SAWHKHAWK of the day Sorkar meuh pawh hi a lo va fimkhur awm lo ve maw le, MNF sorkar lai atang tawhin K-Deposit hming hi kan hre lar tawh a, a titu sorkar chuan hre bel hle tura ngaih laiin a zir chiang tur committee an han din leh rih chu a nia, ram hruaitute hian ram an hruai dan hi min ar khawthim daipui mai mai a va ang thin ve le! - Scholes L.S.Khawlhring

August 31, 2014 Zalen chhuaka 'Dem mai teh suh' tih thupui hmanga thuziak, "Nupui sun chu a na asin, upain, 'Dar lehlam sahthlak ang,'" tiin a rawn ziak a. Ka lo hriat dan chuan, 'Koki lehlam sahthlak ang,' tiin ka hre thin a. Chanchinbua chhuak tur hi chu uluk a ngai a nia. Thangtharte hi a dik zawk i hrilh hram hram thin ang u. Tunah pawh BAKSAM an nei tawh lo, CHALHMASAM an tih vek tawh hi. - Mama pa LPS Pro Fight-a Saron Veng tlengval leh ITI Veng tlangval inhneka referee kha boxing dan a hre lo hle mai, Saron Veng tlangval a tlu a, vawi sawm a chhiar a, a tho thei lo va, inhnektir a la tum kha eng dan nge a hman? A thiam thlawt lo a nih kha, referee tawh suh se! - Zoa, Klk Mizoram, Kristian ramah ngei Biak In rawk leh Bible hal kan hre ta fo mai hi, eng ang Kristian nge maw kan nih tak le? Ama luah lai ngei quarters-a Pastor thah a ni te kha Kristian rama thil thleng atan chuan a zahthlak ngawih ngawih a ni tih Kohhran hruaitute leh ram roreltute lahin an hre duh si lo; he Mizoram, Kristian ramah hian zahthlak reng reng a lo awm lo a ni ber e! Mosolman leh Hindu rama thil thleng ni awm tak tak a thleng ta fo mai, tute mawhphurh nge ni ta ang le? Nge, Setana kan puh vek mai dawn le?! - Tea, Aizawl Mizo tak hi chu aw... inhnek entu kan han tam deuh va, kan meng TEKA nghal ringawt zel a, zah nachang i hre teh ang u khai! - Lalruma Zonet-a sikul tan hma chungchang debate a ngaihnawmin debate moderator leh hmeichhe awmchhun te, Pu Rammawia leh MSU te thu a fing zawkin a lang.Pastor tuiek leh ek lo hretu, hmana Chham Kuta judge ni ve, thiam zawk aia thiam lo zawk titlingtu zinga mi leh MZP lamho thu kha chu a nep deuh. Idol/Icon judge zinga dik leh huaisen bera ka hriat kha debate-naah pawh a tha berte zinga mi a la ni zel e. Dam reng teh se! - Puipuii pi Lengpui lamah Chakmaho silai tawlh an man leh a, opposition lam chuan Home Minister beihna remchang an hmu leh ta, i lo thlir teh ang. - 9856715125 Dan hnuaia awm ni mah ila, dan bawhchhe si lovin 'MIZO' hnam hi tuna dam mek 'MIZO' zawng zawngte hian kan theihna zawn theuhvah humhim kan tumtlat tur a ni. Hei hi kan tuchhuante laka kan bat lawk a ni si a. Tuna lalna, ropuina leh thuneihna ka chan dawn avanga ka hnam a ral ai chuan, mualphona leh deusawhna nasa tak ka tawrh hi a tha zawk si a. - MTV YMA hian AMC hi en dan chin tawk i nei teh ang u khai! Kum 2/1 hnuah chuan an zuih ral ve mai ang. Meghalaya-ah pawh khuan an thingtlu kar nun mai mai tawh a nih khu! - Kunga 55 THUDIK: Zu tha pangngai tlem (peg hnih/khat) ni tin in hi taksa tan a tha, meizial chu tlem tete zuk pawh a thatna a awm miah lo. Chutih laiin Mizoram Kohhran lian ber chu meizuk khap tur ni lovin, zu khap bur turin an tawngtai rual thin. Population atanga chhutin Mizoram hi meizial zuk hnem berna leh cancer tamna ber a ni bawk. - 8794316079 Chanchinbu pakhata Kohhran Upa lar takin article a rawn ziah kha ka lo chhiar ve a, a bengvarthlak rualin a thu kha a inkalh inti ve lo maw? A chhan chu: sakawlh lo lan hmain Mi Thianghlim Lawr a awm dawn a, sakawlh nen chuan kan intawk lawi dawn a ti a, a thenah Martar tam turzia a ti leh bawk si a; tin, i dinhmun eng nge ni ve le a ti a, a hnuaia a rawn ziah, 'Mahse, ringtute pawhin sakawlh hun thim kan paltlang vek dawn, chumi zawhah rapture a awm chauh vang titu post-tribulation rapture dinhmun hi lo dik zawk mial pawh ni se, te a ti leh bawk si a, Pathian thu chu a ni chu ni, a ni lo chu ni lo ni tawp rawh se. Thupuan hi chu thlarau atang chauhva hriat thiam theih a ni a, a dik lova thusawi hi a hlauhawm a nia, Chungnungbera hmaah insawi fiah a la ngai dawn si a. - 9862856579 AMC Licensing Regulation 2012 leh Property Tax lak tum All NGO ten an dodal a, AMC kai tur an dang hi an tidikin ka hria. AMC Licensing Regulation 2012 hi non-tribal, trade license neiten Aizawl khawpui chhunga sumdawnna hmun nghet an neih theihna hawnna kawng a ni tih NGO te hian an hmu phak a, an duh lo hi an tidikin ka hria. He dan hi AMC hian lo passed tawh mah se, All NGO dodalna hi thutlingah ngaiin tuna AMC sorkarna chelhtute hian huaisen takin kalpui lo mai rawh se. Property Tax lak hi state sorkar thupek a nih pawhin he dan thar hi mipuiin kan hriat chian loh em avangin hre chiang lova tax pek hi mipuiin kan la hre thiam rih lo niin a lang. Tun hi he dan hman tum mipui hnena puanzar bultanna hunah hman phawt ni zawk sela, kan hnam kal zel tan a tha zawk ang. - Vanlalchhuanga, Venghnuai A hun leh nite chu rei deuh tawh mah se Santosh Tournament-a Mizoram an champion tuma an manager Biakzuala, Kulikawn pa kha kan veng Kulikawnin chawimawina an hlan ve lo hi hriat thiam a van har ve! Player leh coach zawng zawngte an veng YMA leh khawthlang huapin an chawimawi vek sia, damlai ngei hian chawimawi i ching ve ang u, kan veng Kulikawn hian! - Zoa, Kulikawn, Azl Aizawl Zotlangho kha, kan ram leh hnam veina lian tak neia mi nuihzat pawh huama che, lungte pawh phuna sial hial pawh talhtu, Linda Zothanpuii in neih bakah kan ram bawhchhiatna lian tak pakhat, thangtharte bawhchhiatna phura a nunna hial hlantu, Zothansanga in nei bawk a, veng namai in ni lo. Hawihhawmna lamah pawh in zahawm thawkhat viau a, Kristian Chhungkaw lamah pawh inti tak a, thing hmun thenkhat anga zan khata in tam tak tlawha zawh vat tum lovin Upate ngei pawhin tap hial khawpin thusawi leh tawngtai nei theiin zing tawngtai pawh in ngai pawimawh viau bawk. In veng thalai vanduai, Zothansanga chhungte pawh Pathian leh hnama thangharh kawp tak mai niin hming sak danah pawh Zothantluanga te, Zonunmawii te an lo ni a, kan hnam hun tawng mek leh hun lo kal zel turah awmze thuk tak an nei ngei ang. Kan Bible-a changtu pawimawh berte zinga mi, Abrahama nen pawh tehkhin theih a ni ang. - CL Kan sorkar hnathawk, mahnia in leh lo nei reng sia department quarters-a la awm, to zawka mahni in luahtir tlatho hi sorkar hian dap chhuak vat teh se. An zak lo zawk ngawt mai, thingtlang atanga Aizawla post tan a hrilhaithlak em mai! - RAMHMANGAIHTUA Tunlai Kristian cubic lung hi a va tling lo nasa em em ve le, eng department hmalakna chi nge aw? A te lutuk deuh a ni e. - 9862838074