December 22, 2022; Mizoram sawrkar flagship programme SEDP hnuaiah kum kal mek 2022-23 chhungin beneficiary 1,500 mau chintir turin ruahman a ni.

Media & Publicity department, MNF Gen. Hqrs. in a tihchhuah 'MNF sawrkar thla 42' leaflet a tarlan a nih danin, Horticulture department hnuaiah kum 2019-20 chhungin Lengpui leh Hmunpuiah mi 226 mau chintir an ni a, kum 2020-21 ah Hmunpui Saiphal zauah Ha 150 ah hmalak niin, kum kal mek 2022-23 chhungin benefiriary 1,500 te Mau chintir tura ruahman a ni.

Kum 2020-21 atangin NEC hnuaiah 'Bamboo Development Project in Mizoram' tiin kalpui a ni a, Mamit, Kolasib leh Khawzawl district ah Ha 385 ah chintir an ni. Raw chi tha chauh chintir niin, Tissue Culture D. Brandisii leh Rawmi tiak (D. Sikkimensis) sem chhuah tawh a ni.

Kum 2021-22 chhungin, Aizawl, Lunglei, Hnahthial, Mamit, Kolasib, Champhai leh Khawzawl ah Unit 889 tuamin a tiak sem a ni bawk.