SAWHKHAWH of the day BarRack Obama khan ‘change princile’ nen USA kaihhruai a tum thu a sawi a, chumi entawn chuan he lama kan Congress sorkarin ‘change’ a rawn thupui ve ngawt a, term hnih chhunga an change hi hmuh tur a vang khawp mai. Change ka hriat ve chhun - (1) NLUP-a an mi leh sa thuna party dang thlauhthlak, (2) Tul lo taka motor thar man to taka lei, (3) Uchuak taka party worker-te contract hna pek, (4) Phullem phah, (5) Mikhual (Chakma) thlavang hauh, (6) MLPC Act hmanga MLTP Act thlak, rawn contri ve teh u. Kan Prime Minister Narendra Modi style-in Chief Minister-in department hrang hrang a ko khawm a, a result lo thlir chhin teh ang u. - 9862369968

Chanchinbu last page Thalai Khawvela picture hi a sexy mah mah! - 9436152316 Zalen chhuak hmasaa SRS, YMA Camp titu kha i thuchhuah kha ka support-in a tha lutuk; mahse, SRS, YMA?Camp ni lovin CADS, YMA a ni zawk lo maw ka o tia... - MIZO VAL Hlaphuah thiam John Mawitea te nupa hla za chuang lai mai zaithiam hrang hrangin an sak, Red FM hnena an hralhna man kha a phuahtu chan vek tur nge nia a satu zaithiam khan chan tur a nei ve? tih hi in chanchinbu zahawm takah hian min rawn hrilh thei la a va lawmawm dawn em! A phuahtu phalna la lovin an lo sa ve ringawt em ni? An phalna neia an lo sa a nih si chuan hla hralhna man chu insem mai awm tak a va ni awm ve? I chanchinbu zahawm tak hmang hian kan beng han tivar ta che, khawngaihin, rinawmin. - Phunawia, Aizawl (Ka hming hi Phunnawia ni lovin Phun awia, phunchiar ve viau mah se lawm thei viau tho si tihna a ni e) Kan ram roreltute hian II Chronicles 19:6-7 hi rilru leh tih takzetin lo chhiarin zawmlo tum teh u. - 9856950562 ‘Indigeneous Inhabitant of Mizoram’ tihin Takam kan huamtir dawn a nih chuan Tuikuk etc. te pawhin an rawn thik veleh zel dawn a ni. He thil hi a tir atang khan ngaih serious hle tur a ni tih leh a tawpa kan lungrual tlanna ni leh ta si hi buai leh nawrh kher ngai lova thil chiang sa a ni tih hriat zui zel a tha khawp mai. Kan political party-ten khatiang mai maia thutlukna siam an tum kha a zahthlak hle a, ro an relsak Mizo mipuite zahpah lohna lian tak a ni. ‘Ram leh hnam hmangaih’ politics khelh dan tur a ni lo ve. Engpawh nise, hnam rilru pua sorkar a inhnuk hniam hi a lawmawm reng reng e. - MTV Ka Vei em em chu thalaite hmakhua ngaia kan sorkarin khelmual tha min ngaihtuahsak hi a lawmawm rualin thingtlang khelmuala artificial turf phah ai chuan khawpuia kan khelmual neih, entir nan Ramhlun, Joint YMA Field, Vaivakawn te, Republic field angahte hian artificial turf phah ni ta zawk se, football inkhawmpui lian kan thlenin Aizawlah bawk kan thleng leh thin sia, state dang atanga team lo kalte practice-na atan pawh a zahpuiawm lo deuh ang a, a tha phian lo’ng maw, Pu Zodintluang? - TheOne, Aizawl Bible letlingtu hmasate thu hi dik tawk lo laite chu awm bawk mah se Pathian ring tlat chunga an lehlin a nih hmel bikin, a thu hi a thukin a ril a, kan hrethiam vek tho bawk a, tunlaia lehlin thar, tawngkam lap deuh, zir sanna avanga lehlin dik anga lang ai chuan kei chuan ka ngaihlu zawk. Tin, thu dang daih, MZP-ten ram leh hnam chhan nan jail bang an zut lai leh thlawp an ngaih em em laia ngawi reng Central YMA, inremna an neih veleha emergency meeting kova thuchhuah nei veleh hnuhnawhtu hi ka ngaihsan phah lem lo tlat bawk. - Puipuii pi ATM Chungchang: Shillong, Guwahati, Kolkatta leh khawpui hran hrana SBI?ATM booth-te hian vengtu an nei deuh vek niin ka hmu a; mahse, Mizorama ATM booth-te hian vengtu an nei ve ngai miah lo nia, ngati bik nge le? Booth­­­ thenkhatah phei chuan khawl pathumte an dah thei maw le!! - 9862726534 Zofate Jerusalem Aizawl khawpui chhim lam hmun laili taka private sikul tha tak, Boston HSS-a an zirtirtu mai ni lo, zirlaite pawh fel em em mai leh VTR Computer Centre, sumdawng inpe tak mai, mi tam tak tih peih loh hla leh article thlenga chhu peihte lo vul zel rawh se. - CL Pu Ngurthangvela’n, “Zu rui e,” tih hla a sa zo chiah tihah pawn lama lan mawi duh, chhungril tuiek siin, “Kan do zel dawn e a ti,” an ti. - 9862372482 Presbyterian Kohhran Presbytery a lo thleng leh dawn ta, campaign tha leh campaigner nei tha, Synod Thawhlawm Ip semtu tur engzat tak tling thar leh ang maw? - No. thup Kan Supply Minister zahawm tak, buhfai ngaihtuaha khawchhak lama kal hian BUHFAI chauh ni lovin heng - Oil lam, Petrol, Diesel leh GAS te hi rawn ngaihtuah tel nghal sela mipui tan a va han lawmawm dawn ve aw..!! - 9862838074 Champhaiah chuan Kohhran nuho buhfaitham hi veng chhunga rethei deuh, ni tina inhlawhfaa ei zawngte tan kan kian a, Aizawlah chuan a hausa, cement in nei tha thate hian lak loh in hlauvin la tur list-ah pawh hming ziak hmasa sa in lo nih hi! A chuangliam pawh a nghak peih peih in la ni zui lehnghal, a mak ka ti! In vai chuan ka ti lo che u, duhamna hi milem biakna a ni si a. - Champhai pa He Mizoram, Kristian?rama Kohhran pawl hrang hrang leh Kohhran hrang hranga inrem lohna leh intihhran duhna lo chhuak ta fo mai hi chu Mizo Kristianten Thlarau Thianghlim tel lova Kohhran rawng kan bawl vang leh kan sakhaw hruaituten Thlarau Thianghlim an neih loh vang leh Thlarau Thianghlim tel lova beramte min hruai thin vang a ni e. Kohhrana inhmang thinte leh Kohhran bel tlat thinte pawh an tisa mi ngawih ngawih ta a ni e. Tangka sum ngainat hi Kohhran hruaitu nihna a ni e tih hi thupuiah i hmang tawh zawk ang u hmiang! - Tea, Azl. Officer rual, Upa leh rawngbawltu intite u, sorkar kum tawpah hre reng chunga in insiamchawp 'EI RUK RUNPUI' ruai in theh mup mup mai chu a nia maw!! Pathian mitmei in veng buai peih lo a nih pawhin in mihringpuite leh khaw eng tal hi ZAH nachang hre rawh u. Sunday a lo thleng a, AWIH THA ber emaw kha in inti lehnghal ang a, ZU in mite ni lovin nangni hi a ni Pathian mithmuha kan ram tibawlhhlawhtu chu!! - 9862588520