SAWHKHAWK of the day Kohhran, YMA leh NGO?hrang hrangte hian sual hi kan huaa kan do dawn a nih chuan sual rah chhuah atanga do lovin leh do ngam bik nei lo hian a sual bulpui - ei rukna, duhamna, hlemhletna, mit châkna, nawmsipbawlna, awhna sual chi hrang hrangte hi a ler atangin leh a rah chhuah atanga kan do chuan kan tifuh dawn lo. Mi, a thawh chhuah leh a thil neih inmil lo lutuk kan hmuha kan hriat reng pawh kan hnualsuat ngam lo va, chu mai chu sawi loh, mi mal, pawl leh Kohhran angin kan biak that rawn a, a thawhlawm thawh thlahlelin Kohhran leh pawlah nihna kan pe mathlawn lo. Kan fate, naupang chhiaa kan ngaihten an lo hmu thiam vek tawh si a, Kohhran leh khawtlangah nun entawn tur an hmu si lo. Mi rethei thil tisual kan man ngam a, mi hausa thil sual ti erawh kan palzam thung si. Tin, Kohhran leh pawl hrang hrang ram rorelnaah kan inrawlh thukin kan kuang lo kan nawr nasa. - 8575155647 Zalen hi kum nga chuang ka la ve tawh a, chhiar theih mang loh, dum rang nuai hi ka dawng leh zauh thin. Khawngaihin han fimkhur deuh teh u, chhiar a nuam si. - 9862387420 Pu chhuanliana, Zalen chanchinbua i thu rawn ziah tawh zawng zawng hi a buin rawn chhuah teh. A tak ngeia i tawn a ni a, a ngaihnawm si a, ka ngaisang khawp mai che. - 9856836216 Zalen chanchinbu hi tan han teh u, chanchinbu dang pawh ni tin kan hmu a, a man kan chawi ve tho si a, thla khatah chawlhni vawi li chauh pawh khaw nawm loh vanga kan hmu lo hi chu a semtu thiam loh nge a chhututen in chhu hman lo tih hi a latute hian kan hre duh a ni. - 8730033322 Zalen chanchinbu Thukhawchang/Article phek 5-na, Lalthlamuana Ralte article tawp lam tlar 5 vel hi a ziak a reh then tlat zel. Engati nge maw ni chu le? - 8258861850 Hlutea nu, Mission Vengthlang kha ka khawngaih khawp mai che. I?thu rawn post-ah hian nu thatchhe tak chu i nih a rinawm loh hmel, fate tan nu tha tak i ni. Beidawng lova ti hram hram thinte chu engtik niah emaw chuan an ding chhuak ngei ngei a nia. Hlawhtling ngei turin duhsakna ka hlan a che. - 18 yrs girl Lungsum Doctor inentir dawna hming ziah ruala pawisa pek advance hi ka hrethiam thei thlawt lo. Zak teh se, thil kalphung a ni lo. - Suaka, Bvt Kelkang hlimna/harhna chhima kal an pung zel a, la kal leh turte tana hriat leh tih tur atana thaa ka hriat ve chu (an tih tawh sa pawh a ni mai thei): a kal apiangin mahni an intodelh bakah an cham chhung zawng an thlen in chhungkaw member, a tlem berah pakhat theuh chawm tel theuh se eg. thlen in member 5 ni se, mikhual 10 thleng ta se, mikhual tinin 1an kep chuan 10 an lo nih chuan thlengtu member 1-in 2 chanai a chang dawn tihna a ni. 5-in 5 an thlen chuan 1 theuh an kep ang. Chutichung pawhin an thlen inte thingtuah/gas, tui, inthiarna, hun leh hmunah an hautakin an hahin an rim hle tih hriatpuyi a tha a, Pathian lam thil pawh ni se, phurrit lo thei ang ber leh chhawk zangkhai thei ang bera kal theuh a tha hlein ka hria. - Puipuii pi Zu permit Nei an pung tual tual, mi tam zawkin zu phalna neia zawrh hi kan lei duh dawn niin a hriat. Zu khap bur lai aiin zu rui hmuh tur an tlem tawh zawk niin a lang. A zawrhna dawr hmun thum vel lek Aizawla awm hi a tlem deuh. A dawrtuten rei tak tak - darkar hnih laite pawh an nghah a ngai thin. Mi mal zuar duhte hnenah phalna pek ni se, a lei duhte tan a awlsam phah ang. Tin, zu chi hrang leh quality hrang tam deuh bawk se. Hmasawn i tum ang u. - 8794316079 Mizo Kristian inti ve si, Biak In chhunga inchei dan hi fimkhur teh ang u. Pathian hmaah chuan a va mawi lo tehlul em! Biak In chhung hi fashion-na hmun emaw in ti a, Pathian be tura kan kal a nih chuan khawngaih takin kan incheina i fimkhur ang u. - Melody Miin, ‘Pathian ka hmangaih,’ tiin a unau haw si sela amah chu dawthei a ni (Bible). Pathian thu tak a ni, a chiang khawp mai. Tichuan, he Zoram, Kristian ramah hian dawthei kan lo tam em em mai hi a lo ni a. Hmuh theih reng unau pawh hmangaih theih lo khan engtin nge Pathian chu i lo hmangaih theih tehlul ang ni? Dawthei mi tan Pathian a hmangaih theih bawk si lo va, lemchang nun hi i ning zozai tawh lo vem ni? Lal Isua hniakhnung kan zuina kawngah hian lemchang nun a awm theih loh a ni. Hruaitea Electric hi mipui lam hi chuan kan ren maw le, a thawktu lamte hian streetlight-te hi Aizawl veng tam takah zing dar 7 pel pelin an off phal lo va, department inzirtir dan a ni chek ang chu maw?! - CLM Zonuam Zonuam Veng chhung kawngpui, hman lawka tha em ema an rawn siam that, kan duat em em mai chu SIPMIU-hovin pipe phum nan an rawn lai chhe leh ta buan buan mai, lung a tichhe thlawt! A hmaa mi tlukin sorkarin rawn siam leh ngei sela tih hi mipui duh dan a ni tih huapzo kan sorkar hian lo khiau teh se. chu chu thu dik awm sa a ni si a. - 9612513258 Mizoten hnam dang zinga rawng kan bawl dan hi kan Kohhran hruaitute hian ennawn se ka duh ngawt mai. Kan hnam tih dan khera Pathian biaktir kan tum hi Pathian hnena kan hruaina kawng min daltu niin ka hria. Keini aia hnam upa fe zawk an ni a, an hnam kalphung nena inmil tura Pathian biak kan zirtira kan hrilh hian a hlawk zawk ka ring tlat. A tir atanga khuang nena kan chumchilh nghal ngawt chuan anni chuan awlsam taka pawm mai harsa an tih ka ring. Ngaihtuahna sen tharna chi tak niin ka hria. - MkSiama Tun hnaia kan MLA leh an thuihhruaite lo lambuna kan sipai duh laite min kahhlumsaktu zinga a mawhphurtu langsar tak chu kahhlum a ni ve ta maw? Mi nunna laksak avanga lawm chu tihâwm tak ni lo mah se, ‘a phu tawk a hmu’ tiin a sawi theih ang. Kan police uisathiamte lo duai lohzia pawh he operation atang hian chiang takin a lang a, an fakawm takzet a ni. Ram leh hnam taka nunna chân an thiante phuba hi lak belh zel turin Pathianin thiamna, finna leh remhriatnain thuam zel rawh se! Mi dangte pawh kha umzui ula, huaisen leh zam lovin bei zel ang che u, in hnungah Mizo kan awm zel ang. - Thangchhuah pa