Aizawl August 18, 2024 : Naktip, Thawhlehni atanga Mizoram Legislative Assembly fur thutkhawm, ni hnih awh neih tura ngaihtuah turin bill panga a lut tawh.

ZALEN-in Assembly Secretariat atanga thu a dawn danin bill lut hi home department atanga lut, ‘The Mizoram Prisons & Correctional Services Bill, 2024’ leh bill siam thatna tur (amendment) pali, art & culture atanga lut, ‘The Mizoram Public Records (Amendment) Bill, 2024;’ taxation atanga lut, ‘The Mizoram Goods & Services Tax (Second (Amendment) Bill, 2024;’ finance atanga lut, ‘The Mizoram Ceiling on Government Guarantee (Amendment) Bill, 2024’ leh vigilance department atanga lut, ‘The Mizoram Lokayukta (Amendment) Bill, 2024’ te an ni.

Zirtawpni thleng khan session-a chhan tur hian zawhna starred question 263, ziaka chhan chi zawhna unstarred question 17 a lut tawh bawk a. MLA boral mi pakhat, Kapoor Chand Thakuri sunna hun hman a ni bawk ang.