August 17, 2023; Mizoram sawrkar hnathawkte chuan vawiin ah badge dum an bel a, hei hi dan anga DA rate hman an phut lantirna a ni.

Mizoram sorkar hnuaia thawk pawl hrang hrang intelkhawmna, Federation of Mizoram Government Em-ployee & Workers (FMGEW) Executive Committee tun hnaia thukhawm chuan, sorkar notification ding lai anga dearness allowance (DA) rate hman phut nan badge dum bel an lo rel tawh a.

FMGEW chuan, DA chungchang sawipui tura Chief Minister an ngenin awmzia a nei thei lo tih tarlangin, "Kan lungawi lohna lantir nan leh sorkar notification anga DA min pek phut nan August 17-18, 2023 hian FMGEW member zawng zawngte chuan badge dum bel tur a ni," an ti.

Badge dum belin awmzia a neih loh chuan hmalak zel dan tur August 22, 2023-ah FMGEW General Council Meeting-ah an ngaihtuah leh dawn thu an tarlang.