February 9, 2023; Planning & Programme Implementation Department changtu chief minister Zoramthanga sawi danin, tun dinhmunah chhungkaw (beneficiary) 59,996 hnenah Family Oriented SEDP (Phase 1) 1st Installment Rs. 25,000 theuh sem a ni tawh.

Vawiin Assembly Budget Session ah C. Lalsawivunga zawhna chhangin CM Zoramthanga chuan, Notification No. A.45011/1/2022 - SEDP dt. 30.8.2022 Family Oriented SEDP (Phase 1) Inkaihhruaina Para. V - Section 2 - Part B in a sawi angin, chhungkaw pakhatin Rs. 50,000 zel an dawng dawn a, installment hnih a sem tur a nih thu leh tunah hian first installment atan Rs. 25,000 theuh sem tawh a ni tih a sawi.

CM sawi danin, SEDP atan Implementing Department 9 an awm a, chungte chu - Agriculture, Horticulture, AH&Vety, Fishery, Sericulture, Land Resources, Soil & Water Conservation, Commerce & Industries, UD&PA leh Tourism department te an ni.

Member te zawhbelhna chhangin chief minister chuan, tun a SEDP 1st installment an sem Rs. 25,000 chu hlawhtlinpui tham a ni lo tih sawiin, "Financial year khat a kan pek tur chanve chauh a ni a, 1st installment chauh a la ni. Hlawhtlinpui tham a la ni lo. Rs. 25,000 dang kan pe leh ang a, chu pawh chu hlawhtlinpui thamah kan ngai lo a, pek belh zel kan tum," a ti.

Chief minister Planning changtu sawi danin, SEDP chu phase 2 na an dawng leh dawn a, financial sanction pawh tihfel vek tawh a ni. SEDP pek tawh te bak, midang te fianancial year thar atan pek an ni ang a, a tharin mi sing engemawzat pek leh an ni dawn.