SAWHKHAWK of the day Chakma leh Tuikukte hnen atang hian zir tur kan ngah hlein ka hre ta!! An dinhmunah hian Mizote hi ding zawk ta ila, tuna an nih ang hi kan ni pha ngut ang emaw, kan la nep awm mang e! Keiniho hi chu mahni awmhmuna huaisen tawk vel, inhrosa kuk kuk thin, reh leh mai thin kan ni a. Kan thu leh hla aia an thu leh hlate central lama a tlang nachhan zawk chu an lehkhathiamhote vang a ni reng mai a, an tangkai tlat. Keini, kan lehkhathiamte hian puan ven sawichhingin, tan han la teh ule! - 9856835945

Kan ramah zu aiin curruption (ei rukna) a hnawksak zawk a, Pathian pawhin che sawn thei lo leh thlarau nei lo, zu aiin che sawn thei leh thlarau nei, dai sual thei tleirawlho a ngai pawimawh zawk a. Zu phalrai a tha chuang lo nain kan rawngbawltu pawimawh leh speaker larte sual huat dan pawh hi kai rual ve deuh se, mi retheite nghawng ber ei rukna leh duhamna te pawh hi an dodal nasat ve pawh a ngai. Liberal theology aiin nun liberal a hnawk zawk a, rawngbawltu rual zingah pawh a nasa em em si a. - 8014679472 Chanchinbu pakhata September 15-a Pu H.C.Vanlalruata 'Ram leh hnam humhalh' ziah kha ka rilrua awm, ka sawi chhuah ngam si loh a ni. Tripura (Jampui tlangdung), Shillong, Kohima, Manipur-ah Mizo an tam hle mai a, helaia hnam dang kan ngaihtheih loh ang chiah hian heng hmuna Mizo awmte hi an awmnate hian ti ve ta se chuan..., kan va han dem nasa luih luih dawn tak em!! Mizote hi kan lo firfiak ber maiin ka hre ta. ISIS-ho nen kan chet dan a inang lo va; mahse, kan rilru put dan chu a dang lem lovin ka hria. Kan duh dan leh pawm nuam tih ang chauhva kan awmna ram te, dan te kaltir kan tum ve vein ka hria. - Tsa MLPC Act chungchangah khan Kohhran hruaitu thenkhat chu an bengchheng hle kha a ni a, Kohhran rawngbawltu thenkhat zu nghei miah lo leh ordain Upa zu avanga nupa inthen phah hialte hi Kohhran hian engtin nge an chungah a tih dawn le,i lo thlir teh ang hmiang. - No thup Mamit police-ho chu in va dawihzep ve, mi sual pawh in man ngam lo maw? Mizo in ni lo em ni? Tuikuk in hlau maw? Tripura-ah pem ve nghal rawh u!! Mamit YMA leh Civil Judge te kha kan thlawp tlat che u a nia, Mizo hnam hmangaihtu, Mizo dik tak in ni. Thu dik tanin a tawp thlengin tang tlat ang che u. - MTV BDS, MBBS etc. zir thei tura written test-a inziak tling, hnam dang (CHAKMA) lak chungchang duh lova MZP-in sut leh tura kan sorkar a nawr hi a va han thain Mizo tana thu lawmawm a va nih tehlul em! Mahse, Chakma MLA-te kan nei leh si lawi leh, an vote kan duh leh tho si hi thil mak tak a va ni em! Chakma, Mizo, vai etc. a titha MPSC-in a la a, CM Hawla tawngkam takin 'pawl siamchawp, mahnia power insiam chawp' kan tam lutuk a ni lo maw? - Mizo Pa, Aizawl Indigeneous awmzia hi hrilh fiah vak a ngai em maw ni le aw? Anmahni saw zat ula, a chiang mai ang. 1980 chho vela kan zirpui kha chuan Mizo a intiduh miah lo va, vairamah pawh khan kan kawmserh phah reng a ni. A reng thuah Chakma issue hi tunlai hian kan buaipui zing ta a, chinfel tan a ngai. Sorkar, bengsikin ngaihtuah rawh. - Suaka, Bvt Kan H&TE Minister chu leh!! Engtik hun lai khan nge Chakma-ho hi 'indigeneous people' an lo nih ve ringawt a? Upaah chuan i nawi ve khawp mai. I pu chhanna tura i sawi a nih leh hmel bawk a, tap leh pur mai rawh!! - Lalruma Chhakchhuak Boys ME School chhaka vawk vulhho hi lo inenfiah se a tha ngawt ang. I vawk in thli avangin i kawmthangte in a chhia a, thenawmte tan a rimchhe lutuk. Ram hruaitute in ni lehnghal sia, vawk vulhna awm pawh a ni lo. Mizoram zirna in lian bula mi a ni bawk si, khawngaihin dah sawn la, thenawmte an lawm ngawt ang. - 9856950562 NCC tih hi chuan naupang thuawih leh hawihhawm hi mitthlaah a lo lang nghal a; mahse, Govt. Mizo High School NCC Pipe Band erawh hi chu a luhlul leh tihmawh thlankhawm rual ni awm an ni. Aia upa zahna an nei hlawl lo va, an tawngte hi a chaltlai em em a. An senior-te lah hian an aia junior-ten 'Yes Sir' an tih hian ropui leh lal ta em ema inhriatna an nei ni tur a ni, an inkohtir sek mai a. A bul hnaia chengte mitmei veng hlek lovin kartluan (Inrinni pawh tiamin) zingkar atangin inlengte nen pawh titi fumfe theih lohvin bengchheng an siam a, a khamawm ta khawp mai. Field hi an ta ni mah se mi dang tana bengchheng leh nun tibuai khawpa bengchheng siam hi a thiang bik lo. Hei hi a chhan bul ber chu an hotu/hotuten an kaihhruai loh vang a ni. An hotute hian rawn vil uluk deuh sela a va lawmawm dawn em! - Bengchhengtia Pu Hawlan, 'Thiltih theih chu kan ti zel ang; mahse, nuar avangin engmah kan ti lo vang, nuar peih chu lo nuar mai mai rawh se,' a tih kha ka thlawp ta riau mai. Chutih rualin nuar hian lukhawng a neih lohzia a lan theih nan a thutiamah hian ding nghet rawh se. Tin, thiltih theih a nih chuan ti mai se. Hetih lai hian opposition-te thil eng emaw hlekah inrawlh lova ngawih an chuh hi a finthlak hlein ka hria. - The Truth Engati nge Aizawl hmun tam zawkah electric hrui atan fibre hman a nih tawh laiin Durtlangah hian kawngpui dung takngialah pawh hman a nih ve loh, chhiatna a thleng ve tho si a. Local Council mawh nge department zawk? mawhphurtute chuan tan han la teh u khai! - 8575321003 Pu Vana fakna puang châk lutuk hi ka ning chiang!! LPS Pro-Fight tihmuhnawm lotu ber a ni, a duh chuan live lovah puang rawh se. - 8794441274 LPS Pro-Fight en thin tan chuan Pu Vana thil puan (thilpek) ninawmzia hi aw!! Special Report a neih lai hian a sponsor-tute a kar lakah vawi hnih/khat theih chauh emaw, report a pek hun chanve chauh emaw tilangin chhiar khum ta ila, a inhre chhuak duh ang em? Thil reng reng a subject tak aia a behbawm tuipui awm tawk vel chiho hian inthiarfihlim nachang an hriat hunah Zoram hian hmalam a pan ang. - Kima Khiangte Kan Synod hotute MLTP Act hlih chungchangah an tha a zain tawngtai rualte an rawt chung chung a, member tam zawk chuan ho an ti viauin ka ring. Tunlaia Nigeria ram leh Iraq rama Kristiante tawrhna rapthlakziate hian an tha a tiza lo nge, an tan hian tawngtai rual an va rawt lo ve le? Hmun dangah pawh tihduhdahna a thleng reng tih hre bawk ila; chuvangin, kei tal hian khawvela tihduhdah tuar Kristiante tan Pathianin chhelna pe tur leh a awmpui tlat tura tawngtaipui turin tukin zing hian ka'n sawm mai ang che u. Zu khap leh khap lo tih vel mai maiah chuan tawngtai turin ka sawm lo a che u. - Matea pu