SAWHKHAWK of the day Kan beisei phak ni lo mah se HS leh HSS Teacher 36 zet lak a ni dawn ta hi a lawmawm tak zetin ka hria. Chutih laiin hetiang ruahmanna hre reng chung pawha kan nghak thei lova harsatna kan siam hi chu a zia lo ka ti, politics a inrawlh a ni mai lo maw?! Tun hmain sorkar kal taten MPSC thuneihna laksakin anmahni duhzawng an la mai thin kha a ni a, tunah chuan fair takin lak a ni dawn ta a, a changtu Minister pawh fak a phu hlein ka hria. - 9862576601

Believe it or Not-a USA-a mi rannung, mahni beitu lak atanga inzial muma lum thin kha Mizoramah pawh Pu Vana saihlum kan nei ve e, in lo hre lo ang e. - 8794328104 News-a rawn lang, kan Supply Minister kha a va ruih hmel em em ve, a bula vaipa lah kha a la nui nasa em em zui! - Suaka, Bvt Tunlai traffic jam chhan Zion Street-a duty ka zawh chuan, "Kan Pu Mawitea, SP a zin vang a niang," a ti, mak ka ti khawp mai! Tin, chu duty chuan bazar lam atanga kal a dang char char a, Chanmari thleng a ti-jam a, hrilh pawhin Minister in awmna a nih loh vanga pawi a tih loh thu min hriat leh zu nia! - RAMHMANGAIHA He Mizoram, Kristian ramah ngei hian kawng engkimah leh thil zawng zawng maia Mizo Kristiante kan duham ta mai leh mahni hma kan sial ta em em leh Pathian aia kan mihringpuite kan zah zawk leh kan hlau zawk ta maite hi, September thlaa Beihrual kan hman ziah thinte hian han tidanglam hram teh sela aw... - Tea, Aizawl MiNister Pu R.Romawia chan department pakhata staff-ho hi biak in va har ta ve maw le!! Mipui tan an pawimawh sia, a buaithlak hle mai. Mi thenkhat sawi dan chuan Minister an nei fel lutuk a, an zo lo a nih hi. MInister satliah deuhvin chang sela, an ziaawm mai ang an tih chu. - 8794495291 Gas hi a black a an avanga a tam phah chuang si lo va, entir nan distributor pangngai hi kan lak hmain bur hnih te lei a ngai hman, chu pawh vanneih loh phei chuan lei tur kan hmu lo va, chuvang chuan sorkar hian black hi haider law law sela a tha mai lo maw? Tin, black-a zuarte pawh Mizoram quata ni lo hi black se.. - M2 AMC?Licensing Regulation 2012 leh Property Tax lak tum hi All NGO ten an dodal tak zet a nih chuan a dan siamtu state sorkarah thlen rawh se, tuna an tih dan hi chu zuam zawng chunga thilti an ang tlat, an duh a nih chuan a dan siamtu sorkarah thlen rawh se. - 9612762560 HMan nia MYC-in Hyderabad-a management zir tura a tirhchhuah, Kolkatta daia accident-a boral ta, kan nau Khawpuimawia, Bawngkawn buaipuitu zawng zawng chungah mipui aw kaltlang hian lawmthu kan sawi duh a. Kolkata-a LO Pu Taio Rosanga, Mizo Welfare te leh Mizorama MYC-a hotute; tin, company staff te chungah lawmthu kan sawi takzet a, ruang phurhna tur motor-a kan buai em em maiin remchang taka Central YMA-in min hmantir avangin kan lawm takzet a ni. Pathianin a let tam takin malsawm che u rawh se. A?tawp ber atan Bawngkawn YMA leh khawtlang chungah kan lawm e. - 8794495291 UNO?Declaration 2007 angin awpbeh ram Scotland ram chu England atangin inlak hran tumin tunah hian vote an la mek a. Independent duh an chak zawk rih. Keini Zofate pawh awpbehin Indian colony hnuaiah kan la awm a, UNO Declaration ang hian India awpbehna lak atang hian kan zalen ve thei tih hi kan hre lo ang tih a hlauhawm khawp mai. Scotland ang hian referendum i la ve ang u, India atanga inlak hran duh nge tam India-a la beh duh tam zawk ang? - AB-a pu Kan Sports Minister hova Vision 2016 hi Zofaten India aiawha Olumpic-a telna tur bik games thlang chhuaka hma an lakna hi a nep deuh a ni lo maw? Commonwealth Games neih zawh takah khan pakhat mah kan tel lo phawt a, sawi ve lem lo Manipur atangin 14 zt an tel lawi si a, thla leh lawkah Asian Games a lo awm leh dawn a, Zofate hmel kan hmuh ka ring lo. Olympic-ah pawh tumah kan tel ve rinna ka nei lo. Kan SAI Centre te ve hi eng atan nge kan tih le? Sports Minister hian tun aia tha turin committee emaw, a enpuitu tur emaw siam a va hun tawh ve aw? An zir loh zawk hi an zir chhuak mek niin kan hre tlat nia, kum 30 kan neih tawh lai hian Asian Games medal 1 tal pawh an la la thei lo hi chu ni lo tur ni tlat a awm em ni le? - Kutdenga LPS Pro Fight zet chu a ropui e!Mahse, Judge-te thutlukna kha duhsak zawng an tilang thin mah mah a ni, inhnehtawk deuhvah a naupang zawk an chet chhiat deuhvin split decision an ti a, a naupang zawk an chaktir zel a, hma hun an la ngah deuh an ti tlat zel, a thing tlat! - Zoa, Aizawl Kan Synod hotute thuchhuah, 'Sakawlh ka hlau lo' tih ka chhiar a, tiang em em hian a ni maw an lo mawl le! He lehkha chhuahtu leh chhiara awihtute hi sakawlh hlauva a chhinchhiahna putu turte an ni e. Kristian inti ve si, Thupuan buin min hrilhte awih lo leh a ngaihna hre hlawl lotute an ni e. Lo chhiar ve la, i chhiar nawn zin poh leh an mawlzia leh Pathian thu an awih lohzia, khawvel ropuina umtu an nihzia i hmu chiang tawlh tawlh ang. Sakawlh leh a chhinchhiahna awmzia pawh an hre lo va, hun hnuhnunga thleng tura Bible-in hrilh chian tehlul nen, AD Zabi hnihnaah a liam tawhte an ti mai mai!! Nero-Kaisara tih te ka hre ngai lo, Neroa te, Kaisara hmingte chu kan chhiar thin ngei mai a, khawvel ropuina leh sannate chân hlauvin Thupuan bua thute an chhut ngam lo zawk a ni e. An dawi ât, Mizo mipui tam takte thlarau mawh chu an la phur ngei ang. - Puipuii pi Zing tawngtai inkhawm ka kai ve a, tawngtai thupuiah chuan, "Khawvela remna leh muanna a awm theih nan," tih a ni a, khawvelah remna leh muanna a awm ka ring si lo va, Bible-ah pawh, 'ram leh ram an indo vang,' tih a ni si a. Pu Editor, eng nge i ngaih ve dan? - 9402521999 Tuna Serchhipa rawngbawltu, speaker pathum awm mek zinga pakhat kha, i kal dana kal lo leh vei dang nei, Pulpit pawn lama thuhril leh ram leh hnam dinthar lehna veitute Pulpit tlang atanga khen dum dum kha sim tawh la a tha ang. Pulpit hi mi kan ei loh zawngte khenna hmun tur a ni lo. Kan sakhaw rawngbawltu pawimawh leh speaker larte hian sim tur an nei nual, zu na taka dova ei rukna do leh ngam si lo pawh a dik lo, thih hnua thlarau chhandamna mai bakah leia Pathian ram thlentirte hi a tul a, rilru zim tak lo nei tawh suh u. Pathianin ram leh hnamte hi a ngai pawimawh ve tho a ni. - Fb2