Zalen chanchinbu Rs 50-a tihsan intum hi thil man sang zel ngaihtuah chuan a awmna chen awm mah se chanchinbu dangte kar khat chhung chhuah zat pawh thla khatah intichhuak lo a ni a. Chanchinbu dangte thla khata chhuah zat leh a man ngaihtuah chuan Zalen chanchinbu hi a man a to fal dawn khawp mai. Thla khatah Sunday vawi 4 leh vawi 5 a awm zeuh va, chanchinbu dang ni nga lak man leh Zalen ni nga lak mante hisap chuan a to fal khawp mai a. Zalen phek ang zat tho ni 26 chhung Rs 150 ten a thenin an la tichhuak thei tho bawk si. - 9863360848 Sunday hmasa ni 18-a Sawhkhawka chhuak tui harsatna thawntu, Thaduha inti kha engmah hrechiang lovin ziak ve ngawt suh. Khawl chhiat hunte kha April 19 zan a nih kha, tui pump-tu zu rui i hmu bik em ni? Khawl kha tui awm lovin minute 6 chiah a in-pump hman a nih kha. Khawl chhiat avanga thawktu eng emaw zat ban an awm i hre ve lo em ni? Engmah hre chiang lovin thuchhuah ching tawh lo vang che. I number hria ila chuan chiang zawkin ka lo hrilhfiah ang che. Tha i duh luatah mi pawi i sawi palh ang e. - Thudiktana Heti tak maia khawtlang leh Kohhran pawhin a duh loh zu hi kan Zoramah hian zalen lul lo se ka van ti em! MLTP Dan hman lai mek hlih a nih loh nan Synod bultumin ram pum huapin kan tawngtai rual tawh a, kan tawngtaina chu engkimtithei, lei leh vana thuneitu PATHIAN-in a hria a, a mite au thawm leh rum ri hi a thlawh lul lo vang, tun maia hlawhtlinna kan hmu nghal lo a nih pawhin. Kan duhnate bang lovin, lawm thu hril chung zelin Engkimtitheia hmaah kan thlen zel ang a, sual rallian hi kan ngam ngei ang, hnehna chu LALPA ta a ni si a. - 8415052704 Pathian remruatnaah kan lungawi thei tawh lo a nih hi. Kan ram hruaitu tur tha tak kan dil a, result a chhuah meuh chuan kan lungawi leh si lo va, chu chu Kristian nun a ni em? - Chhana RRR-an Nagaland CM thin, ka thianpa a tih, MP-a in-candidate-a NDA-a a tel avanga zungbun ve ang ka ni a ti ve ringawt hi a nuihzatthlak, Pu Rio-a bak hian hria an awm lo vang. Tin, pawl pariat tangrualin bial zawng zawng Chakma tamna lai bial pahnih tih loh hi chu la vek tur an nih laia an chak zo lo hi UDF tan a mualpho thlak hle. Tin, Pu Zorama inhnemna ber, service vote pawh hi inhnemna tlak a ni lo tih a hre ve tawh ang chu. - ZTKA Phantom-a boruak vangin tun MP inthlan chu opposition tan chance a that phah ka rin tehreng nen, eng a ni ta chuang lo a nih hi. Party mala ding, tling zo ta lo aiin tangruala tlin zawh loh hi a leta zahthlak a ni. Aizawl West III-a MNF worker pakhat phei chu 'a ni em em lo' ti niawm takin a zanah khan zu a in nghek a, mi dawrah thutung ut chungin a chatthla zui! Mahse, a awm ka ti, mi chak loh la na ve te! - ZIGGY Lelte Weekly thar ber ka chhiar a, tu FUNS CLUB emaw ni te an lo din a nih hi, nuihza siamin an nui hluah hluah thin dawn a ni chek ang a!! - Pecos Bill Tuikuk camp-a Tuikukho hi central politics thlir phak khawpin an fing tawh. Central-ah Congress an tlak ringin BJP an sorkar an ring a, YDF Candidate Robert Romawia an vote chiam niin a rinawm. An duh leh beisei angin central BJP sorkar duhsakna pawh keini Mizote ai chuan an dawn zawk ngei a rinawm. - Omoma pu New Secretariat Complex-ah hian tun tin morning excercise tiin ka kal thin a. A thing leh maute an lian tawhin nungcha an tam tawh hle a, sava chi hrang hrang lo hram chiah chiah hriat phei chuan a nuam lehzual hle a ni. Khawpui vawng dai turin sorkarin thing tiak tam tak sum tam tak sengin a phun a, tunah an puitling tan chiah a, Thingsia, Khiang etc. lian pui pui an kit tlu riah ruah mai. Ramngawah a chang tan dawn chiah a, hetia suasam hi a tha lo hle a ni. Ti tawh lul lo bang u khai!! - Thangliana Tukin chu Chawlhni tuk a ni na a, kan tawng dik lo tihdikna lam aw! Vantlang mike-ah Pu Thanga a thi a, zaninah tlaivarpui tur tih an rawn puang a, tawng duhtui leh tawng dik duh tan chuan helh tham lawih a ni. Mizo dik tak chuan thukhuh takin a boral a (a peih ta lo, a tlin ta lo, adt) an ti zawk thin. Tin, mitthi tawhte hi tlaivarpui chi an ni tawh hlei nem! Damlo, na rei tawh takte hi kan tlaivarpui zawk thin; mitthite hi chu lumen zawk tur a ni. Lumen leh tlaivarpui tih hi a awmzia a dang a ni aw! Puitling thankin zet tawhin, keima ta, nangma ta tihte hi a mawi lo. Tawngtainaah te nangma venna, nangma khawngaihna tih loh a tha, hengte hi chu naupang tawng zirtir tih tawk a ni. Puitling chuan ka ta, i ta, i venna, i khawngaihna tih tur. Pathian hnena lawmthu kan sawiin kan lawm khawp mai tih loh tur, kan Pathian meuh hi chu zah takin, kan lawm em em, kan lawm takzet tih zawk tur. - 9856835945

Officer rual, Upa leh rawngbawltu intite u, sorkar kum tawpah hre reng chunga in insiamchawp 'EI RUK RUNPUI' ruai in theh mup mup mai chu a nia maw!! Pathian mitmei in veng buai peih lo a nih pawhin in mihringpuite leh khaw eng tal hi ZAH nachang hre rawh u. Sunday a lo thleng a, AWIH THA ber emaw kha in inti lehnghal ang a, ZU in mite ni lovin nangni hi a ni Pathian mithmuha kan ram tibawlhhlawhtu chu!! - 9862588520 SAWHKHAWK of the day Tun tum MIZORAM MP tur kan thlang chu khawpui mi (pawisaa lei theih loh, thlem ngam loh, awm thei pangngai, middle class) awm tamna khuaah chuan CONGRESS chu an lo duh lo chai chai hle mai maw!! MLA inthlanah lal SORKAR HNATHAWK (Election duty) vote tlaah lah CONGRESS an duh lohzia nasa takin a lang a. Heti chung pwaha CONGRESS la vote tlatho tan chuan, 'Khawnge tun term chu kan pute ka'n eiruktir leh ang e,' tihna a ni ringawt. Tawng huatthu suhah, a vote-tute (berh ve tete) bak khan in tuar dawn chuang lo, middle calss-te tan zawng eng pawh lal se an hmeh a ngai, hausakna pawh a ngai. - Thaduha, Aizawl