Aizawl: Nilaini atanga neih tan tur Mizoram Legislative Assembly session ah chuan session neih kar laka MLA hlui boral mi 2, Assembly Speaker hlui R.Lalawia leh Goa Chief Minister hlui Manohar Parrikar te sun an ni dawn.

June ni 27,2019 thleng awh tur session ah hian Zirtawpni thleng khan zawhna chhan tur starred question 371, ziaka chhan chi (unstarred question) 90 bakah private member resolution 31 a lut tawh a, sawrkar bill lut a la awm lo.

Speaker hova Bussiness Advisory Committee in ruahmanna an siam dan chuan session tan ni ah hian sunna hun hman a ni ang a, ni 13.6.2019 ah Finance Minister in budget a pharh ang a, ni 14.6.2019 (Zirtawpni) ah private member resolution sawiho a ni ang. Ni 17.6.2019 atangin budget sawihona neiin ni 19.6.2019 atangin Minister hrang hrangte demand sawiho a, pass an tum.