August 24, 2023; Sawrkar hnathawk FMGE&W chuan DA tihpun ngiatin peaceful demonstration an kaltlangpui dawn a, duty tur pawh an inruat fel tawh.

Thuchhuah an siamah FMGE&W General Council Meeting ni 22.8.2023-a neihin a rel angin, sawrkar Notification No.G.12011/2/2017-FIN(PRU) dt.16.8.2018 anga Dearness Allowance sawrkarin a pek phut nan, Peaceful Demonstration neih tur a ni a member ten mahni awmna hmunah theuh lo zawm vek tur a ni a, a tul anga duty tura ruat te thahnemngai taka duty turin an inngen.

Convener an ruatte chu a tul dan angin an team memberte ko khawm a, duty dan tur ruahman lawk tura beisei an ni.

Ruahmanna an siam dan :-

* Ni 28, 29 & 30 August, 2023 - Pen / Tool Down

* Ni 31 Aug. & 1 Sept. 2023 - Mass Casual Leave

Mipuiten an hmalakna an tuar lutuk loh nan tun dinhmunah chuan heng mite hian an hmalakna an zawm ve rih lovang.

1) Magistrate duty te

2) Uniform cadre (Police/Excise/Fire/Jail/Home Guard etc.)

3) Emergency Duty te (Hospital/PHE/P&E/PWD etc)

An hmalakna hian awmzia a neih loh chuan hmalak zel dan tur ngaihtuah turin September ni 4, 2023-ah General Council Meeting koh a ni ang.