Aizawl: Nimin khan Prism party leh ZORO te chuan Sikul Pui kawtah ‘Self Determination Day’ an hmang a, he hunah hian Prism President leh ZORO president te chuan thu an sawi.

India-in zalenna a hmuh hma kum 1946 July 20 khan khatih laia bawrhsap A.R.H. Mc Donald chuan khatih laia lalte leh mipui aiawhte chu kokhawmin British-in India ram an chhuahsan hnua Mizoram awm zel dan tur a sawipui a, hemi ni tlai hian Mizo lal te leh hnamchawm aiawh te chu tuna Boys M.E. School kan tih tak kawtah hian an kalkhawm a, ‘Mahnia Ro Inrel Duh thu’ chu an thutlukna a ni.

Kum 1947 February 21 pawh khan ‘Mahnia Ro Inrel’ chu kan hruaitu hmasate hian an rel leh a, Draft Constitution for Mizoram (The Lushai Hills District) pawh siam a nih phah hial. Prism chuan July 20 hi ni pawimawh takah ngaiin kum tin he ni hi ‘Self Determination Day’ tih hming vuahin hman chhunzawm zel an tum.