ZALEN May 5, 2026: Serchhip Police te chuan nimin khan Serchhip Sailiamkawn-a Police Checkpost-ah Sapzu tam tham tak leh a neitu nia hriat mi pahnih an man a, thubuai siam sak nghal an ni.

Serchhip Police te hian nimin khan Sailiamkawn-a Police Checkpost-ah Sapzu um 84 an man a, heng te hi Whisky (Royal Stag) um 24 leh Rum (McDowels) um 60 te a ni a, a vai hian um puitling (750ml) vek niin a neitu nia hriat Imran Hussain Laskar (33), Sadagram Dholai Bazar, Cachar nia insawi leh Ali Hussain Barbhuiya (23), Karkat Barti FV, Cachar nia insawi te chu man an ni a, MLP Act, 2029 hnuaiah thubuai siam sak nghal an ni.

Heng hnamdang pahnih te hian eichawp thil chi hrang hrang chu motor hian an phur a, heng an bungraw phurh karah hian heng Sapzu te hi thukru in Sapzu man zawng zawng hi a vaiin Rs. 1,00,800 man nia chhut a ni.

#ZalenNews