September 13, 2022; Kum 2021-22 chhung khan sawrkar hnathawk leh an chhungte, Mizoram chhung leh pawn lama inenkawl mi 14,100 an awm a, chung miten Medical Re-inbursement- a pawisa an dil belhkhawm chu Rs. 73,10,27,711 a tling.

Health department in tunhnai a a tihchhuah e-Book 2021-22 a tarlan a nih danin, 2021-22 chhung khan sawrkar hnathawk leh an chhunte damlo inenkawlna, Mizoram State Health Care Society (MSHCS) a bill lut zang zawng chu 14,251 niin, chung mite MR bill belhkhawm chu Rs. 85,97,98,910 a tling a. 

Hetihlai hian MSHCS chuan Central Government Health Scheme (CGHS) rate anga an endik hnuah mi 14,100 te dilna (MR bill) an pawm a, chu chu Rs. 73,10,27,711 niin, dilna lut zinga 151 pawm loh a awm. MR bill lut zawng zawng belhkhawm endik hnua pawm loh/siamrem zat chu Rs. 12,87,71,199 a ni.
 
Sawrkar hnathawk leh an chhungte dam lo inenkawlna MR bill hi, CGHS rate anga endik a nih hma chuan, kum khatah cheng vbc. 80-100 vel sen thin a lo ni tawh a, hemi kalphung hi kum 2017 chho atang khan hman a ni.

• Sawrkar hnathawk Medical Re-imbursement: 2021-22
• Dilna lut        14,251
  Dil zat        Rs. 85,97,98,910
• Dilna pawm    14,100
  Hnawl zat        151
  Pawm zat        Rs. 73,10,27,711