Aizawl; Mizoram sawrkar department hrang hrang zingah mimal (private) in luah 29 an awm a, chung department te in luah man thla khat senso chu Rs. 17,81,820 a tling.

Assembly budget session neih mek a Aizawl North I bialtu MLA Vanlalhlana zawhna, Chief minister Zoramthangan ziaka a chhan danin, sawrkar department hrang hrang zinga mimal in luah tam ber chu Police Headquarters niin, 15 an luah a, thla khat senso Rs. 1,80,864 a tling.

Police Headquarters dawt a mimal in luah tam zual department dangte chu G&MR niin, mimal in 11 an luah man thla khat senso Rs. 25,300 a tling a, Women & Child Development in mimal in 9 luah bawkin, thla khat in luah man senso Rs. 1,93,263 a tling. P&E in mimal in 8 luah in, thla khat senso Rs. 1,32,600 a tling bawk.