BTS star Suga chuan an ram danin a phut angin military service a tan ve ta. South Korea ramah chuan mipate hi sipaiah an tan ngei ngei a ngai a, chhan tha bik a awm a nih loh chuan hei hi an zawm a ngai. 

Suga hi a hming tak chu Min Yoon-gi a ni a, BTS member pawimawh ber pakhat a ni. Sipaia a tan tur chungchang hi sawiin, "Ka duty hi tha taka ka hlen chhuah theih ka beisei a, ka lo kir leh ang," tiin social media-ah a tarlang. 

South Korea hi an ram thenawm North Korea nen an inkar a chhiat thin avangin mipa tawh phawt chu sipaiah an tang thin a, kum 28 an tlinah sipai an tang thin. BTS member te pawh sipaiah hian an tang chho tan a, nikum October khan hemi chungchang hi an lo tarlang tawh nghe nghe. 

An member zinga upa ber Jin pawhin sipai hi a zawm tawh a, nikum December atang khan a duty a tan a ni. Suga-a'n a zawm ve leh ta bawk a, kum 2025 hma chu rimawi khawvelah a thawm a reh rih dawn a ni.