SAWHKHAWK of the day Kan Lokayukta Bill chu mi hrem thei tur a nih loh chuan pass loh a va tha ve! Ei ru tih proof-ho pawh suspend ringawt, awmzia awm lova tawpah an suspend chhung zawnga an hlawh a hlawmin an la leh tlangpui a, inhremna a ni lo. Dik lo chu bantir hmak hmak ngam kan mamawh tawh. Engati nge MZP-ho hian mi hrem thei lo bill pass an duh tlat? Ngaihtuahna a va tithui ve! - Aizawl pa June 29, 2014 Zalen Sawhkhawka Taliban Rules-in MIZO UPAHOVIN ZU an hlauhzia, Bible-ah zu an check ngai loh thu te, zu vanga buai kan neih tlem thu, Arthington-a pa zu siam nasat avanga Kristian kan nih tak thu, zu hi Pathian siam a nih thu etc a rawn ziahte kha, Mizorama zu vanga Nupa, chhungkua leh mi malin kan tawrhna zozai hi kan nihna turah a ngai a nih chuan ZU KHAP hi a tul lo a ti reng ang chu! - CLM Khatia Champhai pain a han ziah takah chuan buhfaitham thu kha ka lo chik ve mai mai a, a va sawi dik tehreng em! Kan vengah pawh a nei nung nung apiangin lak loh an hlau va, zah chu sawi loh, khua an hmu lo takzet a lo ni! Pachhiate tana pek ai chuan an buhfai thawh let sawm vel an lei ziahin ka hmu a, a lo va rapthlak em! Champhai pa nge nge, i rilru a dik e, a dang pawh sawi leh rawh. - 8575930730 Kan state Revenue Department-a thawktu thenkhat SUM leh ZU duh luat avanga in hmun lo ram chungchanga mi tam takte buaina leh harsatna, rilru hahna tawh hi a man a tam lutuk a, hetianga buaina nei mi tam takte hi harh a hun ta e. A tisualtuin a phu tawk hremna a hmuh ngei theih nan leh buai chinfel nan, a ching fel theitu hnen a thlen a hun ta takzet mai. Saavdhan Mizoram, Mizoram Fights Back! - Puipuii pi Zu chungchangah Synod chuan thuchhuah an siam leh a, a lawmawmin an thahnemngaihna pawh a zahawm hle mai; mahse, he khawvel kan khualzinna ramah hian kan Pathian thu chuan sualnate tihpun a ni ang a ti a. Chuvangin, sualna lo pung zel, ZU, DRUGS etc. hi do vak vak lovin heng sual chi hrang hrang laka FIHLIM tur hian inzirtir tam ta zawk ila a tha zawkin a lang. Kan Pathian hian duh sela chuan heng zu, drugs te hi khawvel atang hian a tibo vek thei si a. - 9402521999 Krismas leh Kum thar vuakveta halpuah leh halmawi leh a dangte an khap hi a tha ka ti; amaherawhchu, Diwali, puja vela hal an phal bik hi a mak ka ti deuh. Boruak a tibawlhhlawh lo bik em ni le, Krismasa kan hal thinho ai hian? - 9402111184 Sihhmui lei chimah chuan a changtu Minister chuan PWD mawh a ni lo a ti maw? A va mak ve! A thlangtlingtute lama tang lovin department inthlahdah tak a tan leh zawk a ni pek maw? Hetiang leilawn pawimawhte hi chu PWD hian a vengtu chowkidar dahin a riahchilh thin tur a ni. BRTF-ho pawhin an dah thin; tin, JE leh SDO te hian thla tin an endik tur a ni bawk. Hetiang leiah hian lehlam lehlamah 20 tonnes aia rit zawh phal loh tih fiah takin tar tur a ni bawk. Department hian lei enkawl dan bu maintenance manual an zawm lo vek, a kilhna vawi khat an ruk an hriat hnuah tak khan ngati nge an effort an pek loh? Mawhphurtu zawn nen engvangin nge enquiry din a nih loh? Mipui hmuhsitna leh diriamna a ni, department hi an thiam lo hulhual a ni. - E.R.Liana Pathian zarah damtea kan awm chuan kum thar kan thleng leh ta tep mai. Ram changkang apiangah kum thar lawm nana halmawi hal hi a nasain hmuhnawm tham a tling. TV-ah kan hmu leh ngei ang. Halna hmun bik an ruatah an hal mai a ni. Kan sorkar pawh hian khap mawl ringawt lo hian Tlangnuam tlangah te, Laipuitlangah te emaw, halna hmun tur buatsaihin, a duh apiangin hal mai ila. Hal hun chhung hi zan dar 12 minute 15-a a la rik loh atanga dar 12 minute 15-a a pel thleng ni sela. Kha leh chen kan lo hal tawh a, hal loh chuan a khawharthlak em mai! - Matea pu A fate kha ka dem hran lo, Pu Zira hian a zir lo ve bawk a ni. - Suaka, Bvt 'I naupanna tumah ngainep suh se' tih a nih kha maw, ka'n sawi ve mai mai. PATHIAN MI DIK TAKA inti kha lirnghing leh chhiatrupna chungchang i sawi dan kha chuan thil i hre sual tlatin ka hria. Mihring chu inzir reng tur kan ni a, harsatna lo thleng hmachhawn dan pawh kan zir tur a ni. Pathian pawhin a phal ngei mai, 'mi â chuan a tawn mai a, a tuar phah thin' tih lampangte pawh a awm kha maw le! Harsatna a lo thlen hunah, tha, felfai leh nunna tam zawk kan chan loh nan Pathian cho lampang a ang lovin ka hre ve mai mai. TEEN BOY@ Sual avanga lungngai leh harsatna hrang hrang avanga rum mek te, chhungte pawhina an tuithlar tawhte panna tur hre lote pawh an awm mai thei e. Chungte hnen thleng phak hmangaihna kan neih hi a tul a, kan chunga thate chungah chauh that kan chhuah hi a kawng hmang lo va, kan Lal Isuan heng mi te ber chunga in ti hi, ka chunga ti in ni a ti a. Rilru na leh lungngaia awm mekte ensan ngai lo Lal Isua hi thian tha berah i neih chuan i hlim ang a, rilru hahna tur i nei dawn lo a ni. - 8415052704 Mihring hian inngaihsak kan lo va han mamawh tak em! Kan inngaihsak loh viau chuan chhungkuaah te, nu leh paah te, then leh rualah te, inngaihzawnna thilah te, rawngbawlhonaah te, hna han thawh tlannaah te, team work-ah te, sawi tur chu a tam awm e. Heng zawng zawngah pawh hian mihring hi kan inngaihsak loh lutuk chuan kan inzawmna hi a nghet tak tak thei lo va, rilru pawh a inang tak tak thei lo bawk. Kan inpumkhatna pawh a nep duh hle a ni. Chuvang chuan inngaihsak deuh hi a a tha khawp ang. - The Slam Khawvel ropuina leh mawina te a la chuai ang a, reilo te chhung nawmna nge kan thlakhlelha kumkhaw nawmna tur zawk le? Kawng dik lo lam kan zawh palh hlauh a nih chuan thlarau sual leh ramhuai awmkhawmna hmun, a hming pawh hremhmun an tih hmun chu i chang dawn tihna a ni mai. Felna kawng dik zawk kan zawh a nih erawh chuan riltam, tui hal, nat leh hrehawm awm tawh lohna hmun, Lal Isua hmun buatsaih chu ringtuten kan chang thung dawn a ni. Tupawh sawmna ngaithla duh lo chu an sawm nawn fo dawn em ni? - 9402520257 Lalpa chu mi vengtu a ni a, ka tlachham lo vang. Ani chuan hlobet hringdup hmunahte mi bawhtir thin a; chawlhna tui kamahte mi hruai thin. Ka nunna hi mi siam that thin a, Ama hming avangin felna kawngahte mi hruai thin. Lalpa ringtute tan hian manganna tur a awm lo va, Zu chhiah tih vel mai mai buaipuia lo kur tehchiam a tul lem lo. Tin, kan nun a tibuai ve ngai bawk hek lo vang. Sual a ni a, a tha lo a ni tih kan hriatna, thahnemngaih vanga zu chungchang hi sawi ve ka ni. Krista tana mi huaisen, amahah Krista hmel lang em emina hla a phuah, 'I din thar leh ang u' tih hian kan nun min kaihruai mawlh rawh se. - 9402520257