Aizawl August 14, 2023: Aizawl District Bawrhsap Nazuk Kumar chuan Engineer-in-Chief, PHED, Mizoram, Aizawl atanga ngenna lehkha hmuh angin, fur laia Aizawl Water Supply Scheme tana hnianghnar taka tui pe thei tur Serlui 'A' Gravity Water Supply Scheme awmna Serlui hnar lamah lung, leivung leh thingtum te paih thin chu a khap.

Khapna hmun te : 

1) Serlui hnar dungah mi tumahin leivung an paih tur a ni lo.

2) Lui dungah lung lak khap a ni.

3) Thing kih hnawk te lui ah an paih mai mai tur a ni lo.

He thupêk hian thlahnih (2 months) chhung a huam ang a. Thupêk bawhchhia an awm a nih chuan Section 188 IPC dân hmangin an chungah action lâk a ni ang.