SAWHKHAWK of the day Kan CM Pu Hawlan ram a hruai dan leh mi tlingte a remkhawm dan hi ka lo ngaisang hle thin a, tun hnaia Education Minister-in zirtirtu transfer reng reng bialtu hriatpui loh chuan tih loh tur anga a sawi hi CM hriatpuina a nih ka ring bawk si a, mak ka ti hle mai. Education administration chhe tawh tak hi a chhiat zual a hlauhawm ta hle mai. - 8794316079 Zalen Issue No. 44, October 12, 2014 ka lo hmu a; mahse,ni 12 leh ni 19-ah Bengdar pawh Ander Herrera chanchin ka chhiar nawn leh dawn a nih hi ka tih ka tih laiin Pogba chanchin daih a lo ni. Weather Today pawh hi ennawn deuh ula, ni tlak hun in rawn tarlan hian min tibuai riau. Mizo takin, sipel in tisual hi chu ka hre thiam lutuk. - 9615548322 Kan vengah chuan gas sem pangngai hi January atang khan bur thum chiah kan la la a, tun hi October a ni tawh. Thla khatah bur hnih deuhthaw kan mamawh a, to mah se black-a zuartute nghei lova min awmtirtu an ni. Black-a zawrh hi ka fak miah lo; mahse, black-a zuar an man avangin agent atanga kan dawn a tam phah chuang si lo, kan harsat dan a ngai reng tho. Black hi haw teh mah ila, kan nghei daltu an nih miau avangin a mansak thintute khan an aiawh turin mipuite hnenah gas min supply teh u. - Puipuii pi Mizorama Kohhran thenkhat Pastor-te hi ram thenkhat - South Korea, UK, Europe ram thenkhat leh USA leh a dangte Pastor-te ang hian an enkawl Kohhran member-te thawhlawm thawhkhawm atanga direct-a hlawh la ni ta sela chuan, Pastor thenkhat hi chu ram chhunga pa awm thei pawl an ni ang a, thenkhat chu chhuanchham ve tak tak an tam ang maw le! Chutih laiin Aizawl khawpuia awm an inchuh luih luih ang a, ka hmu châk hlawm ngawt mai. - 9862726534 He khawvelah hian mi dik lo zawkten dikna an channa ram, thiam zawkten thiam loh an channa ram, mi thiltithei zawkte chan a that zawkna ramah hian zam tur kan ni lo. Mosia ten Tuipui Sen an kân dawna Mosia thusawi kha hre rengin Pathian hnathawh lo lang tur chu i thlir ngawt mai teh ang u. - 9856950562 India ram pum puiah mipa leh hmeichhia, puitling ni tura kum bithliah hi a hrang nuaih ni mai hian ka hre tlat mai a, a hre chiang in awm chuan khawngaihin min han hrilh chiang teh u. 1. Ration Card atan, 2. Rel leh thlawhna ticket lak dawnin, 3. Nupa insiam dawnin, 4. Pawngsual leh pawikhawihna lamah, 5. Passport siam dawnin, 6. Electoral Roll-a inthun dawnte a inang lo nuaihin ka hre mai. - 9862726534 Hawh u, kuttlinglova hausa, ei ru nia kan hriatte hi an in leh lo, an thil neih leh an monthly income atang hian chhui dan chu a awm maw le... mahse, sorkar tih turah kan dah deuh a, sorkar hi an che muang si, Kohhran hian zu ringawt buaipui lovin member-te ei rukna kawngah fihlim tur hian thapui a thawh ve a hun ta e. Sorkarin hlawh tam tak a pe chunga ei ruk thulh duh miah lo, duham, zak thei loho hi an zah rawih rawihna tura dan hmanga hrem a hun ta e. YMA ang pawh hian hmalak a hun khawp mai, Mizoram hi Mizote ram a ni tlat! - 8014357478 Kohhran leh khawtlanga inhmang takte hi sorkar leh vantlangin bawlhhlawh paih phal loh a tihna hmuna paih chingte hi anni duh tlangpui, i lo chik ve ngai em? - 9862383015 Tuikuk helho mi ruk bo thua kan hmalak dan ne ne hi a van ho! State-in hma la lo hian central-in Bangladesh nena an tihfel turin thlen hmak ila, Tuikuk hnawksakzia pawh lo tem ve se mawle...!! - 9436140916 ACB-ah hian Addl. SP poet ruak hnawh khat turin Vigilance Department chuan Willingness qualified MPS officer-ho hnen atangin a ko mek a, hei hi ACB Manual leh ACB Recruitment Rules zulzuia hmalak mek a ni. Amaherawhchu, MPS officer la junior tak, kum 2009 batch, tun ruling party-a tlatlum tak, training a zawh atanga Aizawl la chhuahsan miah lovin Aizawl a awm chhunzawm theih nan he post hi hausak niin sawi a awm a, Addl. SP-a kaisanna tur order pawh chhuak mai tura sawi a ni. Hetiang post pawimawh tak, tuna ruling party pawhin an ngaih pawimawh em em, hetiang junior officer, he hna a tui vang pawh ni lo, Aizawla a awm chhunzawm duh vang maiaa aia senior, thiam zawk leh phu zawkte kal kân tumna awm hi chu thil pawi tak a ni. - Dikna Duha Tun hma khan ka ti tawh na a, ka'n ti leh teh ang. Hman laia an tih ang khan Kohhran hming tel kher lovin, Khatla Kohhran, Kelkang Kohhran i ti mai ang u, Presbyterian tih tel kher a tul lo ve. A chhan chu hriat sa, understood a nih vangin. Kohhran tenauho chuan an duh leh telh sela, radio leh TV-ah pawh an telh lo va, kan hriat thiam vek tho hi. - 9856835945 Tuikuk/Bru awmpui nei chu fimkhur hle ang che u, thil ruk an ching vek. Fel hmel deuhvin an awm a, thawmhnaw, pheikhawk, choka bungruate hi kan ngah tlang tawh si a, a lo kim lo teuh zel. Kei pawh ka fing tawh a, an haw dawnah an bag check-sak ula, in thawmhnaw a lo awm teuh mai ang. A theih hram chuan Tuikuk hi chu awmpui lo ula, a fuh ber. An duh hun hunah haw an tum lehnghal a, an thil it a tenau si, an mawl bawk si. - Zonu Kan sorkar zet chu leh! An lalrei tual tual a, sum leh paiah kan harsa tual tual mai chu a nia leh! MNF-ho vang alawm ti zel mai teh u. Sum enkawl thiam, intirethei tual tual, hriat thiam a har mang e! Burma vawkte sem awm tawk lek an lo nih ngei hi, ngawi rengin i intawrhsiak mai ang u aw.. - Thlirtu Kan Synod hotute MLTP Act hlih chungchangah an tha a zain tawngtai rualte an rawt chung chung a, member tam zawk chuan ho an ti viauin ka ring. Tunlaia Nigeria ram leh Iraq rama Kristiante tawrhna rapthlakziate hian an tha a tiza lo nge, an tan hian tawngtai rual an va rawt lo ve le? Hmun dangah pawh tihduhdahna a thleng reng tih hre bawk ila; chuvangin, kei tal hian khawvela tihduhdah tuar Kristiante tan Pathianin chhelna pe tur leh a awmpui tlat tura tawngtaipui turin tukin zing hian ka'n sawm mai ang che u. Zu khap leh khap lo tih vel mai maiah chuan tawngtai turin ka sawm lo a che u. - Matea pu Chakma leh Tuikukte hnen atang hian zir tur kan ngah hlein ka hre ta!! An dinhmunah hian Mizote hi ding zawk ta ila, tuna an nih ang hi kan ni pha ngut ang emaw, kan la nep awm mang e! Keiniho hi chu mahni awmhmuna huaisen tawk vel, inhrosa kuk kuk thin, reh leh mai thin kan ni a. Kan thu leh hla aia an thu leh hlate central lama a tlang nachhan zawk chu an lehkhathiamhote vang a ni reng mai a, an tangkai tlat. Keini, kan lehkhathiamte hian puan ven sawichhingin, tan han la teh ule! - 9856835945