a tidam tur Pathian tih mi, mi fing, mi thiam kan mamawh takzet a ni e. - Jonathana Pu Delhi-a AAP chak chhan kha hlemhletna dotu an nih vang tih a ni a, anni ang khu kan va mamawh tawh em! Kohhran hrang hrang leh tlawmngai pawl hrang hrang leh PRISM te, rorelna dik a awm thuai theih nan inrawnkhawm se, MLA?candidate tur uluk theihtawpin duang chhuak se, chung mite chu Bible nem chungin thu tiamtir vek ni bawk se, an lo sorkar hunah pawh an chunga thuneitu, commission etc. siam ni bawk se, thiamna bik nei, Pathian tih mi, ram hmangaih vanga retheih huam that ni se. Eng nge, Africa ramah te pawh Bishop Desmond Tutu, Kohhran hruaitu an inrawlh tho va, mipui zaa sawm awrh chauh ram hmasawn nan an dah thei tawh a nih chuan chet a hun takmeuh tawh a ni lo’m ni? Heti chuan Zoram khawvar chu sawi loh, thimhlim, dar sarih lamah min kirpui leh ta a ni si a, rorelna dik lo avanga Zoram mipui mangang au aw avang hian rawn pen chhuak thuai teh u khai, a tlai hma hian! - LHT, AVS SMTC Director-in Synod hnuaia hlawh tlem te laa kum 5 lai la thawh ai chuan MPSC member, dinhmun sang leh hlawh tam zawk a thlang hi a awm e. Hetia Synod rawih laiin ama duhthu ngeia a thawh lai chawlhsana MPSC member-a awm a thlan takah chuan Synod hnuaia a thawh laia a sulhnu, a chhia a thate an sawi zui phah ngei dawn a ni. A?dil anga bantir tur anga ngaih a nih laiin Synod mi rawih, an term hmang zote anga pension la zui thei tura chhuah Synod OM-in a phalsak hi a mak khawp mai. MPSC member, Mizoram sorkar hna lian latu nih hi Synod rawngbawlna aia a zau zawkna tur ka hre lo va, a ordained ken tel a ni hek lo. Synod hnuaia a thawhna hian a huam zau zawkah ka ngai. Sorkarin MPSC member-ah kei min thlang lovin Pastor a thlang tih tawngkam phei hi chuan Kohhran pal a nek puar nasa hle. Rawngbawl tura ordained, a rawngbawlna phatsantu hian sorkar tawktarh a it em a, a rawngbawl hna hlen chhuak lovin a ordination post a phatsan ta a ni. Kohhranin a ordained avanga a hnathawh phatsantu hi a ordination hlihsak ngei turah ka ngai a, hlihsak a nih loh pawhin amah hian a hmang lo ngam tur a ni. A hmang lui zel a nih pawhin kei chuan zak thei lo ka ti khawp ang a, a thu sawi ngaihthlak ka hreh tawh ngawt ang. He thil hian Kohhran kal zel a nghawng nat hle ka ring. Synod OM hian thutlukna siam hi Kohhtan zahawm nan sut leh se a tha ang. - Omoma pu Kan ram hi ngati zo ta nge ni aw...? Kan Pastor chhuan berin a rawngbawlna kalsana khawvel rawngbawlnaa a luh mai le, rilru a va tina ve aw! MPSC member-a a awm khan eng rawng a bawl ang? Ngati nge Pastor aia qualify an tam awm nen, Synod pawh hian ngati nge a phal mai le? Mipui rilru na leh Synod chhuahsan duh an tam phah ka ring tlat. Zosangliana hi a lo piangthar lovin a Kohhran rawngbawlna kha hrehawm a lo va ti awm ve! - Liana Kan Pute hian kan state sum dinhmun chhe lutuk siam that nana an VIP (mi retheite) atanga chhiah leh bill sang uchuak tak maia an la hi chu hriat thiam a har ngei mai. Hetia an tih dawn chuan anmahni atangin tan rawh se! Hamthatna an dawn zozaite hi an VIP-te hian kan hre ve tho a nia, tui, electri, telephone, house rent, motor, oil, driver, adt. Kan Bible-in, ‘A nei nei pek belh an ni ang a, an nei lo chu chhuhsak an ni ang,’ tih kha tihdik an tum ni fahmiang!! - 9862136235 Swine Flu (H1N1) an tih hi vawk natna a ni a, Mizoram a lo thleng tawh lehnghal! Vawksa kan duh nasa si a le, Mizote chu kan ngaihtuahawm dawn mang e! - 9862597997 Kan AIzawl khawpui chhunga Sikh-hovin helmet khum lova lu tuam bur chunga two wheeler an khalh ang hian Mizopa hian khalh ve ta ila, kan traffic police-te hian min man mai lo’ng maw? Min lo man ta se inthlei bikna a ni thei mai ang em? Eng nge i ngaih ve dan? - Mangaiha, Ramhlun South