Aizawl: September ni 7,2021 atanga neih tan tur Mizoram Legislative Assembly session chu ni 3 chhung neih a ni dawn.

Assembly Speaker Lalrinliana Sailo hova Bussiness Advisory Committee thukhawm in ruahmanna an siam dan chuan session tan ni hian session neih kar laka MLA thi mi 2, PC Zoram Sangliana leh Andrew H.Thangliana te sunna hun hman a ni dawn a, a hnuah zawhna leh chhan na hun hman a ni ang. September ni 8 & 9 ah te zawhna leh chhanna bakah sawrkar thil pawimawh ngaihtuah tur te ngaihtuah a ni ang.

Zirtawpni tlai thleng khan session a ngaihtuah tur hian zawhna (starred question) 258 leh ziak a chhan chi zawhna (unstarred question) 227 a lut tawh a, sawrkar bill 1 leh paper lay tur 5 a lut tawh.