Sawhkhawk of the day Manipur lamah kan Zohnahthlakten harsatna an tawk nasa tih chanchin thar leh chanchinbu lamah kan lo hre ve a, an khawngaihthlak hle mai. Chutih laiin kan Chief Minister-in thuneitu sang zawkah a thlen ni awmin ka lo hre leh zel a, a lawmawm tak zet bawk. Mizo hi kan tlem si a, kan theihtawpa kan intana kan inchhan zel loh chuan hnam dangte hian min zuam tawlh tawlh dawn niin ka hria a; chuvangin, kan theihna laiah hi chuan inchhan zel ang u. Hnam leh chi hrang deuh kan nih avang te, kan awmna a inhlat em avang te hian intihrang lo ila, Mizo kan nihnaah hian i lungawi tlang teh ang u! Myanmar rama kan Mizote tawrhnaah pawh hian ka Mizopuite hian a tanpuina kawngah theihtawp bakah tlem chhuah theuh turin ka sawm cheu a ni. - Pka kar hmasaa Mawimawia rawn sawi ang khan nileng emaw, zankhua emawa ruah a tlak hlek chuan Mizoram chuan chhiatna lian tak kan tawk zel mai chu a ni a. Chhiatna tawh hi chu a buaithlak a, a hautak a, a tuartu tan phei chuan a hrehawm khawp ang. Chutih rual chuan an rawn sawi tak ang khan kan rama chhiatna, a bikin ruah leh leimin avanga chhiatna thleng tam tak hi chu kan siam chawp a tam khawp thinin ka lo hre ve a. Kan in leh a vela tuichhia kan paih te, vawk kan vulh dan thleng hian chhiatna hmahruai ni thei hi a tam khawpin ka hria. Vanduai hrim hrim chu awm thei a ni a, fimkhur leh inven chuan kan tawh loh theih hi a tam khawpin ka hria. Mizote hi kan tan tlan chuan fur khaw chhia avanga chhiatna hi tun aia na lo hian kan tuar thei tlatin ka hria. Eng nge in ngaih ve dan? - MkSiama Pu Chhuanliana hi a phun a phun a, tam tak hi chu a awm thin ka lo tihpui. Han en maia a chhutu tan pawha hriat mai awm tak tihsual hi in nei leh thin. Chutih rual chuan a thu ziak erawh a ngaihnawm ve hrim hrim thin ka ti a, mi tibengvar kuarhna tur tam lo mah se hun thawla chhiar atan hian a nuam a, nun a tihahdam ve riau mai. Han ti zel teh se. - Mawimawii Zalen hi ngainatu zinga chhiar tel ve tlak khawp niin ka inhre ve thin a, an sawiselna cheu pawh hi ka lo tan ve thin cheu a nia. In thuchhuah pawh a ngaihnawm a, a bikin ziak tura insawm bik mi pali (Lalthlamuana Ralte, Chhuanliana, Daktawk zawhna leh Pu?Hrekima) te huang hi a ngaihnawmin beng a tivar zualin ka hria. In chanchinbu phek hma erawh hi chu a rang nasa lutuk em aw ka lo ti ve mai mai bawk e. - Sangtea An Sawisel ngun tawh bawk cheu va, chhut sual pawh a tlem sawt khawpin ka hria. In tan leh tan loh hi keini a chhiartute atang hian a hriat khawp thin a nia, han tang zel teh u. - Muantea Chanchin thar lamah kan lo hre ve a, Zuangtuia Mizoram chawmtu ber power pek chhuahna hmun a him lo tih kan lo hria a. A min/chhe tak tak ang tih a va hlauhawm em! A hmun a that lai pawha eng nei chhe tak ram hi kan chhe leh zual ang tih a hlauhawm riau mai, sorkar leh a titheite khan rang takin ngaihtuah teh se. Thim chu a hrehawm dawn em mai. - 8794686442 Mizoram hi India ramah chuan football inpui tia sawi ve mai theih khawp kan ni chho ve mek zel niin ka hria a. MPL te kan ti a, kan lawm viau zel a. Veng leh veng intihsiakna phei chu kan hlut em em zel a. MFA-in mumal taka league a kalpui pawh hi a tha ka ti a; mahse, kan vawrh lar danah hian fuh lo a awm em ka lo ti ve mai mai. Kan footballer-te ai hian kan model, team jersey nena thlalate hi an lar zawk tlata hriatna ka nei deuh reuh tlat mai a. Ka hre dik lo pawh a ni mai thei a, a vawrh lar tur zawk tak hi kan hre sual deuh tlata hriatna ka lo nei ve a ni, dik tak maw? - 8794686442 Hnam dang nei lo tura intiam ni kha hman ni tlatin ka hria a, awm hmun atang tha ka lo ti ve em em ringawt mai a. Khang zirlai naupang, hnam dang nupui pasal atana nei lo tura intiam zawng zawngte khan an intiam kha tiphuitling ngei sela ka va ti tak! Chutih rualin hnam dang nupui pasala nei kan tihah hian vai nei chauh dem lovin, sap nei pawh hi dem i ching thar ang u, hnam dang tho an ni lo em ni? Nge, ka rilru hi a dik lo va, hnam dang nei tih hian keimahah vai a lo tlak nat bik vang ka hre lo. Hnam dang nei kan sawi hian vai nei chauh kan sawi deuh tlatin ka hria. - Muanawmi Mizo Idol thlan kha lo sawi thar veleh lawk! Kum dang zawng aiin a felfaiin ka hria a, ka lo ngaihmawh em em thin, Mizote thiltihnaa a huna tan theih loh, ruahman lawk aia tlaia bân ngai ang chi kha an show neih chhung khan a awm miah lo niin ka hria a, kha kha Zonet lam an fakawmna niin ka hria. An thlan chhuah pawh kha a awm khawpin ka hria a, Thawhlehnaniropuia erawh kha chu ka uipui khawp mai. Kum hnih vel nghak leh sela chuan a Idol theih kha lo ring ve em em ringawt mai a ni, ve ringawt mai a, an tehna erawh ka hre chuang hlei lo va...!! - Siama Mizo tam zawk kan lawina, Presbyterian Kohhran chuan Beihrual thla an hmang tan leh ta a, kumin chu Kohhran tin hlim lai a ni bawk a, inkhawm pawh an tha tha tlang turah ngai ila. Beihrual hi kan pi leh pute khan Pathian thu hrilh darhna hmanrua atana an hman thin, beih hram hramna nena an tih kha a ni a, hetianga lo hman chu kan tunlaiah chuan a rem tawh lo ngei ang a; mahse, kumin hi harhna thlen kum a ni bawk a, heti zawng hian, Biak In thleng pha lote hnuh hnaih kumah Kohhrante hian hmang hram se ka lo ti ve ngawt a ni. Tan han la se, Kelkang harhnain a la thlen phak loh, ringtu ni tho si, Pathian thu atanga hla taka awmte hi hnuk hnai turin programme siam hlauh sela aw..!! - Puipuia Tunlaia kan thenawm, Myanmar rama kan Zohnahthlak unauten harsatna an tawh mek laia helaia pawl thenkhat leh Kohhranten tanpuina tur an khawn hi a va tha em ve aw..!! Thawh tam tur phei chu ka nei ve hauh lo mai a; mahse, awmhmunah thahnem ka lo ngai ve em em ringawt mai a ni. Keini aia hausate kha han tang teh u, kan Mizopuite hi an khawngaihthlak em mai! - Siami pi