Sawrkarin power man Cheng vbc 211 ba || Nikumah sawkarin power-ah vbc 163 hloh
![](https://zalen.s3.ap-south-1.amazonaws.com/images/news/1720870765_INP5JjIg9jiwBzkMPBpiChlOoa0tNwYGNnKo2WM2.jpg)
1. Mizoramah April 1, 2024 thlengin electricity consumer 2,93,931 an awm mek.
2. Tafiff order (FY 2024-25) tar lan angin tun dinhmunah sawrkarin chawhrualin unit khat zelah Rs. 3.607-in power hman man mipui a tumsak (subsidise) mek.
3. Mizoramah khaw 13 êng pek lohna khua a la awm a, heng khuate hi Revamped Distribution Sector Scheme (RDSS) hmanga tihên turah hmalak mek a ni.
4. Kum 2024-25 chhungin power leina atan tum nga sum a pe chhuak tawh.
Aizawl July 14, 2024 : Mizoram sawrkar chuan power leina man ba (as on 14.06.2024) vaibelchhe 211.15 a nei mek a, pawisa bat zat hi a che reng a. Nikum chhunga power atanga sawrkar hloh hi vbc. 163.91 nia chhut a ni.
ZALEN RTI zawhna chhangin SPIO, Engineer-in Chief, Power & Electricity Department chuan nikum 2023-2024 chhung khan state pawn atanga power leina atan vaibelchhe 531.95 pek chhuah a ni a, hei hi chawhrualin thla tin vbc.44.33 power leina atan seng ang a ni a. Nikum (2023-24) chhung vek khan sawrkar chuan mipui (consumer) hnen atangin power hman man vbc. 368.04 a hmu a, hei hi chawhrualin thla tin vbc. 30.67 hmu ang a ni.
Mipuiten hnianghnara kawlphetha (power) hmang turin Mizoram chuan kum 2024-2025-ah mega watt 190, 2025-26-ah 200MW, 2026-27-ah 211MW leh 2027-28-ah 221MW a mamawh dawn niin 20th Electric Power Survey of India chuan a chhut niin an sawi.
Mizoram chhunga hmun 14-ah power siam chhuah a ni tih sawiin heng zinga 13 hi state sawrkar ta a ni a, pakhat, 60 MW pe chhuak thei Tuirial chu NEEPCO kutah a awm niin an sawi a. Mizorama power siam chhuah (Tuirial) hi kum 2023-24 chhung khan unit khat Rs. 7.35-in sawrkar chuan a lei tih an sawi bawk.
SPIO chuan ni zung chakna hmangin power siam chhuah a awm bawk tih sawiin hengte hi Khawiva Sub Station 100 kWp, Sihhmui 100 kWP, Melria 100 kWp, Kawlphetha building, MINECO 50 kWp, Tlungvel 2000 kWp, Vankal 20 MW bakah rooftop solar 10 kWp chin chung lam belhkhawm a vaiin 6.37MWp te atangin ni zung chakna hmanga power siam chhuah mek a ni tih a tar lang a. Ni zung chakna hmanga power siam chhuah hi sawrkar chuan a lei a, Vankal Solar Park atangin unit khat Rs. 3.94 leh rooftop solar atanga tharchhuahte chu unit khat Rs. 2.98-in a lei niin a sawi bawk.
Mizoram sawrkarin tuikhuah ‘hydel peoject’-ah hmathar lak tumna a nei tih sawi bawkin Tuivai HEP (210MW), Tuirini (24MW), Tuichang (102MW) leh Tlawng (120MW) te chu siam anih ngei theih nan hma a la tan mek tih sawiin project hna thawk tur hian tih fel ngai (clearance) hrang hrangte tihfel hmasak ngai tam tak a awm a, chungte tihfel a nih hunah hna tan theih a ni dawn tih a sawi.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024