Aizawl July 10, 2023 : Mizoram Govt Doctors' Association (MGDA) member ten July ni 10&11, 2023-a an hnathawhna hmun theuhah badge dum an bel chu an titawp a, Chief Minister leh Dy CM leh Health Minister leh sawrkar official te sawi chu MGDA Executive Committee chuan rintlakah an ngai a, Chuvang chuan black badge kan bel mek leh July 13 atanga Mass Casual Leave lak an tum chu MGDA chuan thulh lailawk rih ni se an ti.

Tukin khan Dy Chief Minister Tawnluia leh Hon'ble Health Minister Dr. R. Lalthangliana ten MGDA hruaitute lengah an sawm a. He meetingah hian Hon'ble MLA, Dr ZR Thiamsanga, Vice Chairman, H & FW Board te, Principal Secretary, Finance te, Principal Secretary, H & FW leh Secretary, DP&AR  bakah sawrkar official dangte an tel bawk. He meeting-ah hian Sawrkar hmalak mekna leh July thla Cabinet meeting-ah ngaihtuah a nih tur thu an sawi.

Chawhnu dar 2.30 khan Chief Minister ahawmtak, Zoramthanga'n MGDA hruaitute kawmin sawrkar ruahmanna a sawipui a, MHS Restructuring chungchang chu July thla Cabinet meeting-ah ngaihtuah ngei a, a theih anga tihhlawhtlin ngei a lo tiam a. Nawrh chhunzawm lo turin an lo ngen bawk a ni.

MGDA thil phut, sawrkar Committee sangin recommendation a lo siam tawhte chu July thla chhung ngeia Cabinet Meeting-a ngaihtuah a, theihtawp chhuaha tihhlawhtlin an tum thu Chief Minister leh Dy CM leh Health Minister leh sawrkar official ten an sawi vek chu MGDA Executive Committee chuan rintlakah kan ngai a. Chuvang chuan black badge kan bel mek leh, ni 13 atanga Mass Casual Leave lak kan tum chu MGDA chuan hulh lailawk rih ni se an ti a. Sawrkar thu ngaichang reng chungin hmalak dan tur an ngaihtuah zui zel tur thu an sawi

MGDA member-te chu hruaitute thuchhuak lo ngaichanga zel turin kan inchah a ni.