SAWHKHAWK of the day Tuna kan Chief Minister leh Minister ho hi an thawk tha khat viauin a hriat a, sawiselna tur liantham a vang viau. Mahse, hei hi a tawk lo, Bureacrat leh official, an department-a mite hi an la dawngdah deuh. Hengho siam that hi political executive-te hian hnaah neih sela, a tul anga hremna lek hreh lo sela; tichuan, hma kan sawn thei ang. - 8794316079

Hnim hnim dawl lo by Dr. Hrekima, a dikin a va han tha em! In the real personality, there is no trace of arrogant, thanks - 9862561309 Buhfaitham chungchang kha ka sawi ve duh tlat. Hman tuk khan kan venga buhfaitham la haw ka lo hmu fuh ve teh tlat a, nu pakhat, anmahni dawra buhfai zuar pawhin zuk la tlat a mawle! A lo mak thin khawp a lo nih hi maw!! Theih ang tawkah thahnem ka lo ngai ve viau a, simsan daih tlak niin ka hre ta. - 9862838074 Ka pu, Zalen huang a ni bawk a, zalen deuhvin ka han zawt teh ang che. Hrisel lohna vang pawh ni lova nau titlaho hi tualthat dik tak an ni i ti ve lo maw? Zak thei lo tak tak, mi chet chhiatna lai sawi peih peiah an la tang zui lehnghal a, zah nachang hre deuh turin i chanchinbu kaltlang hian ka rawn chah e. - No. thup Lalropuii Pachuau hla sak, 'Matehawngi' tih hi 'Mahten hawng i' tih tur a ni e. A phuahtu hian ring leh mal inti taka, 'Keimah te chauhvin kan hawng hneng hneng ang e,' a tihna a ni. Pu Ngurthangvelan 'Zu kan rui e' tih hla a siam hi a that viau rualin, 'Chawltui ningzu, i sakhming mawi,' a ti kher hi chu tul lovin ka hria. Englai mahin zu hi sakhmingmawikan ti ngai si lo va, a in mi chhungkaw tina harsatna thlentu a ni tlangpui si a, vawi thum vel lai a hlaa a tisakhming mawi hi chu ka lo helh ve deuh tlat mai. - Puipuii pi Khawnge, sum lama sorkar pachhiatzia bawk aw... Health Department hmalaknaa veng tin leh khaw tina chenna in tina thosi hlo, DDT kah a nih kha a rei leh thawkhat tawh tih chu kan hre tlangin a rinawm a. A kaptute ka han zawt chiang a, an lainatawm veleh chhawngin ka hria, a tlangpuiin khawsa thei pangngai an ni lo tlangpui bawk, hlawh lak nghal mai theih ringin ni eng emaw zat chu phur takin, hna dang kalsanin hah takin thosi hlo hi an kap a. A tirin Directorate lama thawktu pakhat pawhin thosi hlo kahna an batsak ngai loh thute pawh a sawi a ni awm e. An sawi danin tunah hian central lam atang pawhin an hlawh tur hi rawn sanction daih tawh niin tunah hian kan sorkar kutah a awm ngei tawh bawk. Heti chung hian tun thleng hian an hlawh tur hi pek an la ni lo fo mai hi sum hi an dah pung tete dawn a ni lo maw? Kan sorkar hian thil te thamah a lo ngaihsak a nih pawhin sawifiah ngei se tih hi a thawkte duh dan a ni tih hi sorkar hian hriatsak rawh se. A.K.RALTE K-Deposit hi sorkarin ama pawisa hmang lova a dahthat emaw kan la ti hlawm fo mai. Mi hrang hrang bill pek tur a sanction vek tawh pe leh lova sorkar sum lem lem anga hren khawmna zawk asin mawle! Court-a khin a chi ngawt ang. - 9436140916 Kan Chief Minister ni mek hi a CM zin leh rei tawh ngaihtuahin tuna NLUP vuaha pawisa sem leh hnim lem phah tih mai loh hi chu department programme kal pangngai bak mipui nawlpui tana tangkai, liantham din leh tihhlawhtlin a neih sawi tur a vang viau mai. Tum leh ruahman a ni deuh reng mai a, a thente lah pamtulsan, a hnua miten an tihpuitlin tih vel. Mipuiin a rah kan senga kan chhawr viau tam takte hi party dang sorkar din leh tihpuitlin an ni hlawm tlar. Mipui tana tihpuitlin engmah a awm si loh chuan lal zin leh la rei hi a ngaihsanawm teh vak lo. Mi mal inhaivur lrh nuamtawlna ang maia hman hi ram leh hnam tan thil hlauhawm tak a ni e. Harsat thu mipuite hrilh reng lo hian hruaitu chuan mipui tana a tih tur a ti mai tur a ni lo'm ni? Hruaitute hi hetiangah hian an inenlet a ngai khawp mai. - Thlirtu He Mizorama Kristiante hi engtin nge maw Pathian tan leh kan mihringpuite tan kan that theih tehlul ang? Mahni theih thaah kan inngai theih va, Pastor-in ama tawkah tha a inti a, Kohhran Upain a inti bawk a, chutiang zelin rawngbawltu hrang hrang leh bawl lotu thlengin. Tha intih theih avangin kan insawisel theuh va, kan inring lo tawn theuh va, he Kristian ram zimte hian eng kan ti ta nge ni le? Bible chuan, 'Mi zawng zawng mahni aia thaah ngai rawh u,' a ti em ni kha? He thu hi vanrama hman tur nge, he leia hman tur? - Tea, Aizawl Tun sorkarin hnim lem a phah chiam chiam maiah hian Kau-Tlabung thil thleng mumal taka tar lan theih ang kha a awm leh thei mial ang em? Chhung chhunga tlawh field-te pawh a awm leh ta! - Citizen Kan Synod Officer-te thuchhuah, 'Sakawlh ka hlau lo' tih leh Synod Revival Speaker-te puala booklet an chhuaha Kohhran Upa pakhatin UID leh sakawlh chungchang a chhuah hi a va han mak ngai ve! Bible thianghlim hmanga Pathianin min hrilh hi a buk thelhin a thelh a ni! Sawi ngaihna pawh awm lo khawpin a thu hi a mawl ve ve, 'Finga inngaiin mi â-ah an lo chang a,' tih Bible thu tidiktute an ni e. Bumna tinreng nen lo thawk tur ni na na na, he no. pu tur chuan in Kristianna bansan phawt a ngai ang an tih han rin tlatte hi mak tak a ni e. Tin, ramthim vei nachang pawh hre lo a tihte hi a ziaktu hian amah leh a chhungkaw ramthim vei hmasa se a tifuh zawk ang. An thu ziakte hi a mawl ang angin kei chuan ka hnawl e. Pathian chhinchhiahna pu nia an inhriat lai hian sakawlh chhinchhiahna an la pu vu zawk dawn a, an bum ât mi tam takte thlarau mawh chu an la phur ngei ang. - Puipuii pi He Mizoram, Kristian rama Kohhran pawl hrang hranga hruaitu/hotu leh Revival Speaker hrang hrangte leh Rev., Dr. te u, hei hi ka zawt a che u. Sum tam tak aiin hmingthatna hi thlan zawk tur tih hi eng nge kan ramah hian a awmzia ni ta? Tangka sum ngainat hi sual tinreng bul a ni tih pawh hi eng nge ni a awmzia ni ta le? Mizoram, Kristian rama mi rinawmte tan hmun a chepzia leh a hrehawmzia hi, mi rinawm lo leh mi pamham tan Mizoram nawmzia leh Kohhran leh khawtlanga an chanvo thatzia te hi tute mawhphurh nge ni ta ang le? Mizoram, Kristian rama hlawk ber chu rinawm lohna a ni a, hlawk lo ber leh mite ngaihnep ber chu mi rinawmte an ni ta ber e. - Tea, Azl. Congress sorkar a ngialngheh chhan nia ka hriat thenkhatte: MLA/Minister a thenkhatte hi KTP Leader rual lek lek an ni ve a; mahse, zu leh sa, mipat hmeichhiat, ei rukna lamah sawisep an kai lo em em mai a. Tin, an senior-te lah Rotekawla vawkpa anga ro hran han rel lah an awm hek lo, hei hian malsawmna a keng niin ka hria. Heng Pu Romawia, Pu Zira, Pu Rohluna te phei hi chu sorkar tihlu zualtute an niin a lang. - M2 Kan ram hi a tichhetu chu hnam dang ni lovin keimahni Mizo ngei hi kan ni e. KAN RAM hi a chhiat lohna tura daitheutu tur mi tha, mi dikten hmun an chang si lo. Kan ram hi a damlo a ni e. Pathian duh dana roreltu kan neih theih nan thahnemngai takin i tawngtai zel ang u. - 9856836216