Sawhkhawk of the day Kan Chief Minister khan politician, mahni inhaivura mahni chhungte duhsak loh tur tia a sawi kha a va tha ve aw... MLA, Minister han nih tak avanga mahni chhungte duhsak ta vak vak mai an va tam tawh ve aw! Kan thenawmah dinhmun leh khawsak harsa zawk tam tak an awm reng laia mahni leh vua leh vangte hleihluak taka duhsak thinte hi mi sual ka ti ve tlat! Mahni kan inhmangaih anga thenawmte hmangaih hi zir thiam a hun ta e. Sorkar hnathawkah pawh dinhmun tha han luah dek deka mahni fate leh unaute fa mahni department-a thun chiam zel pawh hi sual a tling a nia... Kan awmna vengah pawh ka hre nual mai, an hming nena sawi chhuah mai pawh ka duh hial tawh mai. Zakthei lo, mahni nawmna tur chauh zawngho hi chu inkhawm taima viau mah se van hi an kai ka ring lo tlat! Zah nachang hriain sim tawh rawh se! - Aizawl tlangval senior Dt. 17.5.2015 chhuakah khan gas man lut mumal lo chungchang kha ka lo chhiar a, ka hriat ve thung chu maw... gas an lak hma hauhvin an account-ah vawi hnih pawisa a lut tawh nia!! A mak thei ngei mai, a la buai chho dawn khawp mai! - Mangaiha, Ramhlun ‘S’ 18 yr girl, Lungsum, i mi khawingaihna avangin ka lawm e. I?kum naupan aiin i thil thlir dan a puitling hle mai. Nia, harsatna karah pawh chhel takin ka lo tang fan fan zel e; mahse, theih chu ni se sikul tan hunbi hmasa kha chu hmang leh thei hram ila ka duhthusam a ni e, kan dinhmun atang chuan. Kan harsatna tawh zawng zawng hi sawi sen a ni lo, hetah hi chuan. Sorkar hian chhungkaw tinah hian uluk lehzualin zir chiang leh hram teh se. - HLUTEA NU, Mission Vengthlang Ngaihdamna tel lo hmangaihna a awm thei lo ang bawkin, hmangaihna tel lo ngaihdamna a awm thei lo. - Vli lungsum CM hlui pawh hian Home Minister ni lo, helho hi dem zawk awm tak a nia, heiho hi an fuihpawrh thin zawk nge ni aw...? - 9862372482 chanchinbu mite fimkhur teh u, mi hian hmanrua leh hmathehah an hmang fo palh ang che u. Tun hnaia phalna nei lo International Trade NE Expo, Lammual sira neih pawh Editor a nih kha vaipa khan a hawntir vel ni. Kan thil hawnsak tur leh puanzar turte hian dan dikin an ti em, phalna an nei em tih chik hmasak fo a ngai ta a nih hi. Chutilo zawng, mi nuihzatbur kan nih hlauh dah ang e. - LTL, Msv Ram rorelnaa Kohhran leh pawl a inrawlhin ram a kal dik thei ngai lo. Kaisara thilte chu Kaisara hnenah an tih ang khan ram chu roreltu Pathianin a ruat a, Kohhran pawh chutiang bawkin. Hmanlai Europe ram kalphung kha, Kohhranin mi a khaihlumin a hal hlum thin a nih kha. Ram rorelnaa Kohhran a inrawlhin ram a kal dik thei ngai lo. Tin, kan Zoram Kohhranpawh hian zu hi a do takzet a nih chuan wine, entir nan Sacrament-ah hian sem tel tawh lo se, a chhang ringawt hi sem tawh zawk se.A entirna pawh zu entirna a nih chuan huat awm tak a ni si a. YMA leh pawl anga sual kan do a nih pawhin kan tih tur chin leh kan tih loh tur chinte hi kan thliar thiam a tul takzet. Hel pawl emaw, pressure ni awm ziazawnga sorkar thutlukna siam lo dodal fo mai pawh hi kan tih tur a ni lo. Ram hnuk khawih thil pawh ni lem lova kan inrawlh thlazen mai hi chu intheh lar kan tum hrim hrim emaw ni aw tih theih tak a ni. - 8575155647 Ringtu nih hi a harsa lo va; mahse, ‘Ringtu dik tak’ nih hi a lova harsa em! - Sangboihi Mi chinchang hria, khawhawi zau kan nih chuan inthlahrun nachang an hre em em hi a lo ni a. Thiam lo intihna te, zah nachangte miin an hre thin. Mi tute mai pawh hi a en dan a hniamin a sang chuang lo va, rilru zau tak puin nun nuamin leh hahdam takin, a nun leh a hun a hmang tawh zawk a lo ni a, chutiang nun chu a lo awhawm ber a lo ni. Krista hmangaihtuten chutiang nun awhawm chu an nei tih hi khawvel hian a hai lo. - Hruaitea Hmanni thlipui tleh atang khan power line chhiat avangin New Capital Complex-a LPS Cable pawtte chuan LPS?channel an la en thei lo. Fee khawn hunah LPS hian he harsatna hre thiam hian khawn se a tha ang. - Pecos Bill Rihsang mual liam hnu chunnu lungdam tein biahthu min hlan thin a, hraite hringnun lamtluang hi luipui luang angin a liam leh mai thin a ni. Chu lui dai kaina zawnga raltiang ral i thlir laiin hraite Lal Isua ka nei si a, chu luipui chu min hruai kai ang. Saisen laiin chunnu hmangaihna ka lo hre thiam lo va, tunah chuan lo seilianin ka lo hre thiam ve ta. Chauh chang ni lo thleng thin mah se hruai kaitu Isua ka nei a, lairilah a lo thar leh thin, chunnu hmangaih biahthu zawngte kha. - 18yrs girl Lungsum Ram leh hnam humhalh kawngah hi chuan Central YMA hian kum puanah nei fo mah se a takin an ti peih tak tak lo. Chakma chhiarpui te, dan lova sumdawng te, ram leilung fa thlavang hauh thu-ah te ke an pen thei lo a nih hi. Young Mizo Association ni lovin You, My and Another a ni hawt e! Hruaitute lah Mizo tho an ni si. MZP?tang fan fan, in hnungah Mizo thalai kan ding e, NGO-te pawh an lo kal ve mai thei, hruaitu thlan dawnah. - 8732852845 Mizo hmeichhiate hi hnamah kan chiang ta lo em ni aw a tih theih, hnam dang pasal nei kan tam tawh danah hian. Mipa zingah hi chuan a nei sawi tur an tlem khawp mai. Tin, hnam dang hmeichhiate hian Mizo mipate hi an duh ve vak lo, neih pawh tum ila min duh a rinawm loh. Kan Mizo hmeichhiate hi eng kan ti zo ta nge, Mizo mipa neih tlak kan awm lo em ni? I inngaihtuah chiang teh ang u. - 9856606371 Champhai atangin Aizawlah dawr bungrua ka la thin. Ka dawr thin nu pakhat chu a felin a tawng duh a, min ngaihvenin a dawra bungraw han dah hnawk pawh a ngaithei hle; mahse, keini a customer-ten kan dawr khawm atanga a sumdawn hlawkna chu a pasal laka inlulin nan lo hmangin, ngaihzawng neih leh uire sim hleithei lo an tih ka lo hre thawi ta a. Ka dawr duh tawh teuh lo mai, hetiang mi hi ka mo tawh a, ka ten hluah hluah ringawt mai a ni. - Rochami, Champhai Vawiin hi Thlarau Thianghlim Thlen Ni a ni a, mi tinin kan thinlungah a thara Thlarau Thianghlim a lo thlen theih nan i dil ang u. Tunlai kan Zoramin harhna a dawn mek pawh hi rinna leh ram rorelna, Kohhran rorelna thlenga a tha zawnga nghawng a neih theih nan i dil bawk ang u. - MkSiama