July 5, 2022; Sawrkar hnathawk inzawmkhawm pawl, Federation of Mizoram Government Employees & Workers (FMGE&W) chuan, Dearness Allowances (DA) 34% a tihpun ngiat a hma an lakna chu, sawrkar hotute ngenna angin chawlhsan rih an tum.

FMGE&W hruaituten ZALEN an hrilh danin, July ni 4, 2022 khan Deputy chief minister Tawnluia leh Health minister Dr. R. Lalthangliana te chuan leng ah sawmin, DA pung pek ngei an duh thu te, an chanvo a ni tih sawrkarin a hriat thu te, chutihlai chuan sawrkar sum dinhmunin a tlin ngang rih loh avangin hremthiam hram turin an ngen a, pek tur awm se pek an duh thu te bakah, pe thei dinhmuna sawrkar a din ve leh pek an tum thute an lo hrilh bawk.

Sawrkar hotute ngenna hi vawiin khan FMGE&W hruaitute chuan ngaihtuahin, sawrkar ngenna chu zahawm an tih vangte, sum a awm rih ngang lo a nih chuan ngenna an dawn angin, lungawilohna lantir loin, sawrkar ngaichang rih turin thutlukna an siam a, DA tinpun ngiat a hmalak zel an tumna pawh an tawpsan rih dawn a ni.

FMGE&W chuan an DA 34% a tihpun ngiatin kar kalta, June ni 27 atanga July ni 1 chhung khan khan bagde dum an lo bel tawh a. Mizoram hnuaia sawrkar hnathawkte hian DA hi 28% an la mek a ni.