SAWHKHAWK of the day Mizo mipui kan vanduaina ber chu pawlho/association-in duh hun huna thil man an tisang te, mipui thlavang hauhva thil man tisang dodaltu mi tlawmngai leh mi inpe kan nei lo leh sorkarin thil man sang a khuahkhirh duh tlat lote hi a ni! - 9862597997 Tawngkam dik hman hram hram tum teh u, chanchinbua chhuak phei chu naupang zawkte zirtirtu pakhat a ni si a. Ni 14.9.2014 ZALEN chhuaka "Kumtlingloa an puh IGGY a tling" tih thupui hmanga ziakah, "Inchhirin ban a chen tawh si lo," tih a awm a, kan pi pute hman danah chuan, "Inchhirin ban a chen," tih te, "Inchhirin ban a pel," an ti thin niin ka hria. - Mama pa Synod hotute hian an mipuite hi chai lo tura an duh chuan UID-in a tum dik tak hi zirchiang ngamin, Setana bumna thang hlauhawm lutuk a nihzia hi hrilh hria sela, dodal ngam bawk sela, a fel duak a ni mai. Lei leh hralh khapna dan leh, sorkar hnathawh, in hmun lo ram neih phalna, bank account leh thil pawimawh zawng zawng atana neih makmawh ngai tur a nih hi. Hei baka chiang hian Bible-in min hrilh ngaihna a awm chuang lo, khawvel thil engkim chan hlauh vangin a chhut chiang ngam lo zawk a ni e. UID No. neia taksaa chip phumtir apiang chu Setana buma awm, sakawlh no. pu an ni tih hriat tur. Bible-in chhut tura min tih angin chhut ngam ila, Isua Krista hmingin chan leh tawrh pawh i huam zawk ang u. Tuarna leh channa tel lovin Pathian ram kan lut lo vang. Min chhandamtu Isua Krista avangin he thu hi mi tinte harh nan Pathianin malsawm rawh se. - Puipuii pi Sorkar hi khaw kar kawng siam tha tur te, zirtirtu indaih taka min pe tur te, buhfai hnianghnar taka min pe turte leh thil dang eng eng emaw min pe turin kan duh a; mahse, sorkar hi a khawro ve thei si a, sum a nei lo thei a, chumi avang chuan sum tuak a ngai ve thin. Sum tuak tura hmalak a tumin kan sawisel leh luai luai a, sorkar lak atang hian a thlawn ringawta dawn beisei lo hian pek let ve tur kan nei a ni tih i hre nawn awn awn teh ang u. Sorkar pawh pekna tlak turin rinawm tum ve bawk teh se. - Scholes L.S.Khawlhring Tun hma deuh khan Durtlang kawngchho hian ngaihsaktu/hmangaihtu a nei lo em ni chu aw tih tur khawp khan a awm thin a. Greenwood sirah te khan motor kal hleihtheih loh khawp khan hnawl kha a vum thur thin kha a ni a. Tunah chuan khang khan lung a tileng rum rum zawk alawm le! Tin, kawng chhe lai apiang hnawh a ni ta te hi he kawng hian ngaihsaktu a nei a ni tih a lantirin ka hria. - The Truth Pu Zorama hi a tawngvai rei ta hle mai!! Kaiharhtu a nei lo em ni? - 9856950562 Kan Home Minister ka thlawp e. Zu haw em emte hian Pu Modi-an 'cancer aia hlauhawm zawk' a tih, curruption hi zu an huat ang em em hian hua sela chu kan ram te takte hian a thatpui zawk ngei ang? Biak Inah pawh hian ei ruk that lohzia hi sawi nasat ni zawk sela aw.... - 9862372482 Tak tak ni maw? Contract hna tlema lian deuh chu CM te unau control-na hnuaiah a awm vek tawh an tih chu! Minister-te pawhin an department chana mi pawh nise, CM te unau hnenah, "Sir, hei chu ka duhsak zawngte ka pe ve thei lo'm ni? tih tawk tawk a ngai tawh," an ti. Hei hi tak tak a nih chuan CM nihna boruak a lo chhuak leh ngeiin ka ring. - M2 UID hi sorkar thuchhuak ni si, ngati nge Kohhran hian a s tiduh lote an sawisel peih em em le? A ti duh lo chuan ti lo mai se, Kohhran a pawina tur a awm dawn em ni? Eng nge a awmzia ka van hre châk? - Vanramngaii Kan NGO lian, YMA-in Chakma cencus a thulh hlauh chu a tha e. Chakma leh Bru te hi mawl tak angin kan ngai tur a ni lo, advice-tu tha tak tak an nei a ni. Fimkhur leh thiam taka enkawl an ngai. - 8794316079 Aizawl khawpui chhung hnawk leh tawhzia hi aw..! Motor lei tharin kawngsirah an dah leh ta hlawm a, duh duhnaah motor kan dah leh ta mai mai a nia le! Minister leh mi lianho tlanna kawngpui bakin ngaihsak a hlawh tawh hek lo. Kan veng lamah phei chuan tun hmaa min hnawhchhuahsak tawh motor lianho pawh an rawn ding leh khup tawh. Taxi-ho lah hian khawilaiah pawh hmun tha lai apiang stand-ah hauhvin an inhnawh khat a, intlanchhawktir ngam lah kan awm ta si lo.Heti hi chuan kan khawpui hi kan hnawhkhat thuai ang. Garage neih tur tih lah kha sawi zui awm tawh bawk si lo, a pawi hle mai. - Khuma, Aizawl Kan veng retailer-ah chuan buhfai kg 1 Rs 9, lei belh chuan Rs. 25, dah mai a!! - Mizo Senior boxer Sete Lalchhuanawma chet dan kha a nalh lo hle mai, senior player, mi dangte entawntlaka awm zawk tur a nih laia chak loh a thiam lo leh thuneitute a zah lo kha hrem tlak hial zawk a ni, ka lo tan ve thin nen. - 9774395202 Kohhran hian hetiang em ema a lang a pauva zu an duh lohna an lantir ang hian curruption an duh lohna an lantir ve ngam ang em? Kuttlinglova sum ngah te, an hlawhbi nena inphu hauh lo in leh lo, motor chi hrang hrang leh bungraw tha pui pui nei teuhte hi engtin nge an tih ve? An thawhlawm thawh a tam em avangin Kohhran hian a sawisel ngam lo a ni mai lo maw? Ei ruho lah hian zah nachang an hre bawk si lo. - 8014357478 Ram leh hnam humhalh tur hian tih lutuk a awm thei dawn em maw ni le? Eng hnam pawh, eng chena rei pawh Mizoramah awm tawh mah se Mizo an nih loh miau chuan en dan chintawk kan hriat a pawimawh awm e. Ram leilung fate nen angkhata en tur an nih leh nih loh chu 'moral' a ni tawh zawk ang. Tunlaiin kan thenawm state tam tak, an lo fimkhur loh thin avanga an ram leh hnam chimrala awm tawhte thisen tam tak a luanral tawh hnua ILP chungchanga an pianthar sup sup laia "Kan ti lutuk," lo tih veleh chuh... kan inchhirna khua a sei lutuk palh ang tih a hlauhawm lo maw? - MTV Hman ni lawka chanchinbua kan hmuh, Chaltlang YMA-ten an venga zu zuar piangthar, a zu zawrh bansan, YMA-ten a eizawnna tur bul an tanpui thei kha a Mizovin a Kristian hle mai. An Upa pakhatin kar khat lai a mi mal inpeknain a lo counselling bawk a. Chaltlang hi Mizorama harhna hmasa ber, 1906 thlenna a lo ni a, revival hlimna maiah tawp lovin nun dan tha a vul riau. Hman lawka an venga awm, Chaltlang HSS-a ka lena hun tawi ka hman ve pawhin zirtirtu leh zirlaite an fel em em a, mi awmthei fate pawh an ngen lo hle. Hun kal zelah pawh an ngaihtuahawm lo vang. Hman kum, Mizo Idol thlana an veng zaithiam, R.Lalhmangaihzuali an veng YMA-ten an chawimawi thiamzia leh Mizo culture an chawisan thiam dan te kha a ngaihsanawm hle. - 8014679472