SAWHKHAWK of the day Pu Zodintluanga hian P&E Department hi chang ta se power-a kan indaih lohna hi a ziaawm deuh ang em aw? Sports lama mamawh eng emaw zat a phuhru thei a, PHE a chan hnu pawh hian a ziaawm khawp chuan ka hria. Kum 20 state puitling nih hnu pawha puja vanga power indaih lo tih reng mai hi chu a dik lo a ni! PWD/PHE engineer/politician-te an intodelh tulh tulh laia thil awm dan ngaihtuah hi chuan a lungchhiatthlak a ni e. Synod hian zu ai mah hian kan ram intodelh dan tur leh ram hmasawnna tura ei ruk that lohzia te, ei ruk thawhlawm Pathianin a pawm lohziate inzirtir nasa zawk ta sela aw..? - 9862372482 Hmannia Sawhkhawka ka lo chhiar, ka rilrua awm reng chu Zauthanga Camping Centre tih kha Tawngtai Bethel Camp tih ni zawkin ka lo hria a. Chuan SRS, YMA Camp an ti bawk. SRS leh YMA man khawm, a ina awm thei zat leng lo chung pawh an dah khawmna a ni a, a chang chuan saisir zawnga mut ngai khawpa chep a ni thin. An ei leh in chu chhe tak a ni: Alu a pumin an chhum a, a tui kha chawm turin an sem leh thin. Eng emaw ni chuan sa chu an hmeh ve thin; mahse, a sa hmuh tur chu tlem tak a ni. Mi 1000 dawn tana vawk pakhat chu beitham tak a ni. Heng chawhmeh an neih that chang hian media-ho hian mi dang hmuh theih turin an la fuh thei viau lehnghal a, mak tak a ni. A nihna takah chuan thinghnah chawrno tawh phawt khu an ei ti ila kan sawi sual tam lo vang. Khutiang em ema mihring invulh khu khawi ramah mah a awm ka ring lo. Kum 2011 khan ka awm ve tawh tlat a, en fiah deuh atan a va tha em!! - 8730095229 Zoram chhukchhuak, fa takte chauhvin an chanvo, rokhawmtu nihna chu heng CHAKMA, kum 1872-a British-ho mutia-a an rawn tan avanga Zoram leilung rawn rap ve chauhte pek ve phet kan Congress sorkarin a tum hi hnam phatsanna dik tak a ni. Inenletin cancell nghal rawh se!! - Mizo Tlangval Kan ram hruaitu, Congress Ministry-in Zoram an kaihhruai dan han en hian Zoram hnuk hi a chhat mek zel zawng a nih hi maw le! Anmahni thlangtlingtu, Mizo mipuite chu an duh dan dana an hnuh kual tur ang chauhvah min ngai ta a ni ber mai a, mipuite duh dan leh ngaihdan chuan an lu pawh a tithak zo ta lo! Bei a dawng a nih hi! Kan thlan lalte kha an ni miau mai si a. - Jonathana pu Apui, Khawzawl Congress hruaitu khan i thil tih dan ropui kan ti a, ram leh hnam i lo hmangaih takzet e! - 9862505887 Kohhran hian a kuang lo a nawr lo va, tupawhin zu zawrh emaw, drugs, uire, ruk rukte leh thil dik lo ti nia a hriatte leh kawng dik lova kalte kawng dik zawk a kawhhmuh hi a tih tur a ni a, a kuang lo a nawr reng reng lo. Sorkar pawh a kal dik lo tur kawng dik a kawhhmuh chu a tih tur a ni zawk. - 9856950562 MZP te, ram leh hnam tana in beihnaah theihtawp chhuah zelin, a tawp thleng rak tang turin duhsakna ka hlan a che u. Kan ram hian chhantu a mamawh tawh a ni e. - MTV LPS Pro Fight hi a hmuhnawm viau laiin judge-ten an tiho zo vek, salah! Rochhingpuia leh Laldingliana te inhnek tum khan Laldingliana khan a hnek fuh ve miah loh laia split decision hmanga an chaktir daihte kha eng dan nge an hman? A hria chuan min han hrilh hram teh u. Boxing hi ka vanglaia ka khelh thin a ni a, khatiang thutlukna kha ka la hre ngai lo hrim hrim. Split decision tih apianga a naupang zawk an chaktir ziah mai hi chu thutlukna awm ang lo lutuk a ni ti ngam sak! - TheOne LPS Pro Fight-a Pu Vana tawng zuah zuah hi a va ninawm tak em! A rawn tawng chiah hian silent-ah ka dah hmiah zel. 'Pahluama' tiin ka ko mai. A hmunah awm lo se, in lam atangin lo en ve tawh se aw... - 8729916728 Chief Minister Pu Lal Thanhawlan PHE, PWD etc. a review-naa an rawtna, contract hna lei chhawn phal loh ni se, tih kha khauh taka lekkawh ngei chi a ni. Development nasa taka khawih tur thil a ni. - 8794316079 Theihtawpa Khehpuam buaipuia hausakpuiho hi tumahin i awt lo vang u aw! Meth a lo let thlak leh meuh hunah chuan lo chhinchhiah reng mah ula, chhungkuaa buai buai leh tuar nasa an nih ka ring tlat. Mahni hamthatna leh nawmsakna chauh ngaihtuah, mi chhiatna pawiti miah loho hi! - 9862383015 Kan sorkar leh MZP inbeihnaah chuan kan sorkar chu a tlawm chiang hle mai, he sorkar hi ram an hruai danah heti em em hian ram hi an hmangaih lovin an mawl em em mai le? Home Minister thusawite leh Upa Minister tap belh deuh Romawia thu sawite kha kan tu leh faten an rawn hriat hunah chuan an thlanlungah an chil an rawn chhak ngei ang tih ka chiang a ni. - LIANA Thahnemngaih luatah min huat phah em lo'ng chu maw? Kan pi leh pu, lehkha zir sang, saptawng thiam leh hawi zau, IAS, IPS leh MCS thawklai leh thawk tawh lote pawh hian, ngaiti nge Mizoram leh Cachar ramri chungchang, Tuikuk leh Mizote chungchang, Takam leh Mizote chungchangte hnam dangte hriat theih tura chanchinbu lianah te ziaka chhuahtir an tum ve ngai loh le aw ka ti thin. Nge an thu ziak an chhiahna chanchinbute hian Aizawl a rawn thleng phak lo zawk le? Kei, ka saptawng thiam hian han tlin ve deuh sela chuan aw ka ti vawng vawng thin a ni. - 9862726534 Kum 1999-a Presbyterian Kohhran Puitling Sunday School zirlaiah khan ‘KUM?SANG?ROREL tih hi Isuan a sawi lo va, Paulan a sawi lo va, Tirhkoh dang ziahah pawh a lang hek lo, thleng tur ni se sawi awm tak’ tih inziak kha kan zir a nih kha. Mahse, Johana hnena Isua Krista-in a sawi, Thuouan Bung 20-ah Kum Sang Rorel awm tur thu a sawi sia, Bible chhunga mi nge Sunday School zirlaibua mi kan pawm tak ang le?!! Khawi zawk hi nge dik ang le? Bengsikin lo ngaihtuah ve teh khai! - 8119841979 Zu a van avanga damdawi ti an pung lo in ti a nih chuan in hre sual hle a ni. Thalai ka ni a, ka hrechiang khawp mai, a hrechiang berte zinga mi ka ni ang. - ROBIN Uirena, tualthahna, rukrukna,?zu ruihna etc. te hi kan chenna khawvelah hian kan Pathian hian awm ve turin rem a ti a, awm ve tur an ni, zu pawh. Heng tihrem tum hi engtikah mah a hlawhtling lo vang. Ringtute chuan heng thilte hi kan pumpelh mai tur a ni, chu chu kan rin Pathian duh dan a ni e. Zu khap duh leh duh lo inhnialnaah Pathian thu tanchhanah hman phet i tum tawh lo ang u!! - Teacher