SAWHKHAWK of the day Tun tum budget session zet chu Best Parliamentarian Award hial lo dawng tawh, Pu Lalduhoma hmel kan hmu ve ta lo va, a khawharthlak hle mai. Pangngang pawh lam thiam mang lote rorelna hnuaiah kan kun ta a nih ber hi maw! Kan ram tan thil ropui tak an tih hi chu i beisei lo law law phawt mai ila, opposition-ho lahin mawnghlim hlau ang maiin thu hriam hrek hrawkin an sawi ngam der bawk si lo, naupang inkhualtelem an ang ngawtin ka hria, a manganthlak teh zawng a nih hi! A tlang tlingtute khan in thlan tlinte zeizia hi lo thlir ve teh u! Burma vawkte leh K Deposit te a nih hi an fak leh chiam tawh. - Jonathana Pu Health Minister-in Civil Hospital ram Dawrpui khawtlang hnena pek then a tum hi 'tumah sawisel tawh lo se' a ti mai hi a tihawm tawk lek a nih rualin Mizo mipui min ngaihnepzia a va tilang chiang ve le! Civil Hospital ram leh kan sorkar pawh hi kan ta a ni asin. Dawrpuiho pawhin mi mal ram lei mai se tha tur a nia, an duh tak tk phawt chuan lei tur an hmuin an lei thei dawn chiang lutuk. Neutral dik tak ka ni a, party party sawi lovin, mi tha leh rorel tlak nia ka hriat apiang vote thin ka ni. PC chiah ka la vote lo. Road tax kum 15 atana lak lawk chung pawha kawngpui tin chhe over leh gas harsa kumhlun vang chauh pawh hian lal reng an phuna ka hre lo. - Puipuii pi Thil mak ka tih chu Rangvamual bul, mi mal ram laihin National Highway kawng a tihbuai chungchanga chanchinbuhovin a changtu Minister an kawm khan a titu hrem dan an zawh khan Aizawl DC ti khan a chhang kha a ni a. PWD hotute hian National Highway Act 1962 hi an chhiar ngai lo nge an hre lo, mi malin highway kawng a tih-block emaw, a tihchhiat emaw chuan man emaw, chawitir dan emaw a awm a ni. EE hian magisterial power a nei a ni. Kan ram hi aw... ka va khawngaih tak, roreltute leh engineer mawl lutukte a hrawn hi zah nachang hre teh u. Highway hi darkar khat mi mal thil avangin khar phal a ni lo. Chapter 9-ah a ziah vek kha. - E.R.Liana Mihring/mi mal hian kawng tam takah zalenna nei mah ila Mizo tawng hmang dik lova ziak dik lo turin zalenna kan nei kher em ni? Mizo tawng tidal a, tikhawlo zawng chuan i zalen lo ngam zawk ang u hmiang! Hnam dangin min humhalhpui hmel si lo va. - 9774354495 Congress sorkar chuan online shopping, internet kaltlanga bazarnaah tax a la leh dawn a ni maw, a va rapthlak em! Keini mi rethei zawkten man tlawm zawkin mi hausa faten Aizawla an lei ang kha online shopping kaltlangin kan lei ve a, kan lawm tehlul nen, hetianga mipui tana phurrit a han siam leh tur hi chu a na hle mai. In ngaihtuah chiang leh hram rawh se. Zoram dawrkaite hian hetiang em em hian an thil zawrh man hi tisang lo se chuan tumah hian online market atang thil kan lei hauh lo vang. Mipuite chunga lal hrawt lutuk leh tax lak dan ringawt an ngaihtuah hi chu anmhani vote tlingtu tan chuan a na a ni. - Jonathan, Aizawl West Tlem lai deuh khan office ka dawrna pakhata an clerk nu pakhat chuan a hna eng emaw thilah Aizawl sawi fo kha a ngai a, EIZAWL a ti chhen mai a, ka insum zo ta lo va, a lam dan dik lo chu ka hrilh a, 'changkan tawh vang a nih hi' min tihsan lehnghal! Mahni khawpui lam dik lo duh khawpa intichangkang leh A lam tura E a ti thinte hi engtia tih tur nge ni ang? An pung tak ang tual tual a! Inzirtir thar a va han ngai nasa tehlul em! MBSE hian hemi A aia E hman venna tur bik sikula zir tur hmanhmawh taka a siam a ngai ta hle mai, Aizawl pawh Eizawl ti zuk tam tawh ia..!! - Kutdenga Pu Lal Thanhawla'n, 'Mizote hi compensation hnam kan ni' a ti hi a sawi awm tak a sawi leh ta a ni. Mizoram hian Chief Minister panga kan nei tawh a, panga zinga pakhat, amah Pu Hawla chauh hi mahni hminga compensation la a ni. Amah chauh hi compensation atanga commission ei ve awmchhun a ni bawk. Chuvangin, Mizote hi compensation hnam kan ni,' tia a sawi leh ta mai mai a nih hi maw! A sawi awm tak a sawi leh ta a ni e. - M.C.Lalrinthanga Kan ram hruaitute leh AMC lama kan hruaitute hian pawisa harsat thu leh renchem a ngaih thu an sawi fo va, pawisa renchem a ngaih thu an sawi fo laia mipuiin tula kan hriat lem loh motor changkang tak an han lei tlat si te, veng cheimawi tana lawmman nuai chuang an phal leh site hian an duhnaa pawisa awmtira an duhnaa vantir mai mai an ang, an thu leh ui beng hlin tur a awm lo a ni e. - Scholes Ls.Khawlhring Diakkawn traffic-ho khu zan tlai tawh tak thleng motor lian min lo tiding ve ziah mai, pawisa duh lutuk, zahpuiawm lutuk! Vairengte leh Diakkawn thlang lawkah MVI an awm tho sia... - 9856550114 Tun tum budget session zet chu Best Parliamentarian Award hial lo dawng tawh, Pu Lalduhoma hmel kan hmu ve ta lo va, a khawharthlak hle mai. Pangngang pawh lam thiam mang lote rorelna hnuaiah kan kun ta a nih ber hi maw! Kan ram tan thil ropui tak an tih hi chu i beisei lo law law phawt mai ila, opposition-ho lahin mawnghlim hlau ang maiin thu hriam hrek hrawkin an sawi ngam der bawk si lo, naupang inkhualtelem an ang ngawtin ka hria, a manganthlak teh zawng a nih hi! A tlang tlingtute khan in thlan tlinte zeizia hi lo thlir ve teh u! Burma vawkte leh K Deposit te a nih hi an fak leh chiam tawh. - Jonathana Pu Ngati nge Pu Hawla'n 'compensation hnam kan ni' a tih hi kan huat viau? In enlet nan i hmang ang u. Compensation lem vangin Tuirial HEP hna kal lai tihtawp a lo ni tawh a, compensation vang bawkin Lawntlai Multi Nodal Project nasa takin a buai a, compensation vang bawkin Sairang thleng rel lo thleng tur lah a hunah a lo thleng thei dawn lo, a dang pawh a tam. Compensation hnam chauh kan ni lo, compensation lem hnam thlengin kan ni, zah nachang i hria ang u. - Lalchhuana Renthlei Kan 'CM zahawm tak' hi chuan tawngkam leh a hote administrate dan bak a thiam lo va, ram ropui thleng tura Mizo mipui hruai thleng tur chuan beisei a bo deuh. Kan thlarau nun chawm lian tur phei chuan bo ve haih haih tak a ni. A kalna apianga zui zeltu a nupui hian an pa bula thut bak hna dang a thawk peih lo emaw ni!! A pasal a zui ve zel avang hian thla khatah pawisa engzat nge a hlawh ve thin ang le? - 8731002757