Assembly Secretariat thawktute hnen atanga Zalen thu dawn danin session a ngaihtuah tur hian bill pahnih AH&Vety department atanga lut ‘The Mizoram Licensing Veterinary Hospital and Clinic Bill, 2021’ leh Higher & Technical department atanga lut ‘The Mizoram State Higher Education Council (Amendmend) Bill, 2021’ te an ni.

Naktipa neih tan tur session-ah hian Zirtawp tlai thleng khan House chhunga chhan chi zawhna (starred question) 379, ziaka chhan chi zawhna (unstarred question) 189, resolution 78 leh paper lay tur 11 a lut tawh bawk.

Speaker hova Bussiness Advisory Committee-in ruahmanna an siam dan chuan session tan ni hian Larsap in House ah thu a sawi ang a, hei bak hi hemi ni hian thildang tih a ni lo vang. A tuk, February 24-ah Larsap thusawi a lawmthu sawina sawiho a ni dawn a. Hei bakah hian session neih karlaka boral MLA hlui pahnih RD Sangkhuma leh K.Thangzuala te sunna hun hman a ni ang. March 1, 2021 (Thawhtanni) ah Chief Minister, Finance Minister ni bawk Zoramthanga chuan kum thar budget a pharh dawn bakah kum hluia sawrkar sum indaih loh avanga sum dil belhna a pharh ang.