Aizawl July 12, 2024 : Serchhip Sericulture Department hnuaia Baktawng Cluster huamchhunga Pangang thar rang chi (Eri) khawi/vulhtute hnenah Solar Electric Light Company (SELCO) te chuan nizung chakna thahrui hmang Solar-Electric Bulb leh Solar light hrang hrangte hlanna hun an hmang.

SELCO te hian Sericulture Department te nen tanghoin Silk Samagra-2 hmalakna hnuaia Baktawng Cluster huamchhunga Eri vulhna - rearing house chawmtu turin heng solar te hi an hlan a. Tun tumah hian a bul tan nan Eri pangang khawitu mi 14 te hnenah solar hi hlan a ni a. Mizoram chhung hmun hrang hrangah Eri pangang khawitute hnenah solar bungruate hi hlan chhunzawm zel tum niin kum 2025-ah chuan mi 1500 chuang hnenah hlan hman an tum a ni.

Sericulture Department leh SELCO mithiamte kaihhruainain farmer 14 te tan hian an Solar hmanrua dawn thar te enkawl dan Solar Maintenance training an neih chhunzawm nghal a ni.