ZALEN August 25, 2023 : Vawiin khan ZPM General Headquarters Executive Meeting chu Republic Veng Hall a neih a ni a, he hunah hian resolution pathum an pawm a, kumin inthlanpui atan BJP thawhpui an tum lo a, party chhung inthlan hun tur pawh thla ruk hnu vela neih turin an sawn.

ZPM vawiina executive thukhawm chuan Kum 2023 Mizoram Legislative Assembly inthlan lo awm turah BJP kan thawhpui dawn lo tih an puang a, Pathian leh mipui zarah sawrkarna an chang a nih chuan sawrkarin Zofate himna leh inpumkhatna tur atan nasa zawkin hma lak an tum.

ZPM General Headquarters hruaitu term ding lai September thlaa tawp tur chu pawh sei tha an ti a, hruaitu thar thlan hun atan March 2024 a neih ni se an ti a, neih Ni tur erawh an rel lo.