SAWHKHAWK of the day Rinawm takin pute kan vote a, an tan thahnem ngai takin kan campaign bawk a, an duham vanga duh hun huna kan mil loh deuh party-a an inpe leh daih thin hi chu... uire aia den hlum hmasak zawk chi an niin ka hria. - 8731002757 Pathianni tuk kan nghahhlelh chhan in ni ve a, a ngaihnawm thin khawp mai. Hmasawn zel tum mihring kan ni a, an sawiselna cheu pawh hi tha taka in pawma hma in sawn phah hret hret zel niin ka hria, tang zel teh u. - Hruaitea Typing mistake avangin Pu Chhuanliana, BVT hian a contri hi a titawp ang tih ka hlau! Tin, chanchinbu hmu tha lo tan tihah hian No. 1 leh No. 2 hi a fiah ngai lo, tang teh u. Thahnemngaihna han thawn hian chanchinbu leh a siamtu a tihlu tih hriain ka rawn thawn leh hram a ni e. - 9862355182 Zalen hi ngainatu zinga chhiar tel ve tlak khawp niin ka inhre ve thin a, an sawiselna cheu pawh hi ka lo tan ve thin cheu a nia. In thuchhuah pawh a ngaihnawm a, a bikin ziak tura insawm bik mi pali (Lalthlamuana Ralte, Chhuanliana, Daktawk zawhna leh Pu?Hrekima) te huang hi a ngaihnawmin beng a tivar zualin ka hria. In chanchinbu phek hma erawh hi chu a rang nasa lutuk em aw ka lo ti ve mai mai bawk e. - Sangtea Pu Chhuanliana khan titauh a tum deuh ni awm khan ka lo hria a, titau lo hram teh se. A rawn insawi ang deuh khan khawl chhut pangngai a nih chuan chhiar harsa deuh lai a awm a nih pawhin chhut uluksak deuh teh u. Thenkhat hi chu uluk loh leh chhiar nawn loh vanga sual a ni tih a chiang thei em mai! - Mawimawia Pathianni hmasaa Pu Chhuanliana thuziak kha tha ka va ti em! Nia, Pathian thu hi kan inhriat siak mah maha ngaih theih chang hi a awm zeuh zeuh mai. Hriat tam chu a tha, a sual reng reng lo; mahse, hriatah hian keini hi chu kan duhtawk mai thin ni hian a lang tlat a, hei hi insiam that kan mamawhna lai a ni. Kan hriat zawng zawng hi zawm ila chuan kan ram aia nuam hi khawiah mah a awm lo tawp ang tih a chiang a ni. - Puipuii Kan pu Chhuanliana khan tui, current leh buhfai chungchang chauh kha a sawi a. Tui bill hi Rs. 110 atangin Rs. 500 ten a pung a. Electric bill pawh hi a pun dan hi a namailo. Buhfai pawh kg 1 Rs. 9.50 atangin Rs. 15-ah a pung dawrh a. Leiman pawh nasa takin a pung a, kum danga Rs. 290 vel kan peknaah khan tunah chuan Rs. 560 vel dawrhin a sang a. Mipuite hian chhiah leh thil dangte hi pung pawh nise kan hrethiam khawp ang; mahse, a pun dan hi a nasa em a ni! Mahni awmna party sorkar tih a nih vanga sawi nep tum hi chu a ropui lem lo khawp mai. - No. thup Hei ha!! Zing boruak thiang pawh kan dawng ve thei ta meuh lo chu a nih hi, vawk rim mai lo chu!! Mmm, tuar hram hram phawt mai ang. - 8414924120 High Security Registration Plate thuah CBI-in thil dik lo awm nia hriaa a chhui sorkara a dilna sorkarin a remti lo chu kan sorkar hun atan kan dah ta mai. - Tluanga Tun hnai lawk khan AMC-a Executive Councillor Pu Rosiamngheta leh Pu Lal Rimawia te chuan an awmna party chhuahsanin Congress party an zawm leh ta a. An zawm chhan chu eng pawh lo ni ta se, sum duh vang a ni thei ang em? Eng angin nge an inthlem chhuaha eng ang tawktarh nen nge Congress hi an thawh chhuah tih hriat a chakawm hlein ka hria. Nge, anmahni duhthu ngeiin, tha nia an hriat angin an kal zawk ni ang le? Ka hre ve mai mai chak ngawt mai. - MkSiama MCS ti tuah hum reng ringawt mai a! An indaih lutuk tawh, doctor leh engineer kan mamawh zawk fe!! Hetiang chuan Central Service kan tlem tawlh tawlh ang. - Suaka Mamawh tam tak ka nei thin a, Pathian hnena dil ngam turin chakna ka nei mawlh lo. Ngaihdam theih loh khawpa sual ka nih avangin engmah ka dil ngam ta lo a ni. - Angaihtei lungsum Burma ram ni thin, tuna Myanmar ni ta hi ‘suankual’ tia a ri hniama lam rik tur nge, ‘sialsuk’ tia a sanga lam rik zawk tur? - 9436155221 Tunlai hian Thingtlang unauten kawngpui chhia an tuar mek niin ka lo hre ve ringawt a, an khawngaihthlakawm ngawt mai. Kan kawngpuite hi an siam nasa tih chu kan hria a, ngati nge a tlo theih loh. Mi ramah hian fur khat daih chauh hian kawng an siam ve ngai ang em? Kan ramah chauh em ni hetianga daih rei lo hian kawngpui an siam thin? Mi ram tlawh zau lo tih takah, kei hian ka hre tlem si a, a hre deuh khan min han hrilh teh u. - Siami pu Mizo politician zingah tunge fel ber? Ans: E le Pu Hawla. Nih leh Mizo Politician zingah tunge sual ber? Ans: Chhan buai a ngai em ni, Pu Hawla a ni mai alawm. Mizo zingah tunge Politician ber? Ans: Pu Hawla le... Mizo hruaitu zingah tunge dawheh ber? Ans: Pu Hawla. - 8731002757 Favang a lo her chhuak leh dawn ta! Mizote tan chuan hun duhawm a ni a, hun nuam a ni a, dam man a va awm leh dawn em! Ka Mizopui duhtakte u, he hun tha hi nuam taka hmang theuh turin duhsakna ka hlan a che u. - Matea Sorkar rorelnaa Kohhran a inrawlh changa tih loh tur ti leh inrawlh lohna tura inrawlh anga kan chhuah fo hi a dik ber em tih ka ngaihtuah. Bible kan chhiar chuan Israel lalte thil tihsual leh kal dik loh vengtu chu an zawlneite kha an ni a. Tunah hian khatiang zawlnei kha kan nei tawh lo va, Kohhran hi a nih mai hmel a; chuvangin, an tih tur an ti a ni maiah ka ngai a. Israel lalte pawhin an thu an zawm vek kher lo va, kan ram roreltute pawhin an zawm vek lo a ni ve mai. An inrawlh leh rawlh loh laiah erawh chuan an tih loh tur an ti tihna a ni em em bik lovin ka hria a, Kristian thlirna atang phei chuan an tih tur awm tak an ti niin a ngaih theih zawk mahin ka hria. - Fanai Sangtea Ram changkangah chuan mipuiin sorkarah chhiah an chawi tam a, chu chhiah pawisa tlingkhawm chu ramin inrelbawl nan hmangin nasa takin hma a sawn phah thin niin an sawi a. He kan ramah hian kan chhiah chi hrang hrang pung hian kan ram hi mi ram angin tihmasawn ve hlauh se ka va ti em!! - Mapuia Rt Bible lehlin chungchangah Kohhran mite kan inhnial maw? Inhnialna awm tak pawh a ni, Bible hi mi mal thahnemngai lo let thei an awm a nih chuan lo let mai se, chhiar tlak leh pawm theih chin hi pawm mai thung ila, a dang hi chu mahni bengvar nan leh hriat zaunaang rengin chhiar mai ila, a hahdam mai a ni. Mawitea