Mizo zinga ka mi ngaihsan ber pakhat, Dr. L.N.Tluanga'n Synod lam pawh vengthawng chuang miah lova ama ngaihdan dik tak a rawn sawi ngam hi tha ka ti. Kum2/3 chu kan buai ang; mahse, kan tu leh fate khawvel thui zawk kan ngaihtuah chuan zu zawrh ngam hi a hun tawh. Lemchanna khawvelah hian nun tak, mahni ze dik tak lanchhuahpui ngam a hun tawh. - 9774402988 9402520257 khan thu kan sawi ve dawn a nih chuan pawngpa rak liam ve mai mai loh tur, 'Zu atanga pawisa hmuh reng reng hi engmah lovah a thamral leh mai thin,' i rawn tih ve ngawt hi Mizorama missionary Pu Buanga leh Sapupa  te rawn kal theihna chhan kha a tirtu zu man tlingkhawm suma rawn mission an ni ve tlat.  Tin, kan Zoram hi zu chhiah tlingkhawma chawmhlawm kan nihte hi hriat ve a tha. - Mizo This Generation inti kha i ti mah mahin ka hria, i tawngkam hman danah khan i mizia i pholang a ni. A lan danah chuan MNF ruh tak i nih ka ring a, mi tam takin i thil tar lan kha an hmu dawn a, eng angin nge an ngaih ang che tih ngaihtuah hmasain type ang che tih hi kei tleirawl te hian ka hrilh duh che a ni. Ka ngaihdan ka rawn pholang ve mai a ni e. - ANGEL Zu khap leh khap loh inhnialna a tam ta hle a, kei chu khap loh hi tha ka ti chungin tuna hlih an tum dan hi chu tha ka ti hlawl lo. An hlip dawn a nih law law chuan Made in Mizoram Mizo zu, Mizorama thar chhuah chauhte hi phal se. Kan thlai thar tawih chhe mai maite zawng zawng hi zuah chhuah ta ila, market lah a chiang sa ni bawk si. Kan Mizo zute kha han uar thar leh ila, zu chhiah tlem lo lak ai chuan a man pum pui chan hi a tha zawk lo maw? - 8794339082 Billy Grahama fapa, Franklin Grahama chuan USA-in chhiatna kawng a zawh tan mek a ni tiin a sawi a, engvang nge tih leh tu vang nge tih chu sawi teh teuh ngai lovin mi tin hian kan hre mai awm e. A hma kha chuan an President hlui, boral ta George W.Bush kha Pathian tih mi a ni a, tuna an President Obama hi chuan neih inang inneih phalsakna thu  a thlung hmiah a ni. He thil hi Pathian pawisawina ngei a ni si a, chuvang chuan America hian boralna lamtluang a zawh tan mek a ni. Ram hruaitu atana Pathian tih mi an pawimawhzia kan hria a, kan Zoram CM hian Pathian a tih tawkin kan hria em? A thiltih dan zozaite hi han ngaihtuah ta ila, Pathian a tilawm thei dawn em ni? Hetianga kan Zoram hruaitu berin thil a tih si chuan hremna kan pumpelh dawn lo reng reng. Pathian thu atangin a chiang reng. - This Generation Chhandama kan awm ve theihna tura thahnemngai taka chhum lo chat lova Pathian thu sawi a ni thin a. Rawngbawltu missionary-te an fakawmin  an thawhrimna Lalpan a hria a, vanah lawmman hlu chu an la chang ngei ang. Pathian thu tak hi kan hriat tam deuh deuh va, he khawvel kan chhuahsan hma zawngin kan hre zual zel tur pawh a ni. Pathian thu hi hriat tawh a awm thei lo va, hre tam tawh lo intih mai chi pawh a ni lo a ni. A thar zel, a thar zel ni tinin, englai pawhin. - 8415052704 Sailo ka ni i ti a maw? Sailo hnam hi kan ngaisang hran lo, Paihte sawn ve mai a ni e. Pathianah mihring an awm lo va, hnamah pawh ropui bik an awm lo. Sailo hnam hi van kaina tur ticket a ni lo va, Pathian thu anga awm hi van kaina tur a ni mai. Bakah hnamah hian i chiang lutuk lo a nih hmel bawk. Tin, chumi veng chu ka ni tiin in veng pawh kha i chapopui bawk a ni maw kha? Mizorama thingtlang khaw kilkhawr ber pawh hian an ngaisang leu! In veng hi a tlangpui thuin in lo chapo hlawm  a nih hi, thlarau boruakah phei chuan khutah in ni tawh. Tun hmaa in veng lo hmuhsit em em thin khan an ngai ropui tawh lo khawp mai che u. Chubakah i chhungte pawh kha chapopui reng reng suh, ka ui, ka ar an rawn tih miah loh che hi. I chhungte khan chatuan hremhmun atangin an chhanchhuak thei bawk che, i lei kha veng tha hle bawk ang che. - The Reporter Pathian cho an ang ber. Lirnghing, chhiatrupna laka inven dan Mizoram State Disaster Management Authority-in an zirtir a maw? Bible-in lirnghing turte a sawi vek a, Lalpa kan Pathianin min hremna tura a ruat lawk hi Lalpa thil thlentir tur kan chozia a ni tih hi hre tlang teh ang u. A hrim hrim thu-ah lirnghing, chhiatrup hun tur hre thei awm ziazanga a inven dan lo zir khanglang... inven dan hria awm se ram changkang tak taka lir a nghin hian thi an awm dawn em ni? Nge a invenna hmanrua an mi duhsakte supply-tir an an duh loh vang? Lo zir lo zir suh u, a huna tihah kan ri buaih mai ang, kan hmang hman dawn chuang lo. Thil inzirtir awmze awm lo a ni e. Nge a inzirtirna hmanrua hi supply hi a hlawk? - PATHIAN MI DIK TAKA Santosh Trophy champion kan ni a, a lawmawm lutuk. Mahse inkhel entu an tlem lutuk khan min tihnualin min tilungngai. India ramah hian an ngai ropui vak lo a niang. - 9856835945 Santosh Trophy-a Mizoram champion chhan MFA Honorary Secretary (Master of Ceremony) khan point thum a rawn sawi a nih kha maw? Point thum a sawi kha a duhtawk mai em ni aw? Kan Lalpa Pathian vanga champion kan ni lo a ti-ah ka ngai. Lammual mipui khati zozai hmaa Pathian vang a ni a ti miah lo kha a mak lutuk! MFA, playground tha, MPL a awm vanga champion-ah a dah hmiah mai a, Kristian a ni lo hial lo maw? - Lalchika T.T.V I chungchangah hian engmah thu ka rawn nei thei lo tih chu ka hria e, i chungchanga thuneitu chu i nu leh pa leh Pathian chauh an ni. Ka rawn inrawlh ve duh duhna mai mai chu i FB nasa lutuk tak hi a ni. FB-ah hian ka lut khat khawp mai a, ka luh ve chhun pawh hian hla ka download hi a ni mai a, mi dang pawh an awm ve ngei mai; mahse, a bik takin Zuangtu nula tleirawlte kha chu i tam mah mah a, i tam dan lah hi ngaihzawng i zawng a ni tih i hriat reng a, i FB dan leh i khawih dan ang chi phei hi chu a tha lo zawng a ni lehnghala, hmeichhia i ni bawk si, unaunu, thimin a hual vel mek che a ni. KTP leh Kohhranah pawh i inhmang ve thin a ni awm a, a tha e; mahse, Pathian thil leh khawvel thil i hamkawp tel tam mah mah lutuk hi sim hlauh rawh. I hma lam hun hi eng a ang vak lo a ni. Engtin nge i lo khawsak tawh ka hre lo, i lo tal hiar tawh viau pawh a ni thei, insiam tha vat rawh. - The Slam Nia, Kohhran hian zu thlah zalen kan duh lo a nih chuan kan beramte sorkar tan mi tha ni turin leh sorkar pui turin zirtir tam ila. Tin, sorkar sum ei rute Kohhranah hmun pek loh ngam ni se, inkhawmpui leh thil dangah sorkar pawt buai loh ngam ni bawk se. Tichuan, sorkar pawh zu zuar ngai lovin a awm thei mai ang. - 8794495291 Kan Chief Minister tawngkam dengkhawng tak kha ECI-a thlen chu a ni lo maw? - Suaka, Azl. MP putar thlan nawn leh ai chuan mi tha, la thalai si, party mal ta ni lo hi ka duh daih zawk. - DANY ALVES Pu K.Chhawnthiama SMS thawn EVM tihchingpen thua Pu Hawla a puhna leh thu dik tak mipui hnena puan a tumnaah hian Pu Hawla te zawk hi an zam ta deuh zawk en ni? Chargesheet an thehluhah lah chuan EVM tihchingpena puhna lam a lan tak loh le? SMS-a mi mal insawichhiatna haw rual ni pawhin kan hre si lo. EVM a tihchingpen dan chu mipuiin kan hriat duh ber a ni mai. Pu Chhawn, tang zel rawh, thu dik kan hre duh e. - NEYMAR SAWHKHAWK of the day Zu chungchang Kohhran hruaitu inti, puithiam intiho thuziak hi a ninawm zozai tawh em mai. Mahni huang chhungah zu zuar, zu ruite phuar ngam der si lo sorkar vau pung pung ching hi in beramten kan thlir reng che u tih lo hre teh u. Mahni tih tur tingam der si lo mi kut hmanga ruk kaw zen tum in ni tih lo inhre mawlh teh u. Zahna changte hi hre ve mawlh teh u khai! Vanglaini huanag ziak thintu puithiam inti phei kha chu lo inngaihtuah zual chiang teh khai! Mi kuta rul kaw zen tumte hi kan ngaisang lo teh mai che u a nia.  Sorkar, i tum tha thlah reng reng suh, sorkar tang fan fan! - Vana pu