Lawm nachang hre lote leh mi sualte chungah a ngilnei si thin a. He thu hi ka thinlung lairilah a cham reng a, mi zawng zawng hian hre fiah thiam ila, hmelmapa sual Setana hi kan titlawm chiang ngawt ang. Mahse, a then pawh kan hre lo tih ang deuh hian PATHIAN thu tak la hre fiah thiam lo tam zawkna khawvel a la ni bawk si. Buh seng tur a tam, sengtu tur an tlem si. - 8415052704 Inthlanpui, General Election?kan neih hma, ZO Talk-ah khan Pu Duhoma, ZNP?President khan mi rethei teteten bul an tan nana an thar chhuah atanga chhiah sorkarin lo lak phet an tum chungchang a ngaihmawhzia thu kha a sawi a. Hei, tunah duh taka kan thlan lal, Congress sorkar chuan kan hmunphiah chingtute chu an changkang hma lutuk ang tih hlau ni awm fahranin Royalty uchuak tak maiin a khawn leh ta chiam mai. Kut hnathawktu rethei leh NLUP dawng ve lote tan chuan a nain a rapthlak ngawtin ka hria, an mangang au thawm hian kan sorkar beng hi thleng zo tak ang maw? Pu Duhoma sorkarah chauh lo hi chuan Real Change hi a thleng tak tak dawn lo a nih hi maw.. - Jonathana Pu Phai vaiho hian min rawk ral mai dawn, hetianga kan ram thing leh mau an lak reng mai chuan kan ram hi a la chereu vek anga ti nia! Tuai deuh deuh an sat a, hetiangte chuan kan ram hi a la chereu thuai ang. Phai vaiho hnena zuk hralh kher hi a tulna a awm lo. Party hruaitute hian mipuite hi min ei kawnkaw vek mah se pawi an ti lo a nih hi. Zoram chhungah hian sumdawnna atan hmang se a tawk chiah a ni. Politician-ho hian an ngaihtuah chiang lo niin a lang a, mipuite hi tam vek mai ila pawi an tih hmel loh a nih hi. Kan Politician pamham ho tak hi chu a. - Aizawl South Tuboh Kan ram MP tur chuan English nal tak leh huai taka tawng thei a ngai, Parliament-ah MP angte an rak chak si a. - RUATA PHE Department-in TV-ah advertisement meuh chhuahin mipuite hnenah ramngaw - thing leh maute tihchereu pawizia min zirtir mek laiin E&F Department lam chuan kan ram mauruate chu a sah phalna leh lei phalna MoU sign-pui meuhvin a tichereu zawngin an lo phalrai lehlawi bawk sia. Chutih rualin truck trip za tam Vairam lamah an phur thla mek bawk a, Vala lu a hai ta map a nih hi. Hetianga kan sorkar department lian pahnih hmalak dan inhal leh inpersan em em han hmuh hian kan sorkar hrawn mekin development a kalpui dan hi plan awm lo, ‘TLACHAWP’ kalphung thar a nih ber awm hi maw! - Mizo Tlangval Mizo Idol leh Icon kan Mizorama an buatsaih ve thin chu a thain mi talent an phochhuahsak thin a, a tha thlawt a ni; mahse, zaithiam aw nghet leh aw sial, mipui pawhin an duh rawn judge-tena an han titla thin hi chu mipui an tingui zo leh thin. Vanlalauva an thlang zo lo hi chu thil mak a tling a ni e, mipui idol i ni tho tho e. Auva, judge-ten an sawi ang khan i hma hun a ropui, tang sauh sauh rawh khai! Nang anga aw pa leh aw sial hi kan la hmu lo a nia aw, kan idol i ni e. - Matei te chhungkua, Khatla MiZO tawng pawh thiam duh lo Chakmate tan hian kan va inphalrai thi tawh em, Mizo i harh tawh ang u. Burma-a kan unaute chiah em ni kan tai ngam le? Mahni veng chin chiaha huai hi a tawk tawh lo. Tin. Chakma i biakin Mizo tawngin be rawh, an hriat loh leh zir turin hrilh la a tawk. Sap pa pawh lo kal se ama tawngin a tawng mai, an tawng an dah hlu a, kan zir sup sup mai hi. Mahni ram chhunga cheng pawh kan thiamtir theih loh chuan kan mawng hlim kan ni. Harh teh, ZORAM mipuite u! - 8257899703 Zu khap burna dansorkarin hlih then a tum hi a tha ti leh ti lo kan awm a, chu chu inhnialna tawp thei lo a ni. Khap pumpuhlum ni na na na, sipai bangin an dawng reng a, doctor chawhhovin an la a, excise office-ah an hralh reng bawk. Heng hi lemchan vek a ni. Kum 17 ngawt zu in mite kan rap bet tawh a, zalena awm an duh ve tawh a ni. Zalen ve mawlh tawh se. Kum hnih khat chu inzir deuh a ngai ang, chumi hnuah zawng a dang zar tawh ang. Vanglainia H.C.Vanlalruata thuziakte hi in chhiar ve em? A va dik em ve le! Sunday School zir atan ka rawt e. - Matea Pu Chanchin thar Ilo vel - TV, radio etc. vel atanga puangte hian an aw tihnalh tumin an lam eng emaw thin a, a tul lo khawp mai. - 9862877597 Zuk leh hmuam i vei hi chu a tha thlawt alawm, zuk leh hmuam that lohzia i vei ang tluk zet hian ei ruk that lohzia hi han vei phei la chu a tha ngawt ang. Zuk leh hmuam that lohzia i sawi i sawi a, ei ruk that lohzia pawh hi sawi ve thin la maw le! Nge, in ei ru nasa lutuk a, i sawi ngam lo zawk? Mihring hian kan fihlim lohna thil hi chu kan sawi ngam lo thin reng a ni. Ei ruk chungchangah hian in chhungkua fihlim ula chu i sawi ve thin ngei ang. In fihlim loh vanga sawi ngai lo mai niin i lang. Chubakah zuk leh hmuam hian Pathian thinurna a tawngbaw lo reng reng bawk a, ei rukna thil hi chuan Pathian thinurna a la tawngbaw dawn a ni. Zuk leh hmuam hi ka fak a ni lo, Pathian thu-ah pawh a that lohzia kan hmu a, kei pawhin ka fak a ni bik lo, tha ka ti bik hauh lo. - This Generation Zu in, khaini, Sahdah hmuam, tualthat te,, rukru, uire, KS te, sual te leh lian Pathian mithmuhah chuan a awm chuang lo va, mihring hian sual te leh lian kan lo thliar hrang vel mai mai a ni, kan ngaihtuah chiang lo thin a ni. Chutih rual chuan Pathianin ngaihdam theih loh a nei lo kan ti leh lawi a, Bible kan chhiar chuan heti hian kan hmu a ni, Johana 8:24-ah, ‘Chuvangin, in hnenah in sual nei rengin in thi mawlh ang,’ tih kan hmu a, amah a ni tih kan rin loh chuan eng thil sual mah ti lo mah ila Lal Isua Pathiana kan pawm theih loh chuan sual renga thihna a ni si. - A.K.C

Zo fate Jerusalem, Aizawl khawpui chhim lam hmun laili tak maiah chuan private sikul tha tak mai, Boston Higher Secondary School a awm a, Kohhran sikul ang maiin ni tin devotion-te an hmang thei a, keini mi langsar lo pawh min entleu chuang lo va, an zirlaite pawh an fel em em a. Chutih laiin Private English Medium sikul pakhat, HS section-a ka sawi tum chuan (Principal leh staff-te an fel viau na a) sawi lai leh tawng laia lo phun mawlh mawlh tawk an awm a, English kan ngaihsan lutukna lamah hian nunkawng dik lam hi hlamchhiah lutuk a hlauhawm khawp mai. - CL SMS of the DAY Zu khap leh hlih chungchangah neuh neuh a tam ta hle mai maw, zahthlak lamah a ngaih theih mai dawn. Sorkarin a hlip dawn chian hmel si a, chutih laiin Synod-in hlip lo se an ti bawk si a, hetiang tehnuaia awm reng ai chuan heti hian ti ila a tha mai lo maw? Sorkarin hlip se, Synod-in khap mai rawh se. Tichuan kan lungrual ber ang. - Suaka, Azl.